MAHTE 18:4 - Jinghpaw Hanson Version Bible

⁴ Ndai ma kaji zawn, tinang a myit shanem ai wa kadai rai timung, sumsing lamu a mungdan hta, grau kaba ai wa tai na ra ai.

Jinghpaw Common Language Bible 2009

⁴ Ndai ma kaji zawn tinang a myit shanem ai wa kadai rai ti mung sumsing lamu a Mungdan hta grau kaba ai wa tai na ra ai.

MAHTE 18:4 ပူးပေါင်းရင်းမြစ်များ

ESAIA 57:15

Kaning rai nme law, Htani htana anga nga nna, Chyoi pra mying ai wa, Matsaw Ntsang na Daru Magam rawng ai wa gaw, ning nga ai: “Ngai gaw tsaw htum ai shara hte chyoi pra htum ai shara hta shanu nga nna, myit gyip ai wa a wenyi hpe shalan shabran na matu mung, myit nem ai wa a myit masin hpe shalan shabran na matu mung, myit nem ai wa hte myit gyip ai wa hte rau, ngai shanu nga nngai.

MAHTE 18:1

Dai ahkying hta e sape ni gaw Yesu hpang de sa du nna, “Sumsing lamu a mungdan hta kadai wa mahtang grau kaba nga a ta?” ngu nna san mu ai.

MAHTE 18:3

“Nanhte hpe ngai teng teng tsun made ai gaw, nanhte myit n kayin nna, ma kaji zawn n tai myit yang gaw, sumsing lamu a mungdan hta, nanhte n shang lu na myit dai.

MAHTE 18:5

Ndai ma kaji zawn re ai wa langai mi hpe, nye a amying hte hkap la ai wa kadai mung, ngai hpe hkap la nga ai.

MARKU 10:43

Nanhte hta chyawm gaw, shing rai nga ai n rai: nanhte hta grau mayu ai wa kadai rai timung, nanhte a ali ama tai u ga:

MARKU 9:34

Shanhte mahtang atsin sha nga ma ai: kaning rai nme law, “Gara mahtang grau kaba nga ga ai kun?” nga nna, lam hkan e shanhte shada da tsun hkat masai.

LUKA 14:11

Kaning rai nme law, tinang hkum shagrau ai wa kadai mung, grit mat ai hkrum na ra ai: tinang hkum shagrit ai wa chyawm gaw, shagrau ai hkrum na ra ai,” ngu wu ai.

LUKA 9:48

“Ndai ma hpe nye a amying majaw, hkap la ai wa kadai mung, ngai hpe hkap la ai rai nga ai; ngai hpe hkap la ai wa mung, ngai hpe shangun dat ai wa hpe hkap la ai rai nga ai: dai rai nna, nanhte mahkra hta grau kaji ai wa gaw kaba grau ai wa rai nga ai.

YAKU 4:10

Dai Madu a man e myit shanem nga mu, shaloi shi nanhte hpe shagrau na marin dai.

1 PETRU 5:5

Dai hte maren, brang ram ni e, salang ni a npu e a taw nga mu. Dai hta n-ga, nanhte nlang shada da daw nga myit ga, myit gyip ngu ai hpajet hpe kyit nga mu: kaning rai nme law, “Karai Kasang gaw gumrawng ai ni hpe shadang da timung, myit gyip ai ni hpe chyeju jaw mu ai law.”