MAHTE 18:10 - Jinghpaw Hanson Version Bible

¹⁰ Dai ma kaji langai mi hpe pyi nanhte n gawn n sawn n di kau myit ga, sadi nga mu: nanhte hpe ngai tsun made ga, Sumsing lamu kata e, shanhte a lamu kasa ni gaw, sumsing lamu na nye Wa a myi man hpe, galoi mung a mada nga ma ai.

Jinghpaw Common Language Bible 2009

¹⁰ “Dai ma kaji langai mi hpe pyi nanhte n gawn n sawn n di kau myit ga, sadi nga mu. Nanhte hpe ngai tsun made ga, sumsing lamu kata e shanhte a lamu kasa ni gaw, sumsing lamu na nye a Wa a myi man hpe a mada nga ma ai.

MAHTE 18:10 ပူးပေါင်းရင်းမြစ်များ

2 SAMUELA 14:28

Ya Absalom gaw Yerusalem mare e ni ning nga timung hkawhkam a myi man n mu lu ai.

1 HKAWHKAM 22:19

Bai Mihkaia gaw, “Dai re ai majaw Yehowa a ga madat mara ya u: Yehowa gaw shi a tingnyang hta dung nna, sumsing lamu na zaw nawng zaw wa ni, shi a hkra maga hte pai maga de tsap nga ma ai hpe, ngai mu nngai.

ESHTA 1:14

Hkarashena, Shehta, Admahta, Tarshisha, Mere, Marasena, Memuhkan hte hpe shaga nna, hkawhkam wa bawng yu ai htung hte maren,

SHAKAWN KUNGDAWN 15:4

Shi a myit hta shagrit ai hte kaya ging dum nga nna, Yehowa hpe hkrit kamyin ai ni hpe hkungga ai hte, Tinang a akyu hten timung, shi a dagam ai ga n lai ai wa;

SHAKAWN KUNGDAWN 17:15

Ngai chyawm gaw, dinghpring ai hte, na a myi man hpe mu lu na ring ngai; Yup hprang wa ai shaloi, na a hkumhkrang hpe mu yang, ngai myit dik na ring ngai.

SHAKAWN KUNGDAWN 34:7

Yehowa hpe hkrit kamyin ai ni a grup yin e, Shi a Lamu kasa dap jung nga nna, shanhte hpe mawai la mu ai.

SHAKAWN KUNGDAWN 91:11

Lam shagu hta e nang hpe bau sin na, Na a matu shi a lamu kasa ni hpe, shi hkang da mu ai.

ZEHKARIA 13:7

“Nhtu e, rawt u: nye a sagu rem wa hte, nye a kanawn manang wa hpe, hkra u: sagu rem wa hpe anu sat nna, ‘sagu ni bra wa na mara ai; ngai gaw hkalung ni hpe, nye a lata hte maga da na nngai,’ nga nna Zaw nawng zaw wa up ai Yehowa tsun ai.

ZEHKARIA 4:10

Kaning rai nme law, amu kaji shabyin ai nhtoi hta, n kaw n law di ai, kadai wa rai ta? Zerubabela lata hta dai shadawn sumri lang nga ai hpe, shanhte mu jang, ndai sanit kabu na mara ai; dai pyengdin sanit chyawm gaw mungkan ting hta hproi gat ai Yehowa a myi rai nga ai, nga ai.”

MAHTE 1:20

Ndai lam ni hpe naw myit aru nga yang, yu u, Madu a lamu kasa langai mi yup mang hta shi hpe hkum madun dan nna, “Dawi a kasha Yawsep e, na a madu jan Mari hpe la na myit hkum ru et; shi a na-um nasin gaw, dai Chyoi pra ai Wenyi kaw na rai nga ai:

MAHTE 12:20

Tara dara ai lam nlaw wa ai du hkra, Bye dip kau ai mai-aw hpe shi n shadaw na hte Nhkut hku ai wan shat hpe, n sat kau na wu ai.

MAHTE 18:14

Dai hte maren, ndai ma kaji langai mi hpe pyi jahten kau ai hkrum na gaw, sumsing lamu hta nga ai nye Wa gaw, n hkraw nga ai.

MAHTE 18:6

Ngai hpe kamsham nga ai, ndai ma kaji ni hta na langai mi hpe, myit kataw shangun ai wa kadai mung, shi a du hta htumrin lung kaba noi nna, nawng na sung htum ai shara de jahkrat kau na gaw, ging nga ai.

MAHTE 2:13

Ya shanhte wa mat ai hpang, yu mu, dai Madu a lamu kasa langai mi yup mang hta Yawsep kaw dan pru nna, “Rawt u, dai ma kaji hte shi a kanu hpe woi la nna, Egutu mung de hprawng sa u: ngai nang hpe bai shaga ai ladaw du hkra, dai yang e anga nga su; kaning rai nme law, dai ma kaji hpe sat kau na, Herod tam magang ra ai,” ngu wu ai.

MAHTE 2:19

Ya Herod nsa hkyet mat ai hpang, yu mu, dai madu a lamu kasa langai mi, Egutu mung hta e, yup mang hte Yawsep kaw dan pru nna,

MAHTE 24:31

Shi a lamu kasa ni hpe, pahtau kaba hte shi shangun dat nna, shanhte gaw nbung mali maga na, lamu htum ai de nna lamu htum ai du hkra, shi a lata la sai ni hpe jahpawng la na maru ai.

LUKA 1:19

Dai lamu kasa, “Ngai gaw Karai Kasang a man e tsap nga ai Gabriela rai nga nngai; nang hpe tsun dan wu nga nna, ndai kabu gara shiga tsun shana ya na, ngai hpe shangun dat ni ai.

LUKA 10:16

Nanhte a ga madat ai wa gaw, nye a ga madat ai mung, rai nga ai. nanhte hpe gang kau ai wa gaw, ngai hpe mung gang kau ai, rai nga ai: ngai hpe gang kau ai wa gaw, ngai hpe shangun dat ai wa hpe mung, gang kau ai rai nga ai,” ngu nna tsun dat mu ai.

LUKA 16:22

Shaloi dai hpyi sha ai wa si mat nna, lamu kasa ni gaw shi hpe Abraham a lahpyen hta woi bang da mu ai: sahti wa mung si wa nna, makoi mayang di dat mu ai.

KASA 10:3

Lani wa mi ahkying jahku daram e, Karai Kasang a lamu kasa shi kaw du nna, “Korneli e,” nga nna shi hpe shaga ai gaw, shingran hta leng leng mu wu ai.

KASA 12:15

Shanhte chyawm gaw, “Nang mana ndai,” shi e ngu mu ai. Shi mahtang, “gaja wa rai nga ai,” nga nna a tsun shanang nga ai. Bai shanhte gaw, “Shi a lamu kasa rai nga lu ai,” nga ma ai.

KASA 12:23

Dai shaloi jang, Karai Kasang a hpung shingkang hpe n tau yu wu ai majaw, Madu a lamu kasa shi hpe ari jaw nna, byet e sha ai hte shi nsa hti mat ai.

KASA 27:23

Kaning rai nme nga yang, ngai hpe up hkang nna, ngai daw jau ai Karai Kasang a lamu kasa langai mi, mana e nye a makau e sa tsap nna,

KASA 5:19

Rai timung, dai shana e Madu a lamu kasa gaw, htawng chyinghka ni hpaw kau ya nna, shanhte hpe shapraw dat let,

ROMA 14:10

Nang chyawm gaw, hpa majaw na nhpu nnau wa hpe jeyang nga n ta? bai, na nhpu nnau wa hpe hpa majaw n gawn n sawn rai nga n ta? Anhte yawng mayawng hte gaw, Karai Kasang a tara tingnyang a man e du tsap na ra ga ai.

ROMA 14:21

Shan sha na hte tsabyi lu na rai timung, na nhpu nnau hpe myit kataw shangun na lam hpa rai timung koi gam kau na gaw, mai kaja nga ai.

ROMA 15:1

Dai rai nna anhte n-gun ja ai ni gaw, tinang pyaw ai lam n hkan ai sha, n-gun kya ai ni a magrau n grang ai hpe hkam sharang na, sut nga ai.

1 KORINHTU 11:22

Ataw, sha na lu na matu tinang a nta n lu myit ni? shing n rai, nanhte Karai Kasang a Hpung hpe n gawn n sawn di nna, n lu n su ai ni hpe kaya jahkrum myit ni? Nanhte hpe ngai kaning ngu tsun na i? ngai nanhte hpe shakawn lu na kun? Ndai lam hta ngai nanhte hpe shakawn da na made ai, n rai.

1 KORINHTU 16:11

Dai re ai majaw kadai mung shi hpe n gawn n sawn, n di u ga. Ngai hpang de shi bai wa lu u ga, shi hpe apyaw sha sa dat mu; hpunau ni hte nawng shi wa na ra ai hpe, ngai ala nga na nngai.

1 KORINHTU 9:22

N-gun n ja ai ni hpe lum la lu hkra, n-gun n ja ai ni hta e, n-gun n ja ai wa zawn, ngai tai nga nngai: nkau mi hpe lam langai ngai hte hkye hkrang la lu hkra, masha yawng mayawng hta lam yawng mayawng, ngai hkan shatsup nngai.

2 KORINHTU 10:1

Nanhte a man e myit grit ai hte, tsan gang nga yang nanhte a lam nden ja ai myit madun ai, ngai Pawlu nan, Hkristu a sumnung ai hte myit gyip ai hpe tau yu nna, nanhte hpe shadut jahkat dat made ai:

2 KORINHTU 10:10

Kaning rai nme law, shi a laika ni gaw li la ai hte atsam rawng ai laika rai lu ai rai timung, shi hkum nan rau nga nga yang, shi a hkum hpung n rawng nna, shi a tsun ai ga akyu n rawng lu ai, nga nna tsun ai ni nga ma ai.

GALATI 6:1

Hpunau ni e, masha langai ngai n dum shami e yubak galaw hkrup a yang gaw, Wenyi rawng ai ni nanhte gaw, shing re ai wa hpe shingdi ai myit hte shadaw shalan rai nga mu: nang mung agung alau n hkrum u ga, tinang dai sadi nga u.

1 HTESALONI 4:8

Dai rai nna, n kaw n law re ai wa kadai mung, masha hpe n rai, nanhte hta shi a Chyoi pra ai Wenyi jaw ya ai Karai Kasang hpe n kaw n law di da wu ai.

1 TIMOHTI 4:12

Na a brang ram prat e, nang hpe kadai mung n shatan u ga: tsun ai ga hte mung, arawn alai hte mung, tsawra ai hte mung, kamsham nna chyoi pra ai hte mung, kamsham ai ni a matu mara, kasi kamang tai nga u.

HEBRE 1:14

Shanhte yawng mayawng gaw, hkye hkrang la ai Sali wunli hkam la na ni a matu mara, amu gun hpai shangun ai wenyi ni rai nga ma ai, n rai ni?

HEBRE 9:24

Kaning rai nme law, Hkristu gaw, lamu na kasi a sumla sha rai nga nna, masha lata hte gap tawn ai chyoi pra ai shara kata de n shang ai sha, anhte a matu mara Karai Kasang a man e dan pru nga na nga, sumsing lamu kata de nan shang wa sai:

SHINGRAN 8:2

Shaloi, Karai Kasang a man e a tsap nga ai lamu kasa sanit hpe ngai mu nngai; shanhte hpe pahtau sanit ya mu ai.