MAHTE 18:12 - Jinghpaw Hanson Version Bible

¹² Nanhte kaning ngu myit da mu ta? masha langai ngai sagu latsa lu nna, dai hta na langai mi dam mat yang, dai jahku shi jahku hpe bum lang hkan e shi tawn da nhtawm, dam mat ai hpe sa tam ga ai, n rai ni?

Jinghpaw Common Language Bible 2009

¹² “Nanhte kaning ngu myit da mu ta? Masha langai mi sagu latsa lu nna, dai hta na langai mi dam mat yang, dai jahku shi jahku hpe kawng marawn wudat shara hkan e tawn da nhtawm, dam mat ai sagu hpe sa tam na ra ai.

MAHTE 18:12 ပူးပေါင်းရင်းမြစ်များ

1 HKAWHKAM 21:17

Shaloi Yehowa a ga Tishbi masha Elia kaw du nna,

SHAKAWN KUNGDAWN 119:176

Ngai lam dam mat wa yang, Mat ai sagu kasha hpe zawn, na a mayam wa hpe hkan tam u; Kaning rai nme law, nang htet da ai ga hpe ngai n malap kau nngai law.

ESAIA 53:6

Anhte yawng sagu zawn lam dam mat saga ai; langai hte langai tinang lam hkan mat ga ai: Yehowa chyawm gaw anhte mahkra a yubak mara hpe, shi a ntsa e mara da nu ai.

YEREMIA 50:6

“Nye a amyu gaw dam mat ai sagu tai masai; sagu rem ni gaw shanhte hpe shadam kau manu ai; bum ga ntsa e shaprang kau manu ai; shanhte gaw bum kaw nna kawng du hkra kahkrang hkawm nna, shanhte a uyup hpe malap kau manu ai.

EZEKELA 34:12

Sagu rem wa gaw, bra nga ai sagu ni hpe hkan tam shakut ai hte maren, ngai mung nye a sagu ni hpe hkan tam na nngai: lamu mu nna sin ai shani e, shanhte bra wa ai shara shagu hkan na, ngai shanhte hpe shaw woi wa na nngai.

EZEKELA 34:16

dam mat ai sagu hpe hkan tam na nngai; masha ni gau mat wa ai sagu hpe, hkan mawai la na nngai: nra daw ai sagu hpe ahkyen kayawp na nngai: gawng kya ai sagu hpe n-gun shaja na nngai; sau hpum ai ni hte n-gun ja ai ni hpe chyawm gaw ngai jahten na nngai: tara hte maren ngai shanhte hpe bau na nngai,” nga nna Madu Yehowa tsun ai.

EZEKELA 34:28

Maigan amyu ni, htawm hpang e shanhte hpe kashun kashe di lu na n rai; mungdan a matse labye ni, shanhte hpe amya sha lu na n rai; shanhte a pyaw sha nga lu nna, shanhte hpe jahkrit shama ai wa n nga lu ai.

EZEKELA 34:4

Gawng kya ai sagu ni hpe, nanhte n-gun shaja ai, n rai; machyi hkrum ai sagu hpe, shamai ya ai, n rai; nra daw ai sagu hpe, ahkyen kayawp ai, n rai; masha gau mat wa ai sagu hpe, hkan mawai la ai, n rai; dam mat ai sagu hpe, tam la ai, n rai: nanhte gaw myit ja nna adip arip hte shanhte hpe reng myit dai.

EZEKELA 34:6

Nye a sagu ni gaw bum lang shagu, tsaw ai kawng shagu ntsa e brak hkawm nga ma ai; gaja wa nye a sagu ni gaw ga ntsa ting hta bra wa nna, shanhte hpe hkan sawk tam ai wa n nga ai.”

MAHTE 12:11

Dai majaw shi shanhte hpe, “Nanhte hta sagu langai mi lu ai masha lawm nna, dai gaw laban nhtoi e nhkun hta hkrat yang, dai hpe n dun shaw la ai wa langai ngai nga na myit ni?

MAHTE 18:13

Dai hpe mu hkrup jang, n dam ai sagu jahku shi jahku a matu kabu gara ai hta, dai langai sha a matu grau nna kabu gara nga ai, ngai teng teng nanhte hpe tsun made ai.

MAHTE 21:28

Rai timung, nanhte kaning ngu myit da myit ta? Masha langai mi shadang sha lahkawng lu ai: kasha alat hpang de shi sa nna. “Sha e, dai ni tsabyi sun de bungli sa galaw su,” ngu wu yang,

MAHTE 22:42

“Nanhte gaw Hkristu a lam kaning ngu myit nga myit ta? shi gaw gade a Kasha rai nga a ta?” ngu nna san wu ai.

1 KORINHTU 10:15

Hpaji rawng ai ni hpe zawn ngai tsun made ga; ngai tsun ai ga hpe maram masam yu mu.

1 PETRU 2:25

Kaning rai nme law, nanhte nlang sagu zawn lam dam mat myit timung, ya gaw, dai Sagu rem wa hte nanhte a myit masin a Hpung up wa hpang de, nhtang wa manit dai.