MAHTE 15:30 - Jinghpaw Hanson Version Bible

³⁰ Shaloi masha wunawng wuwa kaba shi kaw sa du ma ai hte, lagaw hten ai, lata hten ai, myi kyaw ai, n chye shaga ai hte ana amyu myu kap ai masha law law wa hpe, shanhte lahku sa ma ai rai nna, shi a lagaw nhpang e shayu tawn da mu ai: shi shanhte hpe shamai shatsai di mu ai.

Jinghpaw Common Language Bible 2009

³⁰ Shaloi masha wunawng wuwa kaba shi kaw du sa ma ai hte, lagaw hten ai, myi kyaw ai, hkum hkrang hten ai ni, n chye shaga ai hte ana amyu myu kap ai machyi masha kaga law law hpe shanhte lahku sa ma ai rai nna Yesu a lagaw nhpang e shayu tawn da ma ai. Yesu mung shanhte hpe shamai shatsai ya mu ai.

MAHTE 15:30 ပူးပေါင်းရင်းမြစ်များ

SHAKAWN KUNGDAWN 103:3

Na a yubak yawng mayawng, shi raw kau ya ai, Na a ana ahkya mahkra hpe shamai ya nga ai.

MARKU 9:43

Na a lata nang hpe myit kataw shagun a yang gaw, dai hpe kahtam dut kau u: lata lahkawng hkum nga ai hte ngarai mung na n si n krip ai wan hta shang na hta, lata hten ai hte asak hkrung ai de shang na gaw, grau mai nga ai.

LUKA 14:13

Nang poi galaw daw n-yang gaw, matsan mayan ni, jahten labye ni, lagaw hten ai ni hte myi kyaw ai ni hpe shaga la u:

KASA 2:22

Israela masha ni e, ga ndai madat la mu: Nanhte chye nga myit dai hte maren, Karai Kasang gaw Nazaret wa ngu ai Yesu a lata hte magam ningsam, mauhpa amu, lamik kumla re ai ni nanhte a man e madun dan let, Karai Kasang e nanhte kaw awlaw shadan ya ai hkrum wu ai: