MAHTE 2:4 - Jinghpaw Hanson Version Bible

⁴ dai amyu a hkinjawng agyi ni hte laika ka ai sara ni nlang hte hpe jahpawng da nhtawm, Hkristu hpe kanang shangai dat na maru ta, nga nna shanhte hpe jasan mu ai.

Jinghpaw Common Language Bible 2009

⁴ Herod hkawhkam gaw, dai amyu a hkinjawng agyi ni hte tara sara ni yawng hte hpe shaga jahpawng da nhtawm, “Meshia kanang e shangai wa na rai ta?,” ngu nna shanhte hpe san mu ai.

MAHTE 2:4 ပူးပေါင်းရင်းမြစ်များ

2 HKAWHKAM LABAU 34:13

Shanhte gaw lit gun hpai ai ni kaw nna, amu amyu myu galaw ai ni mahkra hpe yu hparan nga ma ai: Lewi masha ni hta na, chyare ni, agyi ni hte chyinghka sin ai ni pru ma ai.

2 HKAWHKAM LABAU 34:15

Shing rai Hilkia gaw, “Yehowa nta hta dai tara laika ngai mu hkrup se ai,” nga nna Shahpan hpe tsun let, dai laika hpe shi a lata hta ap ya wu ai.

2 HKAWHKAM LABAU 36:14

Dai hta kaga hkinjawng ni hte mung masha ni a agyi ni mung, maigan amyu ni a matsat shabat lam shagu hpe hkan nna grai wa shut hpyit nga ma ai; Yerusalem mare hta e Yehowa shachyoi shapra da ai, shi a nta hpe mung, shanhte awu asin di kau mu ai.

EZRA 10:5

Shaloi Ezra rawt nna, hkinjawng ni a agyi ni, Lewi masha ni hte Israela masha ni yawng, dai ga hte maren hkan galaw na nga, shanhte hpe dagam shangun mu ai. Shanhte mung dagam ma ai.

EZRA 7:6

Dai wa gaw Israela Karai Kasang Yehowa jaw ai, Mawshe a tara laika hta chyare kaba rai nga ai; shi a Karai Kasang Yehowa gaw, shi a matu shadut wu ai hte maren, hkawhkam wa gaw shi hpe hpyi mahpyi jaw wu ai.

NEHEMIA 12:7

Salu, Amok, Hilkia, Yedaia hte gaw, Yeshua aprat e tinang kahpu kanau hkinjawng ni hta, agyi ni rai nga ma ai.

SHAKAWN KUNGDAWN 2:2

Yehowa hte shi a Namman chya ai wa hpe, Ga ntsa hkawhkam ni rau hpawng nga nna, Du salang ni jawm bawng nga ma ai gaw:

YEREMIA 8:8

“Dai rai yang, Anhte hpaji lu ga ai; Yehowa a tara anhte hta rai nga ai, nga nna nanhte kaning rai tsun lu na myit ni? gaja wa chyare ni a masu ai kanyit gaw, masu ai lam shapraw nga ai.

MALAHKI 2:7

Kaning rai nme law, hkinjawng wa gaw, Zaw nawng zaw wa up ai Yehowa a kasa rai nga ai majaw, shi a nten ni chye chyang ai lam kyem da nna, masha ni gaw shi a n-gup hta na tara tam lu na mara ai.

MAHTE 13:52

Bai shi gaw, Dai rai nna sumsing lamu mungdan a matu sape tai sai laika ka ai sara kadai mung, nta madu rai nga ai hte, tinang a sutdek hta na, nnan baw mung dingsa baw mung shapraw ai wa hte bung nga ai,” ngu nna shanhte hpe tsun mu ai.

MAHTE 2:3

Herod hkawhkam dai ga hpe na jang, shi hte Yerusalem na yawng hte hte rau myit kahpra nga ma ai rai nna,

MAHTE 2:5

Shanhte gaw, “Yuda mung na Betlehem mare hta e shangai wa na ra ai:” kaning rai nme law, myihtoi a lata hte ning nga nna ka da nga ai,

MAHTE 21:15

Hkinjawng agyi ni hte laika ka ai sara ni chyawm gaw, shi galaw ai mauhpa amu hte, “Dawi a Kasha kaw, Hawsanna rai wa u ga,” nga nna Htingnu kata hta jahtau ai ma ni hpe mu mu yang, shanhte myit yu kahtet ma ai rai nna, “Ndai ni tsun ai ga hpe nang na da nu ni?” ngu nna shi hpe san mu ai.

MAHTE 21:23

Bai, shi gaw nawku Htingnu hta wa shang nna, sharin shaga nga a yang, hkinjawng agyi ni hte mung masha ni a agyi salang ni shi kaw sit sa nna, “Nang gaw hpa ahkang hte, ndai hte hpe galaw nga n ta? ndai ahkang nang hpe kadai jaw a ta?” ngu mu ai.

MAHTE 26:3

Dai shaloi e hkinjawng agyi ni hte mung masha ni a salang ni gaw, Kayahpa ngu ai hkinjawng agyi a nta npan e zuphpawng ma ai rai nna,

MAHTE 26:47

Shi ga naw tsun nga yang, yu mu, sape shi lahkawng hta lawm ai Yuda gaw sa wa nna, hkinjawng agyi ni hte, mung masha ni a salang ni kaw na pru ai, nhtu hte dawhkrawng lang ai shawa hpawng kaba, shi gaw hkan nang nga ma ai.

MAHTE 27:1

Jahpawt du jang, hkinjawng agyi ni hte, mung masha ni a salang ni nlang hte gaw, Yesu hpe sat kau na lam bawng hkut nga masai:

MAHTE 7:29

kaning rai nme law, shanhte a laika ka ai sara ni zawn n rai, ahkang aya lu ai wa zawn, shi shanhte hpe sharin shaga ya mu ai.

MARKU 8:31

Dai shaloi e, Dai Masha Kasha gaw nni nkri law law wa hkrum nna, agyi salang ni, hkinjawng agyi ni hte laika ka ai sara ni e nyet kau ai hkrum na hte, sat kau ai hkrum nhtawm, masum ya nhtoi hpang e bai hkrung rawt wa lu na lam, shi shanhte hpe sharin achyin hpang mu ai.

LUKA 20:19

Dai ga shadawn hpe laika ka ai sara ni hte hkinjawng agyi ni hpe sha-ang nna tsun ai gaw shanhte chye ma ai majaw, dai ahkying hta pyi shi hpe rim la na maw ma ai, rai timung, mung masha ni hpe hkrit nna nga mat ma ai.

LUKA 23:10

Hkinjawng agyi ni hte laika ka ai sara ni chyawm gaw rawt tsap nna, shi hpe mara grai grai jun da mu ai.

YAWHAN 18:3

Dai rai nna Yuda gaw, hpyen langa ni hte, Hkinjawng agyi ni hte Hparishe ni kaw na, hpyen du ni hpe lu la jang, pyengdin, shanan, ri nhtu hte rai nna, dai de sa wa ma ai.

YAWHAN 3:10

Yesu gaw “Nang gaw Israela masha ni hta sara wa mi ting rai da nhtawm, ndai lam nang n chye nni?

YAWHAN 7:32

Hpawng nga ai masha ni gaw, shi a majaw shing nga tsun wu ma ai hpe, Hparishe ni na ma yang, hkinjawng agyi ni hte Hparishe ni gaw, shi hpe rim la na matu, hpyen du ni hpe shangun dat ma ai.

YAWHAN 8:3

Shaloi laika ka ai sara ni hte Hparishe ni gaw, shut hpyit nga ai masha num langai mi hpe dun sa nna, ka-ang e shatsap tawn da nhtawm,

KASA 23:9

Dai rai nna grai wa tsun garu bu nga ma ai; shaloi Hparishe hpung na laika ka ai sara ni nkau mi rawt nna, “Ndai wa hta hpa mara mung anhte n mu ga ai; Wenyi, shing n rai, lamu kasa langai mi shi hte ga tsun ai rai yang, hpa re hka, “--nga nna tsun hkat bu ma ai.

KASA 4:5

Hpang jahpawt e, shanhte a du agyi ni, salang ni hte laika ka ai sara ni, Yerusalem mare hta hpawng nga ma ai:

KASA 6:12

Shing rai shanhte gaw mung masha ni hte, agyi salang ni, laika ka ai sara ni hpe masin sharawt ya nna, shi hpe sa rim la nhtawm, salang hpawng a man e woi tawn mu ai: