MAHTE 19:20 - Jinghpaw Hanson Version Bible

²⁰ Dai shabrang wa gaw, “Dai yawng mayawng hte hpe ngai hkan shatup se ai: hpa mahtang ngai naw ra nga n ta?” ngu nna shi hpe tsun wu ai.

Jinghpaw Common Language Bible 2009

²⁰ Dai shabrang wa gaw, “Dai yawng mayawng hte hpe ngai naw kaji ai ten kaw nna pyi hkan shatup se ai; hpa mahtang ngai naw ra nga a ta?,” ngu nna shi hpe htan wu ai.

MAHTE 19:20 ပူးပေါင်းရင်းမြစ်များ

MAHTE 19:19

nnu yan nwa hpe hkungga lara di u; na a htingbu wa hpe na a hkum hte maren tsawra nga u,” ngu wu ai.

MAHTE 19:21

Shaloi Yesu gaw, “Nang dinghpring mayu nga n yang gaw, wa su, na a arai ni hpe dut kau nna, matsan mayan ni hpe karan jaw u; shing rai jang, sumsing lamu ntsa e nang sutgan lu na rin dai: ngai kaw mung sa hkan nang rit,” ngu nna shi hpe tsun wu ai.

LUKA 15:29

Dai kasha chyawm gaw, “Yu u, nde nlaw ning tup na a nchyang amu ngai galaw nna, nang tawn da ai hku ngai galoi mung n lai nngai: rai timung, nye jinghku ni hte pyaw pyaw rai nga na, nang lang mi muk bainam kasha langai mi pyi, ngai hpe n jaw yu ndai:

LUKA 15:7

Nanhte hpe ngai tsun made ga, ‘Dai hte maren, myit malai lu shara n nga dum ai, dinghpring ai masha jahku shi jahku a majaw kabu gara ai hta, myit malai lu dum ai yubak kap ai masha langai mi a majaw, sumsing lamu kata e grau nna kabu gara shara rai na ra ai.

YAWHAN 8:7

Shanhte shing nga bai kahtap san san rai ma ai majaw, shi rawt mada yu nna, “Nanhte hta na mara n lu ai wa, shi hpe shawng nlung hte kabai mu,” ngu nna shanhte hpe tsun mu ai.

ROMA 7:9

Ngai chyawm gaw tara hta n nga ai wa, lang mi e pra nga nngai: rai timung dai ga matsun pru wa yang, yubak prawn wa ai, ngai mahtang si wa nngai;

GALATI 3:24

Dai rai nna, anhte gaw makam masham hte dinghpring wa u ga, anhte hpe Hkristu hpang de shangun dat na, jep ai tara gaw anhte a sharin ai sara tai wa sai.

HPILIPI 3:6

Jep ai tara tau yu yang ngai Hparishe rai nga nngai: ngai shakut sharang ai lam tau yu yang, dai Hpung hpe zingri zingrat nngai; jep ai tara na dinghpring ai lam tau yu yang, ngai mara n kap nngai.