MAHTE 16:3 - Jinghpaw Hanson Version Bible

³ bai, jahpawt e rai jang gaw, lamu hkyeng ai hte n san nga ai majaw, Laru marang wa na ra ai, nanhte nga ga myit dai. Shing rai, lamu a man hpe nanhte chye ginhka lu mu ai rai timung ndai prat na kumla ni hpe, n chye ginhka myit dai.]

Jinghpaw Common Language Bible 2009

³ Bai, jahpawt manap jau e lamu hkyeng nna sin nga ai rai yang, ‘Lamu marang wa na ra ai, nga nna nanhte tsun ga myit dai.” Shing rai, lamu a man hpe yu nna lamu marang a lam hpe nanhte chye tau tsun lu myit dai, rai ti mung ndai prat na aten a kumla ni hpe n chye htai ginhka la myit dai.

MAHTE 16:3 ပူးပေါင်းရင်းမြစ်များ

1 HKAWHKAM LABAU 12:32

Bai, Israela masha ni, dai aten e mai galaw na lam chye dawdan ai Yisahka kashu kasha ni hta na, agyi ni tsa mung lawm nna, shanhte a kahpu kanau ni yawng, shanhte a ga madat mara nga ma ai.

MAHTE 11:5

myi kyaw ai ni myi mu lu ma ai, lagaw hten ai ni hkawm sa lu ma ai, manggang kap ai ni san pra wa lu ma ai, na lahpang ai ni na lu ma ai, si mat ai ni sharawt la ai hkrum ma ai hte, matsan mayan ni a matu kabu gara shiga hkaw dan nga ai:

MAHTE 15:7

Sawt ai ni e, “Ndai amyu gaw, tinang a nten hte ngai hpe hkungga lara rai ma timung, Tinang a myit gaw, ngai hte tsan gang malu ai.

MAHTE 22:18

Yesu mahtang shanhte a n hkru ai myit hpe hten ya da mu ai rai nna, “Sawt ai ni e, nanhte hpa rai ngai hpe chyam yu nga myit ta? dai hkansi dingsen ngai hpe dan yu mi,” ngu mu ai.

MAHTE 23:13

Hpyi hpun ai laika ka ai sara ni hte Hparishe ni e, nanhte dingnye lu myit dai: nanhte gaw masha ni a man e, sumsing lamu a mungdan lam hpe pat da mu ai: nanhte nan n shang myit dai hte, shang wa ai ni, shang na pyi, n hkraw myit dai.

MAHTE 4:23

Bai, shi gaw Galile mung ting hta kawan hkawm let, shanhte a tara jawng ni hta shi sharin shaga nga nna, dai mungdan a kabu gara shiga hpe hkaw dan ai hte, mung masha ni a machyi makaw amyu myu hte ana ahkya amyu myu hpe shamai shatsai ya wu ai.

MAHTE 7:5

Sawt ai wa e, na a myi hta na hpuntawng hpe shawng lai kau u; dai hpang, na a nhpu nnau a myi na nbun hpe lai kau ya na, nang asan sha mu lu na rin dai.

LUKA 11:44

Nanhte dingnye lu myit dai! nanhte gaw masha ni n chye ai hte, de a ntsa e hkawm sa lu hkra prai mat sai lup ni hte bung myit dai,” ngu nna shi hpe tsun wu ai.

LUKA 12:56

Sawt ai masha ni e, lamu hte ga a man hpe gaw nanhte chye ginhka lu myit dai: dai re ai mi, ndai prat a kumla hpe, hpa rai n chye ginhka lu myit ta?

LUKA 13:15

Shaloi dai Madu shi hpe, “Sawt ai masha ni e, nanhte langai hte langai laban nhtoi e tinang a yamnga lawze hpe ntsin shayaw na ulawng na raw dat ga myit dai, n rai ni?

HEBRE 5:14

Ja ai shahpa chyawm gaw, kaja ai hte n kaja ai hpe chye ginhka lu hkra, tinang a myit mang ai lam hpe len shaman ai hte shakung jahpan chye nna, hkum tsup nga ai ni a matu rai nga ai.