MAHTE 18:3 - Jinghpaw Hanson Version Bible

³ “Nanhte hpe ngai teng teng tsun made ai gaw, nanhte myit n kayin nna, ma kaji zawn n tai myit yang gaw, sumsing lamu a mungdan hta, nanhte n shang lu na myit dai.

Jinghpaw Common Language Bible 2009

³ “Nanhte hpe ngai teng teng tsun made ga, nanhte myit n kayin nna ma kaji zawn n tai myit yang gaw, sumsing lamu a Mungdan hta nanhte n shang lu na myit dai.

MAHTE 18:3 ပူးပေါင်းရင်းမြစ်များ

SHAKAWN KUNGDAWN 131:2

Gaja wa, chyu hka ai ma, kanu hte rau nga ai zawn, Nye a myit masin hpe, ngai jasim kau nna, atsin sha di da we ai: Nye a myit masin gaw chyu hka ai ma zawn, ngai hta rai nga ai.

ESAIA 6:10

Shanhte gaw, tinang myi hte n mu lu na hte, na hte n na lu nna, myit hte n chye na lu mu ga she, myit n kayin nna, shamai shatsai ai n hkrum lu hkra, shanhte a myit masin hpe shamak kau ya nna, shanhte a na hpe lahpang kau ya ai hte, shanhte a myi hpe pat kau ya mu, nga ai.

MAHTE 13:15

Kaning rai nme law, ndai amyu gaw, Tinang myi hte n mu lu na hte Na hte n na lu nna, Myit hte n chye na lu mu ga she, Shanhte myit n kayin lu nna, Ngai shanhte hpe n shamai mai lu hkra Shanhte a myit mak nga nna, Shanhte a na lahpang nga ai hte, Shanhte a myi pat nga malu ai, nga ai.

MAHTE 18:2

Dai rai nna shi gaw ma kaji langai mi hpe shaga la ai hte, shanhte a ka-ang e shatsap tawn nhtawm,

MAHTE 18:4

Ndai ma kaji zawn, tinang a myit shanem ai wa kadai rai timung, sumsing lamu a mungdan hta, grau kaba ai wa tai na ra ai.

MAHTE 19:14

Yesu chyawm gaw, “Ma ni hpe ngai hpang de sa na ahkang jaw nna shanhte hpe hkum ban shadang myit; kaning rai nme law, sumsing lamu a mungdan gaw dai zawn re ai ni a mungdan rai nga ai,” ngu mu ai.

MAHTE 19:23

Dai rai nna Yesu gaw shi a sape ni hpe, “Ngai nanhte hpe teng teng tsun made ga, sut su ai wa gaw, sumsing lamu a mungdan hta nachying wa shang yak nga ai.

MAHTE 5:18

Nanhte hpe ngai teng teng tsun made ga, lamu hte aga garai n lai wa yang, dai hpe garai n shabyin byin gaw, dai jep ai tara kaw nna, ga kanu langai mi hte madin langai mi pyi, lai wa lu na n rai.

MAHTE 5:20

Kaning rai nme law, nanhte hpe ngai tsun made ai gaw, Nanhte a dinghpring ai lam, laika ka ai sara ni hte Hparishe ni a dinghpring ai hta n grau malit yang gaw, sumsing lamu a mungdan hta nanhte gaja wa n shang lu na myit dai.

MAHTE 6:16

Bai, nanhte lusha gam nga myit yang, sawt ai masha ni zawn, nanhte a myi man hpe hkum kabyi myit; masha ni a man e shanhte a lusha gam ai dan lu u ga, shanhte gaw tinang a myi man hpe jasum ma ai: nanhte hpe ngai teng teng tsun made ai gaw, shanhte tinang a shabrai lu la manu ai.

MAHTE 6:2

Nang alu jaw n-yang gaw, masha ni a shakawn ai ga lu la lu u ga, tara jawng ni hta, lam hkan e mung, sawt ai masha ni galaw ai zawn, na a man e pahtau hkum dum shangun u: nanhte hpe ngai teng teng tsun made ai gaw, shanhte gaw, tinang a shabrai lu la manu ai.

MAHTE 6:5

Nanhte akyu hpyi nga myit yang gaw, sawt ai masha ni zawn hkum rai myit: kaning rai nme law, masha ni shanhte hpe mu lu mu ga, tara jawng ni hta, mare lam nshe ni hta tsap nga nna akyu hpyi nga na shanhte tsaw nga ma ai: nanhte hpe ngai teng teng tsun made ai gaw, shanhte tinang a shabrai lu la manu ai.

MARKU 4:12

shinggan de nga ai ni chyawm gaw, Myit n kayin lu nna, raw dat kau ai n hkrum mu ga, Shanhte mu lamu n yu lu na hte, Na lana n chye na lu mu ga, hpa lam mung ga shadawn hku hte sha, shanhte hpe shapraw dan na nme ai,” ngu nna shanhte hpe tsun mu ai.

LUKA 13:24

Yesu gaw, “Gyip ai chyinghka hku shang lu na, shaja mu: ngai nanhte hpe tsun made ga, masha law law wa shang na tam ma ai rai timung, n shang lu ai nga na mara ai.

LUKA 22:32

rai timung na a kamsham ai myit n hten lit ga, ngu nna na a matu ngai akyu hpyi da ni ai; nang bai kayin dum yang, na nhpu nnau ni hpe shangang shakang ya u,” ngu wu ai.

YAWHAN 1:51

Bai Yesu gaw, “Ngai nanhte hpe teng teng tsun made ga, Sumsing lamu hpaw malang wa nna, Karai Kasang a lamu kasa ni gaw, Masha Kasha a ntsa e lung wa yu wa rai nga ai hpe, nanhte mu na marin dai,” ngu nna shi hpe htan tsun wu ai.

YAWHAN 3:3

Yesu gaw, “Ngai nang hpe gaja wa teng teng tsun de ga, Ntsa de nna n shangai ai masha gaw, Karai Kasang a mungdan mu lu na n rai,” ngu nna shi hpe htan wu ai.

YAWHAN 3:5

Yesu gaw, “Ngai nang hpe gaja wa teng teng tsun de ga, Hka hte Wenyi e n shangai ai masha gaw, Karai Kasang a mungdan hta shang lu na n rai;

KASA 14:22

sape ni a myit shangang ya let, dai makam masham lam hta agrin nga na matu shadum jahprang ai hte, “Karai Kasang a mungdan de ru tsang ai law law hte shang wa na rai ga ai,” ngu nna sharin da mu ai.

KASA 28:27

Kaning rai nme law, tinang myi hte mu lu nna, Tinang a na hte na la lu let, Tinang a myit masin hta chye na lu ai hte Ngai hpang de kayin wa na hpe; Ngai shanhte hpe n shamai lu hkra, Dai amyu gaw myit mak nga nna, Shanhte a na lahpang nga ai hte, Shanhte a myi pat nga malu ai,' nga ai, rai nga ai.

KASA 3:19

Dai re ai majaw, dai Madu kaw na ngwipyaw ai aten ladaw du ru ga hte,

1 KORINHTU 14:20

Hpunau ni e, myit mang ai lam hta ma kaji hkum tai myit; n hkru n hkra ai lam hta she ma kaji tai nga mu; myit mang ai lam hta chyawm gaw, myit su ai ni tai nga mu.

1 PETRU 2:2

n hkru n hkra, hkalem hkalau, sawt masawt, manawn masham hte nsu nnawn ai baw law ai ga nlang hte hpe kau da nhtawm,

2 PETRU 1:11

dai lam hkan nga myit taw gaw, anhte a Madu hte hkye hkrang la ai wa Yesu Hkristu a htani htana prat dingsa na mungdan de shang wa lu na lam, nanhte hpe n taw n tsang di ya na marin dai.