MAHTE 19:9 - Jinghpaw Hanson Version Bible

⁹ Nanhte hpe ngai tsun made ga, Hpye ai lam hta kaga, tinang a madu jan hpe shabawn kau nhtawm, num kaga hpe hkungran la ai wa kadai mung, num shaw ai wa tai nga ai,” ngu nna shanhte hpe tsun wu ai.

Jinghpaw Common Language Bible 2009

⁹ Nanhte hpe ngai tsun made ga, tinang a madu jan hpe, sadi n dung nna arawn alai hten run mat ai mara hta lai nna, kaga hpa baw mara a majaw mung jahka kau nhtawm, num kaga hpe hkungran la ai wa kadai mung, num shaw ai wa rai nga ai,” ngu nna shanhte hpe tsun mu ai.

MAHTE 19:9 ပူးပေါင်းရင်းမြစ်များ

NINGPAWT NINGHPANG 20:3

Karai Kasang chyawm gaw shana e yup mang hta Abimelek kaw du nna, “Yu u, nang la ai num a majaw, nang masha chyasi rai nit dai; kaning rai nme law, shi masha a num rai nga ai,” ngu nna daru wu ai.

2 HKAWHKAM LABAU 21:11

Yuda kawng ni a ntsa e pyi nawku shara tawn da nna, Yerusalem masha ni hpe shut hpyit shangun ai hte, Yuda mung masha ni hpe lam woi shadam mu ai.

YEREMIA 3:1

Masha langai ngai, madu jan hpe kabai kau nna, num dai pru nhtawm, kaga wa hte nga sha ai hpang, shawng na madu wa gaw, dai num hpe bai kahkyin la mai a ni? shing rai galaw ai mungdan gaw, awu asin rai nga ai, n rai ni? nga nna masha ni tsun ninglen, nang gaw sumtsaw sumra law law hte mazum timung, ngai hpang de bai wa rit law, nga nna Yehowa tsun ai.

YEREMIA 3:8

Htak mat sai Israela gaw, la shaw ai hte shut ai amu galaw ai majaw ngai shi hpe kau da nna, jahka ai laika jaw timung, myit magaw ai, shi a kana Yuda gaw, n hkrit ai sha sa nna, shi mung shawa num tai nga ai hpe, ngai mu nngai.

EZEKELA 16:15

“Rai timung, nang gaw na a tsawm htap ai hta machyu nga nna, nang kajai gumhkawng hkrum ndai majaw shawa num tai nna, hkawm lai wa ai ni yawng hte shut hpyit nga ndai: la shagu hte nang hkrum ndai.

EZEKELA 16:29

Dai hta kaga, Hkanan mung kaw nna Hkalde mung du hkra, shawa num amu nang shalaw dat timung, myit dik lu ai n rai.”

EZEKELA 16:8

Ya dai hku ngai lai nna, nang hpe mada yu yang, yu u, nang hkawn ram prat du ai majaw, ngai gaw nye a palawng galu hpyan nna, na a singgu krin hpe magap nngai; shaloi ngai na a matu dagam nna, ga shaka tawn da ai hte, nang nye a num tai ndai,” nga nna Madu Yehowa tsun ai.

MAHTE 19:10

Dai rai nna sape ni gaw, “tinang a madu jan hte madu wa a lam dai hku rai nga yang gaw n hkungran yang mahtang grau mai nga ai,” ngu mu ai.

MAHTE 19:8

Shi gaw, “nanhte a myit ja nga malit dai majaw, tinang a madu jan hpe shabawn kau na ahkang, Mawshe jaw myit dai; rai timung, shawng npawt kaw nna shing n nga ai.

MAHTE 5:32

Ngai mahtang nanhte hpe tsun made ai gaw, la shaw ai majaw sha n rai yang gaw, tinang a num hpe jahka ai wa gaw, shi hpe la shaw shangun nu ai; (dai jahka kau ai num hpe hkungran ai wa mung, num shaw ai amu galaw nu ai.)

LUKA 16:18

Tinang a madu jan hpe jahka kau nna, num kaga la ai wa kadai mung, num shaw ai rai nga ai: madu wa jahka kau ai num hpe la ai wa mung, num shaw ai rai nga ai.

1 KORINHTU 5:1

Nanhte hta e hpye ai amu rai nga ai gaw, gaja wa pri kajai wa masai: maigan ni hta pyi n lawm ai hpye ai amu rai nga ai rai nna, marai langai mi gaw shi a kawa a num shaw nu ai, rai nga ai.

1 KORINHTU 7:39

Madu jan gaw, madu wa garai n si dingsa, shi hte naw makyit nga ai: rai timung, madu wa nsa hkyet sayang gaw, tinang myit hte maren, Karai Wa hpe dum ai hte sha, kadai kaw wa mayu yang, wa lu na re ai.

1 KORINHTU 7:4

Madu jan gaw tinang hkum hpe n up lu ai sha, dai madu wa she up nga ai; dai hte maren, dai madu wa mung tinang hkum hpe n up lu ai sha, madu jan she up nga ai.