MAHTE 2:13 - Jinghpaw Hanson Version Bible

¹³ Ya shanhte wa mat ai hpang, yu mu, dai Madu a lamu kasa langai mi yup mang hta Yawsep kaw dan pru nna, “Rawt u, dai ma kaji hte shi a kanu hpe woi la nna, Egutu mung de hprawng sa u: ngai nang hpe bai shaga ai ladaw du hkra, dai yang e anga nga su; kaning rai nme law, dai ma kaji hpe sat kau na, Herod tam magang ra ai,” ngu wu ai.

Jinghpaw Common Language Bible 2009

¹³ Hpaji rawng ai ni wa mat ai hpang, dai Madu a lamu kasa langai mi yup mang hta Yosep kaw dan pru nna, “Herod gaw ma hpe sat kau na nga nna tam shangun dat ra ai. Dai rai nna, rawt u, dai ma kaji hte shi a kanu hpe woi nna, Egutu mung de hprawng sa su; ngai nang hpe bai shaga ai ladaw du hkra, dai yang e anga nga su,” ngu nna tsun wu ai.

MAHTE 2:13 ပူးပေါင်းရင်းမြစ်များ

1 HKAWHKAM 11:17

Hadad gaw Egutu mung de sa wa na matu shi kawa a ali ama ni nkau mi hte rau hprawng pru wa ma ai; Hadad chyawm gaw ma kaji naw rai nga ai.

1 HKAWHKAM 3:5

Gibeon shara e Yehowa gaw shana e yup mang hta Shawlumon kaw dan pru ai rai nna, Karai Kasang gaw, “Ngai nang hpe hpa jaw na hpyi e,” ngu wu ai.

YOBA 33:15

Masha ntsa e yup a ai yu hkrat wa nna, shi a yup ku ntsa e yup pyaw nga yang, yup mang mu nna shana na shingran hte,

YOBA 33:17

Shing rai, masha maw ai hku shi hkum kau ai hte, gumrawng gumtawng rawng ai myit, pat kau wu ai.

PRU MAT 1:22

Bai Hpara-u gaw shi a mung masha ni nlang hte hpe hkang da nna, Shangai tawn ai lasha ma yawng hte hpe hka hta kabai bang kau ya mu; numsha ma hpe chyawm gaw jahkrung da ya mu, ngu nna tsun dan mu ai.

MAHTE 1:20

Ndai lam ni hpe naw myit aru nga yang, yu u, Madu a lamu kasa langai mi yup mang hta shi hpe hkum madun dan nna, “Dawi a kasha Yawsep e, na a madu jan Mari hpe la na myit hkum ru et; shi a na-um nasin gaw, dai Chyoi pra ai Wenyi kaw na rai nga ai:

MAHTE 10:23

Mare langai mi hta nanhte hpe zingri zingrat myit yang gaw, kaga de hprawng sa mu: nanhte hpe ngai teng teng tsun made ai gaw, Israela a mare ni hpe garai n htum lu yang, dai Masha Kasha gaw du na ra ai.

MAHTE 2:12

Herod hpang hku bai n hprang wa mu ga, yup mang hta shanhte hpe madun dan mu ai majaw, shanhte gaw tinang a mung de, lam kaga hku wa mat ma ai.

MAHTE 2:14

Shaloi shi rawt nna, dai ma kaji hte shi a kanu hpe, shana ladaw e woi la nna, Egutu mung de htawt wa ai hte, Herod nsa hkyet ai ladaw du hkra, dai yang e anga nga ai.

MAHTE 2:16

Hpaji rawng ai ni Herod hpe hkalem kau ma ai, shi chye nga ai shaloi, shi ja ja masin pawt bu ai hte, hpaji rawng ai ni shi hpe madun dan ai aten sawn la nna, shi shangun dat nhtawm, Betlehem hte de a ginwang hkan e rawng nga ai, ni ning kaw nna lawu grit re ai lasha ma kaji nlang hte hpe, sat kau mu ai.

MAHTE 2:22

Rai timung, Arkela-u, shi a kawa Herod a malai, Yuda mung hta e hkawhkam tai nga ai shi na wu ai shaloi, dai de e shang wa na shi hkrit nga ai: dai hta kaga, yup mang hte shi hpe bai madun dan wu ai majaw, Galile mung de shi bai htawt nna, Nazaret ngu ai mare hta anga nga ai.

KASA 10:22

Shanhte gaw, “Dingman nna, Karai Kasang hpe hkrit hkungga ai hte, Yuda amyu ting a man e myi man pa ai, hpyen latsa up ai bu Korneli gaw, nang hpe shi a nta de shaga bang nna, nang tsun ai ga madat la na lam, chyoi pra ai lamu kasa nan shadum dan ai lu la nu ai,” ngu nna tsun dan mu ai.

KASA 10:7

Shi hte ga tsun ai lamu kasa wa mat jang, shangun ma lahkawng hte, shi kaw tut hkan nga ai ni hta na, tara hkungga ai hpyen ma langai mi hpe shaga nna,

KASA 12:11

Ya Petru myit arai la lu jang, Madu gaw shi a lamu kasa shangun dat nna, Herod a lata hte Yuda masha ni myit mada ai lam yawng hta na ngai hpe shaw la sai gaw, ya ngai teng teng chye se ai, nga nna,

KASA 12:7

Shaloi, yu u, Madu a kasa langai mi pru tsap nna, dai gawk hta nhtoi htoi nga ai: shi gaw Petru a garep gumhpuk ya nna, “Alawan rawt u,” ngu nna jasu wu ai; shaloi hpri sumri ni mung shi a lata na malaw mat lu ai.

KASA 16:36

Shaloi htawng agyi wa, dai ga Pawlu hpe tsun dan let, “Nan hpe dat dat na, mare agyi ni masha shangun mara ai majaw, ya angwi apyaw pru wa masit,” ngu nna tsun nga ai.

KASA 5:19

Rai timung, dai shana e Madu a lamu kasa gaw, htawng chyinghka ni hpaw kau ya nna, shanhte hpe shapraw dat let,

KASA 7:19

Dai hkawhkam wa gaw, anhte a baw sang ni hpe hpaji hte manai nna, ma chyangai ni hpe n jahkrung da lu hkra kabai kau na lam hte, ji wa ni hpe zingri zingrat mu ai.

YAWSHU 3:13

Kaning rai nme law, lamu ga Madu Yehowa a sumpu hpai ai hkinjawng ni a lagaw lahpan ni Yawdan hka kabye hkra ai hte shaloi jang, Yawdan hka gaw dai kaw hprut rai di mat nna, hka hku de na hka gaw sumpum tsaw mat wa na ra ai,” ngu nna tsun mu ai.

YAWSHU 3:17

Shing rai Yehowa a ga shaka sumpu hpai ai hkinjawng ni gaw Yawdan hka ka-ang e ga hta tsap lu ma ai; amyu masha ni yawng rap kawt ma ai du hkra, Israela amyu ting ga hku hkawm wa lu ma ai.

YAWSHU 4:10

Kaning rai nme law, Mawshe Yawshu hpe hkang da sai hte maren, shawa masha ni hpe htawn tsun na lam, Yehowa Yawshu hpe tsun matsun shatup ngut ai du hkra, sumpu hpai ai hkinjawng ni gaw, Yawdan hka ka-ang e atsap nga ma ai: amyu masha ni chyawm gaw tin tin rap wa ma ai.

YAWSHU 4:18

Shaloi Yehowa a ga shaka sumpu hpai ai hkinjawng ni Yawdan hka ka-ang na pru lung wa ai rai nna, shanhte a lagaw lahpan hkarang kabye dep ai hte rau, Yawdan hka gaw shi a shara de bai lwi wa nna, myi na ta hka dingdung na hkin-gau lim hkra bai rai mat ai.

SHINGRAN 12:14

Dai num gaw lapu kaw na lawt lu nna, nam mali na shi a shara de pyen wa lu nhtawm, dai yang e prat mi, prat lahkawng hte prat ka-ang hkup bau lanu ai hkrum lu hkra, dai landa kaba a singkaw lahkawng maga, shi hpe jaw dat wu ai.

SHINGRAN 12:4

Shi a nmai gaw lamu shagan htam masum hta na htammi magawn la nna, ga de jahkrat dat wu ai: kasha shangai magang ai num shangai ngut jang, shi a kasha hpe sha kau na nga, baren numraw gaw dai num a man e la tsap nga ai.

SHINGRAN 12:6

Dai numsha gaw, nam mali de hprawng mat wa ai; dai yang e nhtoi hkying mi ni tsa e kru shi ya tup shi hpe bau mu ga, Karai Kasang gaw shi a matu nga shara lajang da ya wu ai.