MAHTE 16:27 - Jinghpaw Hanson Version Bible

²⁷ Kaning rai nme law, dai Masha Kasha gaw Kawa a hpung shingkang hte shi a lamu kasa ni hte nawng, du na ra ai; dai shaloi e, tinang galaw ai hte maren langai hte langai hpe bai htang na ra ai.

Jinghpaw Common Language Bible 2009

²⁷ Hpa majaw nga yang, dai Masha Kasha gaw Kawa a hpung shingkang hte shi a lamu kasa ni hte nawng, du na ra ai; dai shaloi e, tinang galaw ai hte maren langai hte langai hpe htang na ra ai.

MAHTE 16:27 ပူးပေါင်းရင်းမြစ်များ

YOBA 34:11

Masha galaw ai hte maren, shi matai htang na ra ai; tinang lam hte maren, hkrum sha shangun na ra ai.

SHAKAWN KUNGDAWN 62:12

Madu e, nang kaw nna chyeju pru nga ai: Kaning rai nme law, tinang galaw ai hte maren, Nang langai hte langai hpe bai htang na ndai.

GA SHAGAWP 24:12

“Anhte n chye ga ai,” nga timung Myit masin hpe shen yu ai wa gaw, n matsing na a ni? Na a wenyi hpe bau sin ai wa gaw, n chye na rai ni? Masha langai hte langai hpe, tinang amu hte maren, htang jaw na, n rai ni?

HPAJI NINGLI 3:17

Shaloi ngai gaw, Maw mawn ai lam shagu hte amu bungli shagu a matu, san da ai aten rai nga ai majaw, Karai Kasang gaw dinghpring ai wa hte tara n lang ai wa hpe dawdan na ra ai, nga nna nye a kraw e tsun nngai.

YEREMIA 17:10

langai hte langai hpe tinang a arawn alai hte maren, tinang hkam ang ai shabrai karan jaw na matu, ngai Yehowa gaw myit masin hpe sawk yu nna, nhkyun ni hpe manaw yu nngai.

YEREMIA 32:19

hpaji daw ai hta mauhpa, amu shachyen ai hta kaba ai wa, nang rai nga ndai; langai hte langai tinang hkan ai lam, tinang galaw ai arawn alai hte maren, nhtang jaw na matu, na a myi gaw shinggyim masha ni hkawm sa ai lam mahkra hpe azi yu nga ai;

EZEKELA 18:20

Yubak galaw ai myit masin gaw, si na ra ai: kasha gaw kawa a yubak hpe, kawa gaw kasha a yubak hpe, hkam na, n rai; dinghpring ai wa a dinghpring ai gaw, shi a ntsa e, tara n lang ai wa a tara n lang ai gaw, shi a ntsa e, mara na ra ai.

EZEKELA 7:27

Hkawhkam wa gaw sharung shayawt na ra ai; hkawhkam kasha ni gaw mak mat ai pahpun bu hpun na mara ai; mung masha ni a lata gaw gari na ra ai: shanhte a arawn alai hte maren, ngai shanhte hpe nhtang tai nna, hkam ging ai hte maren, dawdan na nngai: shing rai, ngai Yehowa rai nga ai hpe, shanhte chye lu na mara ai.”

Daniela 7:10

Shi a man e wan grung ai hka hpaw lwi nga ai; marai hkying mi lang hkying mi shi hpe daw jau nna, mun mi lang mun mi, shi a man e tsap nga ma ai: tara dara na matu hkyen nga nna, laika ni hpe hpaw tawn nga ai.

ZEHKARIA 14:5

Shing rai nanhte gaw, nye a bum yan a lapran kadit lam hku hprawng wa na marin dai; kaning rai nme law, dai bum lapran a kadit gaw, Azela shara du hkra dam na ra ai: gaja wa, Yuda hkawhkam Uzia lakhtak e, dai nnang nawn majaw, nanhte hprawng gat ai hte maren, bai hprawng gat na marin dai; nye a Karai Kasang Yehowa gaw sa du nna, chyoi pra ai ni yawng shi hte rau lawm na mara ai.

MAHTE 13:41

Dai masha kasha gaw shi a lamu kasa ni hpe shangun dat na rai nna, shanhte gaw shi a mungdan hta na, myit kataw shangun ai baw hte tara hte n bung ai amu galaw ai ni nlang hte hpe, lata shaw la nhtawm, wan htung hta kabai bang da na maru ai:

MAHTE 13:49

Dai hte maren lamu ga htum na aten hta e byin na ra ai: Lamu kasa ni pru sa nna, dinghpring ai ni a kata na, n hkru ai ni hpe lata karan da na mu ai rai nna,

MAHTE 24:30

Dai shaloi e Masha Kasha a kumla gaw, sumsing lamu hta e dan pru na ra ai; shaloi jang ga ntsa na amyu baw shagu ni sharung shayawt let dai Masha Kasha gaw daru magam hte hpung shingkang kaba hte nawng lamu a sumwi hta du sa ai hpe, mu lu na mara ai.

MAHTE 25:31

Dai Masha Kasha gaw shi a hpung shingkang dan hkung let, lamu kasa ni nlang hte rau sa du ai shaloi, shi a hpung shingkang a tingnyang ntsa e shi dung nna,

MAHTE 26:64

Yesu gaw, “Nang tsun ai hte maren rai nga ai: dai hta n-ga ngai nanhte hpe tsun made ga, Dai Masha Kasha gaw, Daru Magam a hkra maga e dung nga nna lamu na sumwi ni hta sa du ai hpe nanhte mu na marin dai,” ngu nna shi hpe tsun wu ai.

MAHTE 8:20

Yesu gaw, “Chyahkyawn ni nhkun lu ma ai, ntsa malen pyen ai u ni mung u yup lu ma ai; dai Masha Kasha chyawm gaw baw tawn na shara pyi n lu nga ai,” shi hpe ngu wu ai.

MARKU 14:62

Yesu gaw, “Ngai rai nga nngai; dai hta kaga, Masha Kasha gaw hpung shingkang a hkra maga e dung nga nna, lamu na sumwi ni hte sa du ai hpe, nanhte mu na marin dai,” ngu wu ai.

MARKU 8:38

Kaning rai nme law, ndai shut hpyit ai hte yubak kap ai amyu hta e, ngai hte ngai tsun ai mungga hpe kaya nga ai wa kadai mung, dai Masha Kasha gaw shi a Kawa a hpung shingkang hte chyoi pra ai lamu kasa ni hte nawng du sa wa yang, dai wa hpe kaya kau na ru ai.

LUKA 21:27

Dai shaloi e Masha Kasha gaw, daru magam hte hpung shingkang kaba hte nawng sumwi hta du sa ai hpe, shanhte mu na mara ai.

LUKA 22:69

Rai timung Masha Kasha gaw, ya kaw nna Karai Kasang a hpung shingkang a hkra maga de dung nga lu na ra ai,” ngu nna shanhte hpe tsun mu ai.

LUKA 9:26

kaning rai nme law, ngai hte ndai nye a ga hpe kaya ai wa kadai hpe mung, dai Masha Kasha gaw tinang a hpung shingkang hte mung, Kawa a hpung shingkang hte mung, chyoi pra ai lamu kasa ni a hpung shingkang hte mung du sa yang, dai wa hpe kaya kau na ru ai.

YAWHAN 21:22

Yesu gaw, “Ngai du sa ai nhtoi du hkra, ngai shi hpe nga nga shangun mayu nngai, dai nang hte hpa seng a ta? nang gaw nye hpang hkan nang rit,” ngu nna htan wu ai.

YAWHAN 21:23

Ga dai majaw, dai sape gaw si na n rai, nga nna hpunau ni hta tsun shajang ma ai: rai timung, dai sape hpe n si na re ai, nga nna Yesu tsun ai n rai; “Ngai du sa ai nhtoi du hkra, ngai shi hpe nga nga shangun mayu nngai, dai nang hte hpa seng a ta?” nga nna tsun ai sha, rai nga ai.

KASA 1:11

“Galile masha ni e, hpa rai lamu de naw dawng yu nga myit ta? Nanhte a man na sumsing lamu de shalun la ai wa, dai Yesu gaw, nanhte mu nga yang sumsing lamu de wa ai zawn, dai hku bai du na ra ai,” ngu nna tsun mu ai.

ROMA 14:12

Dai rai nna, anhte langai hte langai, tinang dai tinang lam a jahpan, Karai Kasang kaw dan na ra ga ai.

ROMA 2:6

Karai Kasang gaw langai hte langai hpe, tinang a bungli hte maren nhtang jaw na ra ai:

1 KORINHTU 15:23

Rai timung, langai hte langai tinang ang ai hku hte maren rai wa na ra ai: Hkristu gaw shawng si ai asi rai nga ai; dai hpang, Hkristu bai du ai ladaw e shi hte seng ai ni hkrung wa na mara ai;

1 KORINHTU 3:13

kaning rai nme law, dai nhtoi gaw dai hpe shadawng dat nna, wan e gaw dai hpe shadan dan na ru ai; langai hte langai a bungli kaning rai nga ai gaw, dai wan e chyam ginhka na ru ai.

1 KORINHTU 8:8

Rai timung, shahpa majaw Karai Kasang a man e anhte myi man pa na ga ai n rai: anhte n sha yang gaw, grit wa na ga ai n rai; sha yang mung, grau wa na ga ai n rai.

2 KORINHTU 5:10

Kaning rai nme law, dai hkumhkrang hte kaja ai rai timung, n kaja ai rai timung, galaw saga ai hte maren, langai hte langai hkam la shajang mu ga, anhte nga manga Hkristu a tingnyang man e dawng pru na ra ga ai.

EHPESU 6:8

Mayam rai timung, shanglawt rai timung, mai kaja ai bungli hpa rai timung galaw a yang gaw, dai Madu gaw, langai hte langai hte hpe jaw htang na ru ai, chye nga mu.

KOLOSE 3:25

N ding n man ai hku galaw ai wa gaw, tinang a n ding n man ai hpe nhtang hkam sha na ra ai rai nna, myi man tau yu ai lam n nga lu ai.

1 HTESALONI 1:10

sumsing lamu de na shi a Kasha hpe ala nga ai lam, tsun hkat nga ma ai: dai Kasha gaw si mat ai ni kaw na sharawt la nna, du na ra ai pawt sindawng ai hta na anhte hpe mawai la sai Yesu nan rai nga ai.

1 HTESALONI 4:16

Dai Madu nan jahtau garu ai hte, lamu kasa agyi a nsen hte, Karai Kasang a pahtau dum ai hte sumsing lamu de na yu wa nna, Hkristu hta e si mat ai ni gaw shawng numshawn e rawt wa lu na mara ai;

YAKU 5:7

Dai re ai majaw, hpunau ni e, dai Madu bai du ai du hkra shakut sharang nga mu law. Yu mu, sun galaw ai wa gaw, ga a asau asi hpe ala nga ai rai nna, marang nhpaw hte hpang shadoi na marang dai hta e htu shaya ai du hkra, shakut sharang nga ai.

1 PETRU 1:17

Dai hta kaga, myi man n tau yu ai sha, langai hte langai a amu hte maren dawdan nga ai Kawa hpe nan, nanhte hpyi shaga myit yang gaw, nanhte manam tai hkawm nga ai aten hte yang, hkrit kamyin ai hte hkan shatup nga mu.

1 YAWHAN 2:28

Ya chyawm gaw, shu sha ni e, shi dan pru a yang gaw, shi du ra ai nhtoi hta e, anhte nden ja ai myit rawng lu nna, shi a man e kaya kahpa n hkrum u ga, shi hta e anga nga mu.

YUDA 1:14

Adam kaw na prat sanit hta du ai Enuk mung, shanhte hpe myihtoi ga tsun mu ai rai nna, Yu mu, yawng mayawng hte hpe tara dara na mara ai rai nna,

SHINGRAN 1:7

Yu mu, shi gaw sumwi hte du sa wa nna, myi yawng mayawng mung, shi hpe galun baw ai ni mung, shi hpe hkap mu na mara ai rai nna, dinghta ga na amyu nlang hte gaw, shi a majaw sharung shayawt na mara ai. Rai sa, Amen.

SHINGRAN 2:23

Shi a kashu kasha ni hpe si lam hte ngai sat kau na we ai: shaloi, nhkyun hte kraw lawang hpe sawk yu ai wa ngai rai nga nngai gaw, Hpung ni yawng chye lu n mara ai: nanhte hta na langai hte langai hte hpe, tinang ni a amu hte maren ngai htang jaw na made ai.

SHINGRAN 20:12

Si mat wa ai ni mung kaji kaba dai tingnyang a man e tsap nga ma ai hpe, ngai mu nngai; shaloi laika ni hpe hpaw tawn nga ai: asak laika ngu ai laika kaga hpe mung hpaw tawn nga ai: si mat wa sai ni gaw, tinang a arawn alai hte maren, laika ni hta ka da ai hku hkan nna, tara dawdan ai hkrum ma ai.