MAHTE 19:23 - Jinghpaw Hanson Version Bible

²³ Dai rai nna Yesu gaw shi a sape ni hpe, “Ngai nanhte hpe teng teng tsun made ga, sut su ai wa gaw, sumsing lamu a mungdan hta nachying wa shang yak nga ai.

Jinghpaw Common Language Bible 2009

²³ Dai rai nna Yesu gaw shi a sape ni hpe, “Ngai nanhte hpe teng teng tsun made ga, lu su ai masha ni a matu sumsing lamu a Mungdan hta shang na nachying wa yak la nga ai.

MAHTE 19:23 ပူးပေါင်းရင်းမြစ်များ

GA SHAGAWP 11:28

Tinang sutgan hta hpa ai wa gaw, kadawng mat na ra ai; Dinghpring ai wa chyawm gaw, tsit lali ai hpun lap zawn prut wa na mara ai.

MAHTE 13:22

Ju hpun hta gat ai nli a lam gaw, dai ga hpe na la timung, ndai prat na myit tsang ai hte hkalem kau ai sutgan gaw, dai mungga hpe lim kau nna, asi n si lu ai wa hpe rai nga ai.

MAHTE 18:3

“Nanhte hpe ngai teng teng tsun made ai gaw, nanhte myit n kayin nna, ma kaji zawn n tai myit yang gaw, sumsing lamu a mungdan hta, nanhte n shang lu na myit dai.

MAHTE 19:22

Dai shabrang wa gaw dai ga na jang, myit yawn la let byawn hprang rai mat wa ai: kaning rai nme law, shi arai law law lu su ai wa rai nga ai.

MAHTE 21:31

“Dai yan hta na kadai wa mahtang kawa a myit hkan shatsup lu a ta?” ngu nna san wu ai. Shanhte gaw, “Kasha shadoi mahtang rai nga ai,” ngu mu ai. Yesu gaw, “Ngai nanhte hpe teng teng tsun made ai gaw, Kang hta ai ni hte shawa num ni, nanhte a shawng e, Karai Kasang a mungdan hta shang shang rai ma ai.

MAHTE 5:20

Kaning rai nme law, nanhte hpe ngai tsun made ai gaw, Nanhte a dinghpring ai lam, laika ka ai sara ni hte Hparishe ni a dinghpring ai hta n grau malit yang gaw, sumsing lamu a mungdan hta nanhte gaja wa n shang lu na myit dai.

MARKU 10:23

Shing rai Yesu gaw praw rai yu nna, shi a sape ni hpe, “Sut su ai ni gaw, Karai Kasang a mungdan hta, nachying wa shang yak la a hka gaw!” ngu nna tsun mu ai.

LUKA 18:24

Yesu gaw dai wa shing re ai mu jang, “Sut su ai ni gaw Karai Kasang a mungdan hta nachying shang yak la ahka gaw!

YAWHAN 3:3

Yesu gaw, “Ngai nang hpe gaja wa teng teng tsun de ga, Ntsa de nna n shangai ai masha gaw, Karai Kasang a mungdan mu lu na n rai,” ngu nna shi hpe htan wu ai.

YAWHAN 3:5

Yesu gaw, “Ngai nang hpe gaja wa teng teng tsun de ga, Hka hte Wenyi e n shangai ai masha gaw, Karai Kasang a mungdan hta shang lu na n rai;

KASA 14:22

sape ni a myit shangang ya let, dai makam masham lam hta agrin nga na matu shadum jahprang ai hte, “Karai Kasang a mungdan de ru tsang ai law law hte shang wa na rai ga ai,” ngu nna sharin da mu ai.

1 KORINHTU 1:26

Dai hta kaga, hpunau ni e nanhte hpe shaga la ai lam aru yu mu; masha a arawn alai hte maren, hpaji byeng-ya rawng ai ni law law wa, ahkang aya lu ai ni law law wa, du amyu hta na law law wa, lawm ma ai n rai.

YAKU 2:6

Nanhte mahtang matsan mayan wa hpe n gawn n sawn di kau mu hka; sut su ai ni chyawm gaw, nanhte hpe zingri zingrat di myit dai rai nna, tinang a lata hte nan tara tingnyang ni a man de, nanhte hpe dun ahkyit la myit dai, n rai ni?