MAHTE 17:17 - Jinghpaw Hanson Version Bible

¹⁷ Yesu htan nna “Makam masham n rawng ai hte nhtan shai ai amyu e, ngai nanhte hte rau gaten du hkra nga nga lu na rai ta? gaten du hkra, nanhte hpe sharang nga lu na rai ta? ngai hpang de shi hpe woi sa marit,” ngu wu ai.

Jinghpaw Common Language Bible 2009

¹⁷ Yesu htan nna, “Nanhte gaw makam masham n rawng ai hte nhtan shai ai amyu she rai nga myit hka! Nanhte hte rau ngai galoi du hkra nga lu na rai ta? Galoi du hkra, ngai nanhte hpe sharang nga lu na rai ta? Dai la kasha ma hpe ngai hpang de woi sa wa marit,” ngu wu ai.

MAHTE 17:17 ပူးပေါင်းရင်းမြစ်များ

SHAKAWN KUNGDAWN 95:10

Ngai gaw mali shi ning tup ndai amyu hpe n yawt nga nna; “Shanhte gaw tinang a myit hte lam dam mat ai amyu hte, Nye a lam hpe mung n chye ai ni, rai nga ma ai,” nga nna ngai tsun nga nngai.

PRU MAT 10:3

Shaloi Mawshe ya Arun gaw Hpara-u kaw sa shang nna, Hebre masha ni a Karai Kasang Yehowa ning nga ai: “Nang nye a man e na a myit n shagrit ai galoi du hkra nga na ta? nye a amyu ngai hpe sa naw jau mu ga, shanhte hpe dat dat u:

PRU MAT 16:28

Dai majaw Yehowa gaw Mawshe hpe, “Ngai hkang da ai lam hte nye a tara hpe nanhte galoi du hkra ndang nga na myit ta?

GA SHAGAWP 1:22

Myit n su ai ni e, nanhte gaw myit n su ai amu hta sharawng nga nna, Jahpoi asawng ai ni gaw jahpoi asawng ai lam hta pyaw nga na hte, Angawk angak re ai ni chye chyang ai lam hpe n dawng nga na gaw, gaten du hkra rai ta?

GA SHAGAWP 6:9

Lagawn ai wa e, nang gaw gaten du hkra yup nga na n ta? Yup ai kaw na galoi hprang na n ta?

ESAIA 19:14

Yehowa gaw Egutu mung ka-ang e nhtan shai ai wenyi kayau tawn da nna, chyaru nang ai wa gaw tinang a nhpat hta bai galwi ai hte maren, shanhte gaw Egutu hpe lam shagu hta shadam kau mu ai.

YEREMIA 4:14

Yerusalem e, nang hkye hkrang la ai hkrum lu hkra, na a kraw lawang na n hkru n hkra ai hpe kashin kau u: na a n shawp ai myit mang gaw, gaten du hkra nang hta shanu nga na rai ta?

BU HKAWM 14:11

Shaloi Yehowa Mawshe hpe, “Ndai amyu gaw gaten du hkra ngai hpe n gawn n sawn rai nga na ma ta? shanhte hta ngai madun ai lamik kumla ni hpe mu lu ninglen gaten du hkra ngai hpe naw n kam na ma ta?

BU HKAWM 14:27

“Ngai hpe aput apai nga ai, ndai n hkru ai shawa hpung hpe galoi du hkra ngai sharang nga na rai ta? Israela kashu kasha ni ngai hpe aput apai nga ai gaw ngai na se ai.

MAHTE 13:58

Shanhte kamsham ai myit n rawng nga ma ai majaw, dai shara e magam amu law law wa shi n galaw nu ai.

MAHTE 16:8

Yesu dai hpe hten wu yang, “Ai n kam ai ni e, nanhte muk n gun ai hpe tau nna, hpa majaw shada da tsun wa myit ta?

MAHTE 17:16

na a sape ni hpang de ngai shi hpe woi wa lu timung, shanhte n shamai lu mu ai,” ngu mu ai.

MAHTE 17:18

Shaloi Yesu shi hpe daru kau wu ai rai nna, dai nat gaw shi kaw na pru mat wa ai; dai ahkying kaw nna dai ma gaw mai mat lu ai.

MAHTE 6:30

Ai n kam ai baw e, dai ni nga nna hpawt de wan nmang hta kabai bang kau ai nam na tsingdu hpe pyi, Karai Kasang shing re jahpun da ai rai jang gaw, dai hta grau nna nanhte hpe jahpun na myit dai, n rai ni?

MAHTE 8:26

Shi gaw, “Ai n kam ai ni e, hpa rai hkrit nga myit ta?” ngu nna shanhte hpe tsun mu ai. Shaloi shi rawt nna, nbung hte nawng hpe daru kau wu ai: shing rai nachying atsin sim rai nga ai.

MARKU 16:14

Dai hpang, sape shi langai ni hkrai, shat sha nga ma yang, shi shanhte hpe shi hkum shadan dan wu ai. shi si ai kaw na bai hkrung rawt wa ai, mu lu ai ni a ga hpe nan, n kam ma ai majaw, shanhte a n kam n sham ai hte, myit ja nga ai hpe daru kau wu ai.

MARKU 9:19

Dai rai nna Yesu gaw, “Makam masham n rawng ai amyu e, gaten du hkra ngai nanhte hte rau nga nga lu na rai ta? gaten du hkra nanhte hpe sharang nga lu na rai ta? shi hpe ngai hpang de woi sa marit,” ngu nna htan mu ai.

LUKA 24:25

Shaloi shi gaw, “Myihtoi ni htawn tsun ai ga mahkra hpe kamsham lu na, hpaji n rawng ai hte myit ja ai ni e!

LUKA 9:41

Dai rai nna Yesu gaw, “Makam masham n rawng ai hte nhtan shai ai amyu e, ngai nanhte hte rau gaten du hkra nga nna, sharang ya lu na rai nga a ta? na nsha hpe nang de woi sa rit,” ngu nna htan wu ai.

YAWHAN 20:27

Shaloi shi gaw Htawma hpe, “Na a layung nang de ladawn nna, nye a lata hpe yu u; na a lata ladawn nna, nye a garep hpe mung manaw yu u; n kam hkum rai et, kamsham nga u,” ngu wu ai.

KASA 13:18

Bai, mali shi ning daram, nam mali hkan e shanhte a akyang hpe sharang ya nna,

KASA 2:40

Ga kaga law law hte mung shi sakse hkam nna, “Ndai myit magaw ai amyu hta na lawt pru myit ga law,” ngu nna shanhte hpe shadum jahprang wu ai.

2 KORINHTU 11:1

Ngai angawk ai mara loi mi nanhte naw sharang ya mi ga, ngai ra nga nngai: gaja wa nanhte nye a lam sharang ya nga myit dai.

TARA JAHPRANG 32:5

Shanhte hten byak masai, shi a kasha n rai, Agang chyalang kap ai hkrai rai ma ai; Myit manai ai hte magaw ai amyu rai ma ai.