MAHTE 15:31 - Jinghpaw Hanson Version Bible

³¹ Dai rai nna, n chye shaga ai ni shaga lu ma ai, lagaw hten ai ni hkawm sa lu ma ai hte, myi kyaw ai ni myi mu lu ma ai hpe, shawa masha ni mu mu yang, shanhte mau mahka nga ma ai rai nna, Israela Karai Kasang hpe shakawn kungdawn mu ai.

Jinghpaw Common Language Bible 2009

³¹ Dai rai nna, n chye shaga ai ni shaga lu ma ai, hkum hkrang hten ai ni mai tsai wa lu ma ai, lagaw hten ai ni hkawm sa lu ma ai hte, myi kyaw ai ni myi mu lu ma ai hpe, shawa masha ni mu ma yang shanhte mau mahka nga ma ai rai nna, Israela Karai Kasang hpe shakawn kungdawn shajang ma ai.

MAHTE 15:31 ပူးပေါင်းရင်းမြစ်များ

NINGPAWT NINGHPANG 32:28

Bai dai wa gaw, Na a amying hpa rai lit ta? ngu nna san wu yang, Yaku ngu ai rai li ai, ngu nna tsun dan wu ai.

NINGPAWT NINGHPANG 33:20

Dai yang e mung shi tawn hkungri langai mi tawn da nhtawm, dai hpe El-Eluhe-Israela ngu nna shamying wu ai.

SHAKAWN KUNGDAWN 50:15

Ru tsang ai nhtoi hta e ngai hpe shaga e; Ngai nang hpe hkye hkrang la nna, Nang ngai hpe shagrau sha-a na rin dai,” nga ai.

SHAKAWN KUNGDAWN 50:23

Shakawn kungdawn hkungga jaw ai wa gaw, Nye a arawng shapraw ai wa rai nga ai: Shi hkan sa ai lam yaw yu ai wa hpe, Karai Kasang a hkye hkrang la ai lam ngai madun na we ai.

PRU MAT 24:10

shanhte gaw Israela a Karai Kasang hpe mu ma ai; shi a lagaw npu e, sahpira lungseng zawn htoi ala ai hte lamu san kabrim ai zawn re ai nep nga ai.

MAHTE 15:30

Shaloi masha wunawng wuwa kaba shi kaw sa du ma ai hte, lagaw hten ai, lata hten ai, myi kyaw ai, n chye shaga ai hte ana amyu myu kap ai masha law law wa hpe, shanhte lahku sa ma ai rai nna, shi a lagaw nhpang e shayu tawn da mu ai: shi shanhte hpe shamai shatsai di mu ai.

MAHTE 18:8

Na a lata, shing n rai, na a lagaw nang hpe myit kataw shangun n yang gaw, dai hpe kahtam dut kabai kau u: lagaw lata hkum hkum re ai hte, htani htana wan hta jahkrat kau ai hkrum na hta, hkum daw hten ai hte asak hkrung ai de shang na gaw, grau mai nga ai.

MAHTE 21:14

Myi kyaw ai ni hte lagaw hten ai ni gaw, dai Htingnu kata de shi kaw du ma ai rai nna, shi shanhte hpe shamai shatsai wu ai.

MAHTE 8:10

Dai ga Yesu na yang shi mau nna shi kaw hkan nang ai ni hpe tsun mu ai gaw, “Nanhte hpe ngai teng teng tsun made ga, Israela amyu hta pyi, dai hte wa kamsham ai gaw ngai n mu hkrup nngai;

MAHTE 9:32

Dai yan pru mat wa jang, yu mu, n chye shaga ai nat kap ai masha hpe shi kaw woi jashawn mu ai.

MAHTE 9:33

Dai nat hpe shaden kau ai hpang, n chye shaga ai wa gaw shaga lu ai. Dai rai nna, shawa masha ni amau nga nna, “Israela amyu hta ndai zawn re ai, galoi mung n mu yu ga ga ai,” nga ma ai.

MAHTE 9:8

Dai hpe mu ai shawa masha ni, hkrit kamyin nga ma ai rai nna, shinggyim masha ni hpe ning re ai ahkang jaw ai Karai Kasang hpe sharawng awng nga ma ai.

MARKU 2:12

Shaloi jang shi rawt nna, shi a yup rai hpe lang let, mahkra a man e pru wa ai; dai majaw nlang hte gaw mau mahka nga ma ai rai nna, Karai Kasang hpe shakawn kungkawn let, “Anhte galoi mung, dai zawn re ai n mu yu ga ai,” nga ma ai.

MARKU 7:37

Shanhte mung nachying wa mau mahka mat ma ai rai nna, “Shi yawng mayawng hte hpe mai kaja ai hku galaw lu ai: na lahpang ai ni hpe na lu shangun nna, n chye shaga ai ni hpe ga tsun shangun lu ai,” nga ma ai.

MARKU 9:43

Na a lata nang hpe myit kataw shagun a yang gaw, dai hpe kahtam dut kau u: lata lahkawng hkum nga ai hte ngarai mung na n si n krip ai wan hta shang na hta, lata hten ai hte asak hkrung ai de shang na gaw, grau mai nga ai.

LUKA 14:13

Nang poi galaw daw n-yang gaw, matsan mayan ni, jahten labye ni, lagaw hten ai ni hte myi kyaw ai ni hpe shaga la u:

LUKA 14:21

Shaloi dai mayam bai wa nna shi a Madu hpe dai lam mahkra tsun dan wu ai. Dai ga na jang nta madu wa gaw masin pawt la ai hte shi a mayam hpe, ‘Mare na nmaw lam ni hte htingwan lam ni de alawan sa nna, matsan mayan ni, jahten labye ni, myi kyaw ai ni hte lagaw hten ai ni hpe shaga woi wa rit,’ ngu nna shangun dat wu ai.

LUKA 18:43

Dai wa gaw shaloi jang myi mu lu nna, Karai Kasang hpe shagrau sha-a let shi kaw hkan nang wu ai: hkan nang ai ni nlang hte gaw dai lam hpe mu jang, Karai Kasang hpe shakawn kungdawn nga ma ai.

LUKA 7:16

Masha nlang hte mung hkrit mau mat shajang ma ai rai nna, Karai Kasang hpe shagrau sha-a let, Myihtoi kaba anhte kaw paw pru ra ai, nga nna mung, Karai Kasang gaw shi a amyu hpe kawan katsan yu nga ai, nga nna mung, tsun gara wa ma ai.

YAWHAN 9:24

Dai re ai majaw shanhte gaw dai myi n mu ai wa hpe lang mi bai shaga nna, “Karai Kasang hpe shagrau u; dai wa gaw yubak kap ai wa rai nga ai anhte chye ga ai,” ngu nna shi hpe tsun mu ai.