MAHTE 18:13 - Jinghpaw Hanson Version Bible

¹³ Dai hpe mu hkrup jang, n dam ai sagu jahku shi jahku a matu kabu gara ai hta, dai langai sha a matu grau nna kabu gara nga ai, ngai teng teng nanhte hpe tsun made ai.

Jinghpaw Common Language Bible 2009

¹³ Dai hpe mu hkrup jang, ngai teng teng nanhte hpe tsun made ga, n dam ai sagu jahku shi jahku a matu kabu gara ai hta, dai langai sha a matu grau nna kabu gara nga ai.

MAHTE 18:13 ပူးပေါင်းရင်းမြစ်များ

SHAKAWN KUNGDAWN 147:11

Yehowa gaw shi hpe hkrit kamyin ai ni hte, Shi a chyeju hpe myit mada ai ni hta, awng nga ai.

ESAIA 53:11

Shi myit masin a shakut sharang ai a akyu shi mu lu nna, myit dik na ra ai: nye a dinghpring ai shangun ma gaw, shi chye chyang ai nyan hte, masha law law hpe dinghpring shangun na ra ai rai nna, shanhte a yubak mara hpe shi nan gun hpai na ra ai.

ESAIA 62:5

Shabrang wa gaw mahkawn hte hkungran ai zawn, na a shadang sha ni gaw, nang hte hkungran na mara ai; la ningnan gaw num ningnan majaw kabu gara nga ai hte maren, na a Karai Kasang na a majaw kabu gara nga na ra ai.

EZEKELA 34:4

Gawng kya ai sagu ni hpe, nanhte n-gun shaja ai, n rai; machyi hkrum ai sagu hpe, shamai ya ai, n rai; nra daw ai sagu hpe, ahkyen kayawp ai, n rai; masha gau mat wa ai sagu hpe, hkan mawai la ai, n rai; dam mat ai sagu hpe, tam la ai, n rai: nanhte gaw myit ja nna adip arip hte shanhte hpe reng myit dai.

MIHKA 7:18

Nang hte bung ai Karai Kasang kadai rai nga a ta? shi gaw, naw ngam nga ai, shi a sali wunli masha ni a yubak hpe raw dat kau ya nna, shanhte a tara tawt lai ai hpe, shalai kau dat nga ai: shi gaw tsawra matsan dum ai lam hta sharawng awng nga ai majaw, tutnawng pawt nga ai n rai.

ZEHPANI 3:17

Na a Karai Kasang Yehowa gaw, na a ka-ang e rai nga ai; shi gaw daru magam rawng nna, hkye hkrang la na ra ai: na a lam shi kabu gara nna, sharawng awng na ra ai; shi gaw tsawra nna, atsin sha rai nga ai: mahkawn mangoi let, shi nang hta myit kabu nga na ra ai.

MAHTE 18:12

Nanhte kaning ngu myit da mu ta? masha langai ngai sagu latsa lu nna, dai hta na langai mi dam mat yang, dai jahku shi jahku hpe bum lang hkan e shi tawn da nhtawm, dam mat ai hpe sa tam ga ai, n rai ni?

MAHTE 18:14

Dai hte maren, ndai ma kaji langai mi hpe pyi jahten kau ai hkrum na gaw, sumsing lamu hta nga ai nye Wa gaw, n hkraw nga ai.

1 KORINHTU 13:6

n ding n man ai hta n kabu ai sha, dai tengman ai hte rau kabu gara nga ai:

YAKU 2:13

Kaning rai nme law, matsan dum na myit n rawng ai wa gaw, matsan dum ai hku n re ai sha, dawdan ai hkrum na ra ai. Matsan dum ai lam chyawm gaw, dawdan ai lam hta grau nna awng wa lu ai.