MAHTE 17:27 - Jinghpaw Hanson Version Bible

²⁷ rai timung, anhte a majaw shanhte myit n kataw mu ga, nawng de sa nna, nga myek jahkrat bang u; shawng lu ai nga hpe shaw la nhtawm, n-gup mahka yang, shekela pa mi nang mu na ru ai: dai hpe la nna, ngai hte na a matu shanhte hpe ya u,” ngu nna shi hpe tsun wu ai.

Jinghpaw Common Language Bible 2009

²⁷ Rai ti mung, an a majaw shanhte myit n kataw mu ga, nawng de sa nna nga myek jahkrat bang u; shawng lu ai nga hpe shaw la nhtawm, nga n-gup gang mahka dat yang, Shekela pa mi nang mu na ndai; dai hpe la nna, ngai hte na a matu shanhte hpe ya u,” ngu nna shi hpe tsun wu ai.

MAHTE 17:27 ပူးပေါင်းရင်းမြစ်များ

NINGPAWT NINGHPANG 1:28

Shaloi Karai Kasang gaw shan hpe tsun mu ai gaw, “Nan kashu kasha shaprat nna mayat maya wa mu; ga ting hpe jahpring nna dai hpe up nga lu mu: nammukdara hta rawng ai nga ni a ntsa e mung, lamu kata na ntsa malen e pyen ai u ni a ntsa e mung, ga ntsa e nsoi nsa rawng ai shamu shamawt chye ai baw mahkra a ntsa e mung a up nga mu,” ngu wu ai.

1 HKAWHKAM 17:4

dai hka na ntsin nang lu nna, u hka ni nang hpe lusha jaw na matu, ngai htet da ni ai,” ngu nna tsun wu ai.

SHAKAWN KUNGDAWN 8:8

Nammukdara a lam e pyau hkawm ai yawng hte hpe mung, Shi a lagaw npu e nang tawn da nu ai.

YONA 2:10

Ngai chyawm gaw chyeju dum ai nsen hte, nang hpe hkungga jaw na nngai: Ngai ndat da ai ga sadi ngai shanga na nngai; Hkye hkrang la ai lam Yehowa kaw na rai nga ai,” nga ai.

MAHTE 17:26

Shi gaw, “Yu maya ni kaw na hta ma ai,” ngu wu yang, Yesu gaw, “Dai rai taw gaw, kashu kasha ni lawt lu ma ai:

MAHTE 18:6

Ngai hpe kamsham nga ai, ndai ma kaji ni hta na langai mi hpe, myit kataw shangun ai wa kadai mung, shi a du hta htumrin lung kaba noi nna, nawng na sung htum ai shara de jahkrat kau na gaw, ging nga ai.

MAHTE 18:8

Na a lata, shing n rai, na a lagaw nang hpe myit kataw shangun n yang gaw, dai hpe kahtam dut kabai kau u: lagaw lata hkum hkum re ai hte, htani htana wan hta jahkrat kau ai hkrum na hta, hkum daw hten ai hte asak hkrung ai de shang na gaw, grau mai nga ai.

MAHTE 5:29

Dai rai nna, hkra maga na myi nang hpe shut shangun n yang gaw, dai hpe malawk kabai kau u; na a hkum ting hpe Ngarai mung hta jahkrat kau ai hkrum na hte, na a hkum daw langai mi hten na gaw, grau kaja nga ai.

MAHTE 5:30

Na a hkra lata mung nang hpe shut shangun n yang gaw, dai hpe kahtam dut kabai kau u; na a hkum ting Ngarai mung de shang wa na hte, na a hkum daw langai mi hten na gaw, grau kaja nga ai.

MARKU 9:42

Lam mi gaw, Ndai kamsham nga ai ma kaji ni hta na langai mi hpe, myit kataw shangun ai wa kadai rai timung, shi a du hta htumrin kaba noi nna, nawng hta kabai bang kau na gaw, shi a matu grau nna mai nga ai.

MARKU 9:43

Na a lata nang hpe myit kataw shagun a yang gaw, dai hpe kahtam dut kau u: lata lahkawng hkum nga ai hte ngarai mung na n si n krip ai wan hta shang na hta, lata hten ai hte asak hkrung ai de shang na gaw, grau mai nga ai.

LUKA 17:2

Dai wa gaw, ndai ma kaji langai mi hpe myit kataw shangun ai hte, shi a du hta htumrin lung noi nna, nammukdara hta jahkrat kau ai hkrum yang gaw, shi a matu grau mai nga ai.

YAWHAN 6:61

Shing nga nna shi a sape ni tsun ngun nga ma ai hpe, Yesu shi a myit hta chye wu ai majaw, shi shanhte hpe, “Ga ndai gaw nanhte hpe myit hten shangun wa sa ni?

ROMA 14:21

Shan sha na hte tsabyi lu na rai timung, na nhpu nnau hpe myit kataw shangun na lam hpa rai timung koi gam kau na gaw, mai kaja nga ai.

1 KORINHTU 8:13

Dai rai nna, shahpa a majaw nye a hpunau myit kataw a yang gaw, nye a hpunau wa myit n kataw u ga, ngai prat dingsa e shan n sha na ni ai.

1 KORINHTU 8:9

Shing wa nga timung, nanhte a ahkang gaw n-gun n ja ai ni a myit kataw shara n tai u ga, sadi nga mu.

2 KORINHTU 6:3

Ndai daw ai aya gaw shatan nhkan n hkrum u ga, hpa lam hta mung ahtu kataw shara loi mi muk anhte n shatai ai sha,

2 KORINHTU 8:9

kaning rai nme law, anhte a Madu Yesu Hkristu gaw sut su nga ai rai timung, nanhte a matu mara matsan mayan hkrum nna, shi a matsan mayan ai hta nanhte sut su lu na rai nga ai chyeju hpe, nanhte chye nga myit dai.

1 HTESALONI 5:22

N kaja ai lam baw sumhpa hpe koi gam nga mu.

YAKU 2:5

Ngai tsawra ai hpunau ni e, madat mara la mu: kamsham ai sutgan hta lu su nna, Karai Kasang hpe tsawra ai ni a matu mara, ndat da ai mungdan a sali wunli hpe hkam la lu mu ga, Karai Kasang gaw mungkan ga na matsan mayan ni hpe lata la manu ai, n rai ni?