MAHTE 17:6 - Jinghpaw Hanson Version Bible

⁶ Sape ni dai hpe na jang, shanhte myi man dagup nna, nachying hkrit gari nga ma ai.

Jinghpaw Common Language Bible 2009

⁶ Sape ni dai hpe na jang, shanhte nachying hkrit gari mat nna, shanhte a myi man ga de dagup nga ma ai.

MAHTE 17:6 ပူးပေါင်းရင်းမြစ်များ

1 HKAWHKAM LABAU 21:16

Dawi mada yu yang, Yehowa a lamu kasa gaw Yerusalem ntsa e nhtu shada let, lamu hte aga lapran e tsap nga ai hpe mu wu ai. Dai rai nna Dawi hte agyi salang ni gaw lachyit nba bu hpun let, ga hta gum dagup nga ma ai.

EZEKELA 3:23

Shaloi ngai rawt nna, pa ga de sa wa nngai: dai de du yang, yu u, Hkebara hka kau e, ngai mu yu ai Yehowa a hpung shingkang gaw, dai yang e dan hkung nga ai hpe, ngai mu nna, ngai gaw myi man gum dagup nngai.

EZEKELA 43:3

Ngai mu ai shingran gaw, mare hpe jahten na matu dan pru ai shingran hte, Hkebara hka kau e ngai mu yu ai shingran zawn, rai nga nna, ngai myi man gum dagup nngai.

Daniela 8:17

Shing rai dai wa gaw ngai tsap nga ai shara de sit wa ai; shi sit wa yang, ngai hkrit gari nna, gum dagup nga nngai: shi chyawm gaw, “Masha kasha e, chye na u; ndai shingran gaw hpang jahtum na aten hte seng nga ai,” nga nna ngai hpe tsun ai.

JAW JAU 9:24

Yehowa kaw na wan pru nna tawn hkungri na wan nat hkungga hte sau man ni hpe hkru kau wu ai: shing rai byin wa ai hpe amyu masha ni mu jang, shanhte jahtau garu nna dingnyawm dagup nga ma ai.

MAHTE 17:5

Dai ga shi naw tsun nga yang, yu mu, htoi tu ai sumwi gaw shanhte hpe ka-up mu ai hte dai sumwi hta na nsen pru nna, “Ndai wa gaw ngai sharawng awng ai, ngai tsawra ai ngai Sha rai nga ai: shi a ga madat mara mu,” nga ai.

MAHTE 17:7

Shaloi Yesu wa nna shanhte hpe ahtawk let, “Rawt mu, hkum hkrit nga myit,” ngu wu ai.

KASA 22:7

Ga de ngai kadawng taw nna, shaga pru ai nsen mung, ‘Shawlu, Shawlu, nang ngai hpe hpa rai zingri nga n ta?’ nga ai, nga na nngai.

KASA 26:14

Shaloi anhte nlang ga de kadawng taw mat shajang nga yang, Hebre ga hte ngai hpe, ‘Shawlu, Shawlu nang ngai hpe hpa rai zingri nga n ta? masawn hpe htawng yang, na matu yak la ahka gaw,’ nga nna shaga ai nsen ngai na nngai.

2 PETRU 1:18

dai chyoi pra ai bum ntsa e shi hte rau nga nga ai shaloi e, dai nsen sumsing lamu de na shi kaw dan pru ai gaw, anhte nan na lu gaw ai.

TARA AGYI 13:20

Kaning rai nme law, dai tawn hkungri kaw nna wan numli lamu de dingdung rai lung wa yang, Yehowa a lamu kasa gaw tawn hkungri na wan numli hta lung mat wa ai: Mano yan la mung dai hpe mu mada nna, shan gaw ga de myi man dagup ma ai.

TARA AGYI 13:22

Shaloi Mano gaw, “An gaw Karai Kasang hpe mu kau sagaw ai majaw, teng teng si na saga ai,” ngu nna madu jan hpe tsun wu ai.