MAHTE 17:4 - Jinghpaw Hanson Version Bible

⁴ Shing rai Petru gaw, “Madu e, ndai yang e anhte nga na mai nga ai: nang hkraw n yang gaw, nang e sum masum, na a matu langai mi, Mawshe a matu langai mi, Elia a matu langai mi, ngai gap na nngai,” ngu nna Yesu hpe tsun wu ai.

Jinghpaw Common Language Bible 2009

⁴ Dai shaloi Petru gaw, “Madu e, ndai yang e anhte nga na mai nga ai! Nang hkraw n yang gaw, ndai kaw sum masum - na a matu langai mi, Mawshe a matu langai mi, Elia a matu langai mi, ngai gap na nngai,” ngu nna tsun wu ai.

MAHTE 17:4 ပူးပေါင်းရင်းမြစ်များ

SHAKAWN KUNGDAWN 16:11

Nang ngai hpe asak hkrung ai lam madun ya na ndai; Na a man e kabu gara htum nga ai: Na a hkra lata hta pyaw ai lam tut tut anga nga ai law.

SHAKAWN KUNGDAWN 4:6

“Kaja ai gaw anhte hpe kadai madun lu na a kun?” nga nna law law wa tsun ma ai. Yehowa e, na a myi man a nhtoi, anhte a ntsa e jahtoi ya mi.

ESAIA 33:17

Na a myi gaw hkawhkam wa hpe, shi a hpung shingkang hte hpawn mu lu nna, dam lada ai sumtsan mung hpe mada mu na rin dai.

ZEHKARIA 9:17

Kaning rai nme law, shi a mai kaja ai myit gade kaba nga a hka! Shi a arawng sadang gade dan hkung nga a hka! nai mam gaw shabrang ni hpe, tsabyi jahku mahkawn ni hpe, kaba wa shangun na ra ai.

MAHTE 17:3

dai hta n-ga Mawshe yan Elia mung, shi hte ga tsun let, shanhte a man e dan pru ma ai.

LUKA 9:33

Dai yan gaw shi kaw na wa magang ma yang, Petru gaw, Madu e, ndai yang e nga na anhte a matu mai nga ai; nang e sum masum, na a matu langai mi, Mawshe a matu langai mi, Elia a matu langai mi anhte gap ga, nga nna hpa tsun ai matu mung n chye ai, Yesu hpe tsun wu ai.

YAWHAN 17:24

“Wa e, gingding aga garai n lat kaw nna, nang ngai hpe tsawra nga ndai majaw, nang ngai e jaw ai hpung shingkang hpe, ngai hpe jaw da ai ni mung mada mu lu mu ga, ngai nga ai shara e shanhte ngai hte rau nga nga lu na hpe, ngai ra nga nngai.

YAWHAN 7:2

Dai shaloi e Yuda masha ni a Sum poi, ngu ai poi, du ra ai rai nna, shi a kanau ni gaw,

HPILIPI 1:23

Lam lahkawng a hpatwat e ngai rai nga nngai: lai nna Hkristu hte rau nga na, ngai ra nga nngai: dai gaw grau kaja nga ai;

1 YAWHAN 3:2

Tsawra ai ni e, Karai Kasang a kashu kasha ni, anhte ya e rai nga ga ai rai nna, anhte hpa mi tai na, garai n dan pru nga ai: rai timung, shi dan pru nga yang, anhte shi hte bung na ga ai, anhte chye ga ai: kaning rai nme law, shi hkum hpe nan anhte mu lu na gaw ai.

SHINGRAN 21:23

Dai mare e htoi ya na matu ajan mung, shata mung, n ra nga ai: Karai Kasang a hpung shingkang dai mare hpe jahtoi ya nna, Sagu Kasha gaw de a pyengdin rai nga ai.