MAHTE 17:26 - Jinghpaw Hanson Version Bible

²⁶ Shi gaw, “Yu maya ni kaw na hta ma ai,” ngu wu yang, Yesu gaw, “Dai rai taw gaw, kashu kasha ni lawt lu ma ai:

Jinghpaw Common Language Bible 2009

²⁶ Petru gaw, “Maigan masha ni kaw na hta ma ai,” ngu wu yang, Yesu gaw, “Dai rai taw gaw, mungchying sha ni n bang ra ai lachyum rai nga ai.

MAHTE 17:26 ပူးပေါင်းရင်းမြစ်များ

MAHTE 17:25

Shi gaw, “Bang ga ai,” ngu wu ai. Ya Petru nta hta shang wa yang, Yesu shi hpe hkap tsun nna, “Simun e, nang kaning rai myit da wu ta? ga ntsa hkawhkam ni, kang hte hkansi kadai kaw na hta ma ta? tinang kashu kasha ni kaw na hta ma ni? shing n rai, yu maya ni kaw na hta ma ni?” ngu wu ai.

MAHTE 17:27

rai timung, anhte a majaw shanhte myit n kataw mu ga, nawng de sa nna, nga myek jahkrat bang u; shawng lu ai nga hpe shaw la nhtawm, n-gup mahka yang, shekela pa mi nang mu na ru ai: dai hpe la nna, ngai hte na a matu shanhte hpe ya u,” ngu nna shi hpe tsun wu ai.

LUKA 16:8

Dai n tara ai kunhting wa hpaji hte chye galaw ai majaw, madu gaw shi hpe shakawn wu ai: kaning rai nme law, ndai mungkan ga a kashu kasha ni gaw, tinang a amyu hta e, ahtoi a kashu kasha ni hta grau nna hpaji rawng ma ai.

LUKA 9:50

Yesu gaw, “Hkum hkum myit; nanhte a gumlau maga n nga ai wa gaw, nanhte hpang maga nga ai wa rai nga ai,” ngu nna shi hpe tsun wu ai.

1 HTESALONI 5:22

N kaja ai lam baw sumhpa hpe koi gam nga mu.

1 SAMUELA 17:25

Israela masha langai mi mung, “Lera lung wa ai wa hpe, nanhte mu myit ni? Gaja wa, Israela amyu hpe roi na lung wa ai, rai nga ai: dai wa hpe sat kau lu ai wa e gaw, hkawhkam wa sutgan kaba hte shagrau nna, shi a shayi sha ya sha na da, dai wa a nta dap ni hpe mung, Israela mungdan hta lahkawn shalawt na da,” nga nna tsun nga ai.