MAHTE 19:8 - Jinghpaw Hanson Version Bible

⁸ Shi gaw, “nanhte a myit ja nga malit dai majaw, tinang a madu jan hpe shabawn kau na ahkang, Mawshe jaw myit dai; rai timung, shawng npawt kaw nna shing n nga ai.

Jinghpaw Common Language Bible 2009

⁸ Yesu gaw, “Nanhte hpe sharin shaga na matu myit ja ai hte yak la nga myit dai majaw, tinang a madu jan hpe jahka kau na ahkang, Mawshe nanhte hpe jaw da manit dai rai nga ai. Rai ti mung shawng ningpawt e hpan da ai aten hta shing n nga ai.

MAHTE 19:8 ပူးပေါင်းရင်းမြစ်များ

NINGPAWT NINGHPANG 2:24

Dai re ai majaw lasha gaw tinang a kanu kawa hpe kau da nhtawm shi a madu jan hte manoi nga na rai nna, shan lahkawng gaw hkum shan langai sha tai lu na mara ai.

NINGPAWT NINGHPANG 7:7

Shaloi Noa gaw sha-u ing ai hka a majaw, shi a shadang sha ni hte, shi a madu jan hte shi a kanam ni hte rau dai sanghpaw li de shang ma ai.

SHAKAWN KUNGDAWN 95:8

Meriba hte, nam e nga ai Masa a makau na zawn, Nanhte a myit masin hpe hkum shaja myit.

YEREMIA 6:16

Yehowa ning nga ai: “Lam mashe makau e tsap nna mada yu mu; myi na lam dingsa ni hpe tam let, Kaja ai lam gara mahtang rai ta? nga nna san let, dai hku hkan mu; shing rai yang, nanhte a myit masin ban sa na ra ai; rai timung, Anhte n hkan na ga ai, nga nna shanhte htan ma ai.

ZEHKARIA 7:12

Gaja wa, jep ai tara a ga hpe mung, moi na myihtoi ni a n-gup hte, Zaw nawng zaw wa up ai Yehowa a Wenyi shangun dat ai mungga hpe mung, n na la lu hkra, shanhte gaw tinang a myit masin hpe, nhpai lung zawn shaja nga ma ai: dai re ai majaw, Zaw nawng zaw wa up ai Yehowa kaw na, sindawng kahtet ai tsin-yam kaba pru nga ai.

MAHTE 19:7

Bai shanhte gaw, “Dai rai taw, jahka ai laika jaw nna, shi hpe shabawn kau lu na, nga nna, hpa majaw Mawshe hkang da nga a hka?” ngu mu ai.

MAHTE 19:9

Nanhte hpe ngai tsun made ga, Hpye ai lam hta kaga, tinang a madu jan hpe shabawn kau nhtawm, num kaga hpe hkungran la ai wa kadai mung, num shaw ai wa tai nga ai,” ngu nna shanhte hpe tsun wu ai.

MAHTE 3:15

Shaloi Yesu gaw, “Ya dai shabyin ya e; dingman ai lam shagu hpe shadik lu mu ga, an a matu sut nga mali ai,” ngu nna shi hpe htan wu ai: shaloi, shi hpe dai lam shabyin ya wu ai.

MAHTE 8:31

Dai rai nna, nat ni shi hpe hpyi nem nna, “Nang anhte hpe hkyawt kau mi yang gaw, dai wa wunawng hta anhte hpe shang lu shangun mi,” ngu mu ai.

MARKU 10:5

Yesu gaw, “Nanhte a myit ja nga malit dai majaw, ndai hkang da ai ga, shi nanhte a matu ka da nu ai.

MARKU 16:14

Dai hpang, sape shi langai ni hkrai, shat sha nga ma yang, shi shanhte hpe shi hkum shadan dan wu ai. shi si ai kaw na bai hkrung rawt wa ai, mu lu ai ni a ga hpe nan, n kam ma ai majaw, shanhte a n kam n sham ai hte, myit ja nga ai hpe daru kau wu ai.

1 KORINHTU 7:6

Ning nga ngai tsun nngai gaw, jep ai tara da nngai n rai, ahkang jaw ai hku sha ngai tsun nngai.

1 SAMUELA 25:43

Dawi gaw, Yezrela mare na Ahinoam hpe mung la wu ai rai nna, shan lahkawng Dawi a madu jan rai ma ai.