MAHTE 15:29 - Jinghpaw Hanson Version Bible

²⁹ Bai Yesu gaw dai shara kaw na sat sa wa nna, Galile nawng makau de sa du ai: dai bum ntsa de shi lung wa nna, dai yang e dung nga ai.

Jinghpaw Common Language Bible 2009

²⁹ Bai, Yesu gaw dai shara kaw na pru mat wa nna Galile nawng makau hku hkawm sa wa ai. Dai hpang kawng langai mi a ntsa de lung wa nna dai yang e dung nga ai.

MAHTE 15:29 ပူးပေါင်းရင်းမြစ်များ

ESAIA 9:1

Nsin hta hkawm nga ai amyu gaw, nhtoi kaba mu lu ma ai; si hkrung si htan mung na shingnip kata e shanu nga ai ni a ntsa e, nhtoi dawng pru wa sai.

MAHTE 13:2

Masha wunawng wuwa shi hpang de zuphpawng sa wa ma ai majaw, li langai mi hta shi shang dung nga ai rai nna, shawa masha ni mahkra gaw hkin-gau hta e tsap nga ma ai.

MAHTE 4:18

Ya, Galile nawng makau e garet hkawm wa yang, shan nau rai nga ai Petru ngu ai Simun hte, shi a kanau Andre yan gaw, shan a sumgawn nawng hta e kabai bang nga ai hpe, shi mu hkrup mu ai: kaning rai nme law, shan lahkawng nga hkan ai masha rai nga ma ai:

MAHTE 5:1

Ya, dai wunawng wuwa ni hpe mu hkrup jang, dai bum de shi lung wa sai: shi dung nga yang, shi a sape ni shi kaw du ma ai rai nna,

MARKU 1:16

Galile nawng makau e garet hkawm nga yang, Simun hte Andre yan nau gaw nawng hta e sumgawn kabai bang nga ai hpe, shi mu hkrup wu ai: kaning rai nme law, shan gaw nga hkan ai masha rai nga ma ai.

LUKA 5:1

Kalang mi na, shawa masha ni gaw Karai Kasang a mungga madat na nga, shi kaw katut bang wa ma yang, Genesaret nawng makau e shi tsap nga ai rai nna,

YAWHAN 21:1

Dai hpang Yesu gaw Tiberi nawng makau e, sape ni hpe shi hkum bai madun dan mu ai; dai shaloi na madun dan ai lam gaw, ning rai nga ai:

YAWHAN 6:1

Dai hpang Yesu gaw, Tiberi ngu ai Galile nawng wora hkran de rap sa wa ai.

YAWHAN 6:23

(rai timung, dai Madu shakawn ai hpang, shanhte muk sha ai shara a makau de, Tiberi mare na li ni du ma ai):

YAWSHU 12:3

bai, sinpraw hkran Genesaret nawng kaw nna, Bet-yeshimot hprang ai lam pa ga na Jum Nawng du hkra pa ga nlang hte hte, Pisga bum lagaw garet ai dingda lamu ga jarit du hkra, rai nga ai: