MAHTE 16:16 - Jinghpaw Hanson Version Bible

¹⁶ Simun Petru gaw htan nna, “Nang gaw Hkristu ngu ai ahkrung nga ai Karai Kasang a Kasha rai nga ndai,” ngu wu ai.

Jinghpaw Common Language Bible 2009

¹⁶ Simun Petru gaw htan nna, “Nang gaw Meshia ngu ai ahkrung nga ai Karai Kasang a Kasha rai nga ndai,” ngu wu ai.

MAHTE 16:16 ပူးပေါင်းရင်းမြစ်များ

SHAKAWN KUNGDAWN 2:7

Ga madat ngai shana ya na nngai: “Ngai sha nang rai nga ndai, Dai ni ngai nang hpe shaprat sade ai.

SHAKAWN KUNGDAWN 42:2

Nye a myit masin Karai Kasang hpe, Hkrung nga ai Karai Wa hpe, shagroi gara nga ai: Ngai Karai Kasang kaw, galoi wa me dawng pru lu na rai nga ai kun?

Daniela 6:26

nye a mungdan ting chyam hkra masha nga manga hte gaw, Daniela a Karai Kasang man e hkrit hkungga nga mu, ngu nna hkang da ai ga ngai hkang dat nngai: kaning rai nme law, shi gaw ahkrung nga ai Karai Kasang rai nga nna, htani htana prat dingsa agrin nga ai: shi a mungdan gaw hten byak mat lu ai n rai; shi a ahkang aya gaw, lamu ga htum hkra rai na ra ai:

MAHTE 1:16

Yaku gaw Mari a madu wa Yawsep hpe shaprat wu ai; Mari mahtang gaw, Hkristu ngu ai Yesu hpe shangai wu ai;

MAHTE 14:33

dai li kata e nga ai ni mahtang shi hpe nawku nna, “Nang gaw Karai Kasang a Kasha gaja wa teng teng rai nga ndai,” ngu mu ai.

MAHTE 16:15

Bai shi gaw, “Nanhte mahtang ngai hpe kadai wa rai nga ai, nga nga myit ta?” ngu wu ai.

MAHTE 26:63

Yesu mahtang atsin sha nga nga ai. Bai, hkinjawng agyi wa gaw, “Karai Kasang a Kasha, ngu ai Hkristu gaw, nang rai nga ndai kun, anhte hpe tsun dan n ga, ngu nna ahkrung nga ai Karai Kasang hta ngai nang hpe dagam da de ai,” ngu nna shi hpe tsun wu ai.

MAHTE 27:54

Ya hpyen latsa up ai bu hte shi hte rau Yesu hpe sin nga ai ni, dai nnang nawn hte byin mabyin ni hpe mu mu yang shanhte hkrit kahpra nna, Gaja wa, ndai wa gaw Karai Kasang a Kasha nan rai nga ai, nga ma ai.

MAHTE 4:3

Shaloi, dai gunglau ai wa shi kaw du nna, “Nang Karai Kasang a Kasha rai n yang gaw, ndai nlung ni hpe muk tai mu ga, tsun u!” ngu wu ai.

MARKU 14:61

Shi mahtang atsin sha nga nna, hkaw mi muk n htan wu ai. Bai, hkinjawng agyi wa gaw, “A lu ai Wa a Kasha, ngu ai Hkristu gaw, nang rai nga nni?” ngu nna shi hpe san wu ai.

LUKA 2:11

dai ni na nhtoi hta Hkye hkrang la ai wa Hkristu ngu ai Madu gaw, Dawi a mare e nanhte a matu shangai wa sai:

YAWHAN 1:49

Nahtanela gaw, “Rabai e, nang gaw Karai Kasang a Kasha rai nga ndai; Israela masha ni a hkawhkam nang rai nga ndai,” ngu nna shi hpe htan wu ai.

YAWHAN 11:27

Shaloi Marhta gaw, “Rai sa, Madu e, nang gaw ndai mungkan ga de du sa sai, Hkristu ngu ai Karai Kasang a Kasha rai nga ndai hpe, ngai kam nga nngai,” ngu nna shi hpe htan wu ai.

YAWHAN 20:31

rai timung, Yesu gaw, Karai Kasang a Kasha ngu ai, Hkristu rai nga ai hpe, nanhte kamsham lu nna, shi mying ningsang a marang e asak hkrung ai lu la myit ga, nga nna ndai hte wa ka tawn nga ai.

YAWHAN 6:57

A hkrung nga ai nye Wa gaw, ngai hpe shangun dat ai rai nna, ngai gaw Wa a majaw hkrung nga nngai hte maren, ngai hpe sha ai wa mung, nye a majaw hkrung nga na ra ai.

YAWHAN 6:68

Shaloi Simun Petru gaw, “Anhte kadai hpang de wa na rai nga a ta? nang gaw htani htana asak hte seng ai mungga lu ndai:

YAWHAN 6:69

nang gaw Karai Kasang a Chyoi pra ai wa rai nga ndai hpe, anhte kamsham saga ai rai nna, chye nga ga ai,” ngu nna shi hpe htan wu ai.

KASA 14:15

“Hkau hte e, hpa rai dai galaw wa myit ta? An mung nanhte hte maren shinggyim masha yan sha rai ga ai; ndai kaman lila amu kau da nna, sumsing lamu hte ginding aga, nammukdara hte dai hta rawng ai nga manga hpe hpan tawn da ai, ahkrung nga ai Karai Kasang hpang de kayin wa myit ga, ngu nna she nanhte hpe kabu gara shiga hkaw dan ai rai nga ai.

KASA 8:36

Shing rai sa wa ma yang, hka nga ai kaw du jang, dai Unuk wa gaw, “Yu u, nang e hka nga nga ai; ngai baptisma hkam na, hpa hkum shara nga a ta?” ngu wu ai.

KASA 8:37

(Hpilip gaw, “Na a myit mahkra hte nang kamsham nit yang gaw hkam la mai ai,” ngu wu ai. Shi mung, “Yesu Hkristu Karai Kasang a kasha rai nga ai gaw, ngai kamsham ni ai,” ngu nna htan wu ai)

KASA 9:20

Yesu gaw Karai Kasang a kasha rai nga ai, nga nna shaloi jang tara jawng ni hta hkaw dan nga ai.

ROMA 1:4

Dai kasha gaw masha labau hku gawn yang, Dawi a aru arat rai nga ai; si mat ai ni kaw na bai hkrung rawt wa ai a majaw, Karai Kasang a Kasha nan shi rai nga ai gaw, chyoi pra rawng ai Wenyi hte aja awa shadan dan nga ai; anhte a Madu Yesu Hkristu nan shi rai nga ai rai nna,

2 KORINHTU 1:19

Kaning rai nme law, ngai hte Silwanu yan Timohti gaw, nanhte hpe hkaw dan yu sai Karai Kasang a Kasha Hkristu Yesu gaw, Rai sa, n rai sa, ngu ai mi n nga ai sha, shi hta e, Rai sa, ngu ai sha tai wa ai.

2 KORINHTU 3:3

tsi hte n re ai sha, hkrung nga ai Karai Kasang a Wenyi hte, bai, lungpa hta mung n re ai sha, hkum shan a kraw lawang e ka da nga ai, anhte a lata hte lajang da ai Hkristu a laika nan nanhte rai nga myit dai gaw, dan dan leng leng rai nga ai.

2 KORINHTU 6:16

Karai Kasang a nawku ai htingnu gaw, gawngngu sumla ni hte rau kaning rai kahtep lu na a ta? Kaning rai nme law, Ngai shanhte a kata de shanu nga nna ginrun nga na hte, Shanhte a Karai Kasang ngai tai na nngai rai nna, Shanhte gaw nye a amyu tai na mara ai, nga nna Karai Kasang tsun dan nga ai hte maren, ahkrung nga ai Karai Kasang a nawku ai htingnu gaw, anhte rai nga ga ai.

TARA JAHPRANG 5:26

Kaning rai nme law, ahkrung nga ai Karai Wa shi nan wan hta nna shaga ai nsen hpe anhte na lu ai zawn, shinggyim masha hta kadai wa na ninglen hkrung lu a ta?

1 HTESALONI 1:9

Kaning rai nme law, nanhte hpang de anhte a shang wa ai lam kaning rai rai nga ai gaw, shanhte nan anhte a lam tsun kajai ma ai rai nna, nanhte gaw ahkrung nga nna tengman ai Karai Kasang hpe daw jau nga myit ga, gawngngu sumla ni hpe shinggan kau nhtawm, Karai Kasang hpang de kaning rai kayin wa myit dai hte,

1 TIMOHTI 3:15

Karai Kasang a nta e kaning rai arawn alai hkan mai na nang chye lu n ga, ndai lam ngai nang hpe ka dat nngai; dai nta chyawm gaw, hkrung nga ai Karai Kasang a Hpung rai nga nna, tengman ai a sumsai dawnu hte npawt hkridun mung rai nga ai.

1 TIMOHTI 4:10

dai rai nna, shinggyim masha mahkra hte kamsham ai ni hpe grau nna hkye hkrang la ai Madu rai nga ai, ahkrung nga ai Karai Kasang gaw anhte a myit mada shara rai nga ai majaw, anhte amu bungli galaw nna a shaja nga ga ai.

HEBRE 10:31

Hkrung nga ai Karai Kasang a lata de hkrat wa ai lam gaw, nachying hkrithpa lam rai nga ai.

HEBRE 12:22

Nanhte chyawm gaw, Ziun bum hte hkrung nga ai Karai Kasang a mare ngu ai sumsing lamu na Yerusalem mare de mung, hti n dang lu ai lamu kasa wunawng wuwa ni hpang de mung,

HEBRE 3:12

Hpunau ni e, ahkrung nga ai Karai Kasang kaw na htak mat wa hkra, n hkru n shawp ai kam shut ai myit gaw, nanhte hta na langai mi hta muk n rawng malit ga, sadi nga mu;

HEBRE 9:14

htani htana Wenyi hte Karai Kasang kaw, shi hkum dai hpe ra n rawng ai sha nawng ya ai Hkristu a asai gaw, ahkrung nga ai Karai Kasang hpe daw jau lu hkra, nanhte a myit masin hpe si ging ai arawn alai hta na, grau nna shachyoi shapra ya lu ai, n rai ni?

1 YAWHAN 4:15

Yesu Hkristu gaw Karai Kasang a Kasha rai nga ai, nga nna yin la ai wa kadai hta e rai timung, Karai Kasang anga nga ai rai nna, shi mung Karai Kasang hta e anga nga ai.

1 YAWHAN 5:20

Dai hta kaga, Karai Kasang a Kasha du wa sai rai nna, dai tengman ai wa hpe chye chyang lu na myit, shi anhte hpe jaw da mi ai gaw, anhte chye nga ga ai: dai tengman ai wa hta e, ngu ai, shi a Kasha Yesu Hkristu hta e, anhte anga nga ga ai. Dai wa gaw, tengman ai Karai Kasang hte, n htum n wai asak mung, rai nga ai.

1 YAWHAN 5:5

Yesu gaw Karai Kasang a Kasha rai nga ai, nga nna kamsham ai wa sha n rai yang gaw, mungkan ga hpe dang kau ai wa, kadai rai nga a ta?

SHINGRAN 7:2

Bai, jan pru maga de na pru lung wa nna, ahkrung nga ai Karai Kasang a dazik lang ai lamu kasa kaga hpe, ngai mu nngai. Shi gaw, Anhte a Karai Kasang a shangun ma ni hpe lahtan e dazik garai n shakap kap gaw, aga hpe mung, nammukdara hpe mung, hpun ni hpe mung hkum zingri myit,