MAHTE 2:12 - Jinghpaw Hanson Version Bible

¹² Herod hpang hku bai n hprang wa mu ga, yup mang hta shanhte hpe madun dan mu ai majaw, shanhte gaw tinang a mung de, lam kaga hku wa mat ma ai.

Jinghpaw Common Language Bible 2009

¹² Herod hpang hku bai n hprang wa mu ga, dai Madu gaw yup mang hta shanhte hpe sadi jaw da mu ai majaw, shanhte gaw tinang a mung de, lam kaga hku wa mat ma ai.

MAHTE 2:12 ပူးပေါင်းရင်းမြစ်များ

NINGPAWT NINGHPANG 31:24

Karai Kasang chyawm gaw shana e yup mang hta Laban kaw du pru nna, Yaku hpe kaja ai mung n kaja ai mung nang n tsun n ga, sadi nga u, nga wu ai.

PRU MAT 1:17

Shangai karum num yan chyawm gaw Karai Kasang hpe hkrit hkungga ma ai rai nna, Egutu hkawhkam hkang da ai hku n hkan ai sha, lasha ni hpe jahkrung da ya mu ai.

Daniela 2:19

Dai rai nna shana aten e, shingran hte, Daniela hpe dai lam shapraw dan wu ai.

MAHTE 1:20

Ndai lam ni hpe naw myit aru nga yang, yu u, Madu a lamu kasa langai mi yup mang hta shi hpe hkum madun dan nna, “Dawi a kasha Yawsep e, na a madu jan Mari hpe la na myit hkum ru et; shi a na-um nasin gaw, dai Chyoi pra ai Wenyi kaw na rai nga ai:

MAHTE 2:13

Ya shanhte wa mat ai hpang, yu mu, dai Madu a lamu kasa langai mi yup mang hta Yawsep kaw dan pru nna, “Rawt u, dai ma kaji hte shi a kanu hpe woi la nna, Egutu mung de hprawng sa u: ngai nang hpe bai shaga ai ladaw du hkra, dai yang e anga nga su; kaning rai nme law, dai ma kaji hpe sat kau na, Herod tam magang ra ai,” ngu wu ai.

MAHTE 2:19

Ya Herod nsa hkyet mat ai hpang, yu mu, dai madu a lamu kasa langai mi, Egutu mung hta e, yup mang hte Yawsep kaw dan pru nna,

MAHTE 2:22

Rai timung, Arkela-u, shi a kawa Herod a malai, Yuda mung hta e hkawhkam tai nga ai shi na wu ai shaloi, dai de e shang wa na shi hkrit nga ai: dai hta kaga, yup mang hte shi hpe bai madun dan wu ai majaw, Galile mung de shi bai htawt nna, Nazaret ngu ai mare hta anga nga ai.

MAHTE 27:19

Ya, dai tara tingnyang hta e shi naw dung nga yang, shi a madu jan shi kaw shangun nna, Dai dinghpring ai wa hpe hpa mung hkum di u; dai ni pyi, yup mang hta e shi a majaw, ngai nni nkri law law wa hkrum nngai, ngu nna htet dat wu ai.

LUKA 2:26

Shi gaw, dai Madu a Hkristu hpe garai n mu yang, si na n rai, nga nna Chyoi pra ai Wenyi hte madun dan ai lu la wu ai.

KASA 10:22

Shanhte gaw, “Dingman nna, Karai Kasang hpe hkrit hkungga ai hte, Yuda amyu ting a man e myi man pa ai, hpyen latsa up ai bu Korneli gaw, nang hpe shi a nta de shaga bang nna, nang tsun ai ga madat la na lam, chyoi pra ai lamu kasa nan shadum dan ai lu la nu ai,” ngu nna tsun dan mu ai.

KASA 4:19

Petru yan Yawhan chyawm gaw, “Karai Kasang a ga madat na hta, nanhte a ga mahtang madat yang, Karai Kasang a man e mai n mai gaw, nanhte she dawdan yu mu.

KASA 5:29

Shaloi Petru hte kasa ni htan mu ai gaw, “Masha ga madat na hta, Karai Kasang a ga mahtang grau madat na ga ai.

1 KORINHTU 3:19

Kaning rai nme law, ndai mungkan ga na hpaji byeng-ya gaw, Karai Kasang a man e angawk angak rai nga ai. Dai rai nna, Hpaji rawng ai ni hpe shanhte a hpaji hte shi shakrip mu ai;

HEBRE 11:7

Kamsham ai hte Noa gaw garai n mu yu ai arai ni a lam shadum jahprang ai hkam la lu ai rai nna, shi a nta masha ni hpe hkye hkrang la na matu hkrit hkungga ai myit hte sanghpaw li shachyaw wu ai: shing rai kamsham ai hte shi mungkan ga hpe jeyang nna, makam masham hte seng ai dinghpring ai a sali wunli hkam la ai wa, rai wa ai.

HEBRE 8:5

Mawshe gaw dai nawku ai sum hpe gap magang nga ai shaloi e, Bum ntsa e nang hpe madun dan sade ai kasi hte maren, yawng mayawng hpe galaw lu hkra sadi nga u, nga nna Karai Kasang shi hpe tsun shadum ai hku hkan ai majaw, shanhte gaw sumsing lamu na arai ni a kanan hte shingna hpe sha, daw jau ma ai.