MAHTE 18:16 - Jinghpaw Hanson Version Bible

¹⁶ Na a ga hpe n madat la yang gaw, marai langai lahkawng hpe naw shaga la nna, hpa hku hpa lam rai timung, sakse lahkawng masum a n-gup ga hte dawdan ya mu.

Jinghpaw Common Language Bible 2009

¹⁶ Na a ga hpe n madat la yang gaw, marai langai lahkawng hpe naw shaga la nna hpa hku hpa lam rai ti mung nang mara madun ai lam teng nga ai lam dai Chyum Laika hta tsun da nga ai hte maren, sakse lahkawng masum a n-gup ga hte daw dan ya mu.

MAHTE 18:16 ပူးပေါင်းရင်းမြစ်များ

1 HKAWHKAM 21:13

Shaloi dai n hkru ai masha lahkawng gaw Nabot a man e sa dung nna, shan gaw mung masha ni a man e, “Nabot gaw Karai Kasang hpe mung, hkawhkam wa hpe mung matsa kau wu ai,” nga nna shi a lam sakse hkam ma ai. Dai hpang, dai mare de na shi hpe shapraw nhtawm, nlung hte kabai sat mu ai.

BU HKAWM 35:30

Masha hpe sat ai wa kadai mung, sakse ni a ga hte sat kau ai hkrum lu na rai nga ai: rai timung, sakse langai a ga hte sha gaw sat kau ai hkrum lu na n rai.

YAWHAN 8:17

Rai sa, sakse lahkawng a ga gaw tengman nga ai, nga nna nanhte a tara hta ka da nga ai.

2 KORINHTU 13:1

Ya nanhte hpang de sa du ai gaw, masum lang na bat rai nga ai. Ga nga manga hte hpe, sakse lahkawng masum a n-gup ga hte shagrin nga na ra ai.

TARA JAHPRANG 17:6

Sakse lahkawng masum a ga hte rai yang gaw, si ging ai wa gaw si ai hkrum na rai nga ai: sakse langai sha rai yang chyawm gaw si hkrum lu na n rai.

TARA JAHPRANG 19:15

Marai langai ngai a galaw shut ai mara, tawt lai kau ai yubak sagawn yu n yang, sakse langai sha hte ngut lu na n rai: sakse lahkawng masum a n-gup ga hte rai yang she grin lu na rai nga ai.

1 TIMOHTI 5:19

Sakse lahkawng masum n nga a yang gaw, Hpung salang wa hpe mara shagun ai lam hta hkum madat lawm et.

HEBRE 10:28

mawshe a tara hpe tawt lai ai wa gaw, matsan dum la ai n hkrum ai sha, sakse lahkawng masum a ga hte si ai hkrum lu ai;

SHINGRAN 11:3

Bai, nye a sakse yan lahkawng hpe ngai ahkang jaw na mawe ai rai nna, shan gaw lachyit nba bu hpun let, nhtoi hkying mi ni tsa e kru shi ya tup, myihtoi htoi na mara ai.”