MAHTE 17:23 - Jinghpaw Hanson Version Bible

²³ shanhte shi hpe sat kau na maru ai rai nna, masum ya nhtoi hta e sharawt la ai shi hkrum na ra ai,” ngu nna shanhte hpe tsun wu ai; dai rai nna, shanhte nachying myit yawn nga ma ai.

Jinghpaw Common Language Bible 2009

²³ Shanhte shi hpe sat kau na maru ai rai nna, masum ya nhtoi hta e shi hpe hkrung sharawt la ai hkrum na ra ai,” ngu nna shanhte hpe tsun mu ai. Dai rai nna shanhte nachying myit yawn nga ma ai.

MAHTE 17:23 ပူးပေါင်းရင်းမြစ်များ

SHAKAWN KUNGDAWN 16:10

Kaning rai nme law, nang nye a myit masin hpe katsan ga de kau da ya na ndai n rai. Na a chyoi pra ai wa hten byak hkrum na, nang hkraw nga ndai n rai.

SHAKAWN KUNGDAWN 22:15

Nye a n-gun di chyen zawn hkraw mat nga ai, Nye a shinglet nye a gumra hta kap mat sai: Si ai nhpu hta nang ngai hpe tawn da nit dai.

ESAIA 53:7

Shi adip arip hkrum timung, nni nkri hkrum yang, n-gup n hpaw ai nga nga ai; sat na matu dun sa wa ai sagu kasha zawn, mun rep ai wa a man e, atsin sha nga ai sagu zawn, shi n-gup n hpaw ai nga nga ai.

Daniela 9:26

Dai nhtoi bat kru shi lahkawng lai ai hpang, namman chya hkam ai wa gaw sat kau ai hkrum nna, shi hte seng ai gaw n nga na ra ai: dai hpang e du na ra ai hkawhkam masha ni gaw, mare hte chyoi pra ai shara hpe jahten sharun kau nna, de a jahtum ai gaw hka hpungtun rai na ra ai: dai san da ai aten htum hkra hpyen majan hkrai rai nga nna, marawng marang tai mat na ra ai.

ZEHKARIA 13:7

“Nhtu e, rawt u: nye a sagu rem wa hte, nye a kanawn manang wa hpe, hkra u: sagu rem wa hpe anu sat nna, ‘sagu ni bra wa na mara ai; ngai gaw hkalung ni hpe, nye a lata hte maga da na nngai,’ nga nna Zaw nawng zaw wa up ai Yehowa tsun ai.

MAHTE 16:21

Dai aten kaw nna Yesu Hkristu gaw, Yerusalem mare sa lu na hte agyi salang ni, hkinjawng agyi ni hte laika ka ai sara ni a lata hta e nni nkri law law wa hkrum nna, sat kau na hpe hkam la nhtawm, masum ya nhtoi hta e, bai sharawt la lu na lam, shi a sape ni hpe madun dan hpang wu ai.

MAHTE 17:9

Ya dai bum na shanhte yu hkrat wa ma yang, Yesu gaw, “Dai Masha Kasha si ai ni kaw na sharawt la ai garai n hkrum hkrum gaw, ndai shingran hpe, kadai wa hpe mung hkum tsun dan myit,” ngu nna shanhte hpe hkang dat mu ai.

MAHTE 20:19

asawng asang, anu kayat ai hte wudang hta jen da hkrum na matu, maigan amyu ni a lata de ap kau na mara ai; masum ya nhtoi hta e, bai sharawt la ai hkrum na ra ai,” ngu mu ai.

MAHTE 27:63

Madu e, ndai hkalem ai wa gaw naw hkrung nga yang, Masum ya nhtoi hta e, ngai bai hkrung rawt wa na nngai, nga nna shi tsun ai hpe anhte dum sagaw ai.

MARKU 8:31

Dai shaloi e, Dai Masha Kasha gaw nni nkri law law wa hkrum nna, agyi salang ni, hkinjawng agyi ni hte laika ka ai sara ni e nyet kau ai hkrum na hte, sat kau ai hkrum nhtawm, masum ya nhtoi hpang e bai hkrung rawt wa lu na lam, shi shanhte hpe sharin achyin hpang mu ai.

MARKU 9:30

Dai yang na pru wa ma yang, shanhte gaw Galile mung hku ga sa wa ma ai rai nna, dai hpe kadai mung n chye lu u ga, shi ra nga ai.

YAWHAN 16:6

Rai timung, ndai lam ni ngai nanhte hpe tsun made ai majaw, nanhte a myit masin hta yawn hkyen ai hpring mat ma salit dai.

YAWHAN 2:19

Yesu gaw, “Ndai htingnu hpya kau mu; masum ya laman e ngai dai hpe sharawt na we ai,” ngu nna shanhte hpe htan mu ai.