MAHTE 16:17 - Jinghpaw Hanson Version Bible

¹⁷ Dai rai nna Yesu gaw, “Bara-Yona Simun e, nang a lu ndai: ashan hte asai gaw, nang hpe dai madun dan ai n rai; sumsing lamu e nga ai nye a Wa gaw dai hpe madun dan da ndai.

Jinghpaw Common Language Bible 2009

¹⁷ Dai rai nna Yesu gaw, “Yawhan a kasha Simun e, nang a lu ndai; ndai lam hpe yu maya masha langai mi hku nna nang n chye lu ndai; Sumsing lamu e nga ai nye Wa gaw dai hpe madun dan da ndai.

MAHTE 16:17 ပူးပေါင်းရင်းမြစ်များ

ESAIA 54:13

Na a kashu kasha ni yawng, Yehowa a sharin achyin ai hkam la nna, shanhte a ngwipyaw ai lam gaw, kaba la nga ai.

LUKA 22:32

rai timung na a kamsham ai myit n hten lit ga, ngu nna na a matu ngai akyu hpyi da ni ai; nang bai kayin dum yang, na nhpu nnau ni hpe shangang shakang ya u,” ngu wu ai.

YAWHAN 1:42

Shaloi shi gaw Yesu hpang de shi hpe woi wa wu ai. Yesu gaw shi hpe hkap yu nna, “Nang gaw Yawhan a kasha Simun rai nga ndai: nang Kehpa ngu ai mying lu na rin dai,” ngu wu ai: (Kehpa ngu ai ga lachyum gaw, Petru nga ai, rai nga ai.)

YAWHAN 6:45

‘Masha yawng mayawng gaw Karai Kasang a sharin achyin ai lu la ai ni rai na mara ai,’ nga nna myihtoi laika ni hta ka da ai hte maren, nye Wa kaw na madat la nna, sharin achyin la ai ni yawng hte gaw, ngai hpang de du sa ma ai.

1 KORINHTU 15:50

Hpunau ni e, ning nga ngai tsun nngai gaw, hkum shan yan asai gaw Karai Kasang a mungdan a sali wunli n dagraw lu ai hte, hten mat chye ai gaw, n hten n mat chye ai sali wunli hta shang lu na n rai.

GALATI 1:16

shi a chyeju majaw ngai hpe shaga la nna shi Kasha a lam ngai hta shapraw dan na ra nga ai shaloi jang, ngai hkum shan yan asai hpe bawng yu nngai n rai.

EHPESU 2:8

Kaning rai nme law, makam masham a marang e, chyeju hte sha, nanhte hkye hkrang la ai hkrum manit dai: dai gaw nanhte kaw na n rai, Karai Kasang a kumhpaw kumhpa sha rai nga ai:

EHPESU 3:5

dai lam chyawm gaw, dai kabu gara shiga a marang e, Hkristu Yesu hta e, maigan amyu ni gaw Yuda ni hte rau, ga ndat a sali wunli hkam la lu nna, shanhte hte rau hkumhkrang langai sha hte, ga ndat ni hpe jawm lu jawm la ai ni rai nga ma ai hpe,

EHPESU 6:12

Kaning rai nme law, anhte a gasat gala ai gaw, asai yan ashan hpe n re ai sha, du agyi ni hpe mung, ahkang aya lu ai ni hpe mung, ndai sin mak nga ai mungkan a hpung shingkang rawng ai ni hpe mung, sumsing lamu lahta tang e nga ai. n hkru n hkra ai nat a luksuk ni hpe mung, gasat gala nga ga ai.

HEBRE 2:14

Dai re ai majaw, kashu kasha ni asai ashan hkan dagraw ai zawn, shi mung, si lam up ai wa ngu ai Nat wa hpe shabyak kau lu na hte,

1 PETRU 5:1

Dai re ai majaw, Hkristu a nni nkri hkrum ai lam hta sakse tai nga ai hte paw pru magang ra ai hpung shingkang hta hkambum lu ai nanhte a kanawn salang, ngai gaw, nanhte hta lawm ai Hpung salang ni hpe shadum jahprang dat mawe ga;

1 YAWHAN 4:15

Yesu Hkristu gaw Karai Kasang a Kasha rai nga ai, nga nna yin la ai wa kadai hta e rai timung, Karai Kasang anga nga ai rai nna, shi mung Karai Kasang hta e anga nga ai.

1 YAWHAN 5:20

Dai hta kaga, Karai Kasang a Kasha du wa sai rai nna, dai tengman ai wa hpe chye chyang lu na myit, shi anhte hpe jaw da mi ai gaw, anhte chye nga ga ai: dai tengman ai wa hta e, ngu ai, shi a Kasha Yesu Hkristu hta e, anhte anga nga ga ai. Dai wa gaw, tengman ai Karai Kasang hte, n htum n wai asak mung, rai nga ai.