MAHTE 15:27 - Jinghpaw Hanson Version Bible

²⁷ Dai numsha mahtang, “Rai nga ai, Madu e; gwi ni gaw tinang a madu a sha ku hta na hkrat ai ayun ayaw hpe sha mai nga ai,” nga ai.

Jinghpaw Common Language Bible 2009

²⁷ Dai num sha mahtang, “Rai nga ai Madu e, gwi ni gaw tinang a Madu a sha ku hta na hkrat ai ayun ayaw ngam ni hpe sha mai nga ai,” nga ai.

MAHTE 15:27 ပူးပေါင်းရင်းမြစ်များ

NINGPAWT NINGHPANG 32:10

Bai Yaku gaw, Ngai ji Abraham a Karai Kasang, ngai wa Isak a Karai Kasang, ngai hpe, Na a buga, na a baw sang ni hpang de bai wa nu, ngai nang hpe ngamu ngamai shangun na de ai, nga nna tsun ai Yehowa e:

EZEKELA 16:63

nang galaw yu ai yubak mahkra hpe, ngai raw dat kau yang, nang myit dum nna, kaya ai hte mak mat ai majaw, htawm hpang de n-gup n hpaw ai nga nga na ndai,’ nga nna Madu Yehowa tsun ai,” nga ai.

Daniela 9:18

Nye a Karai Kasang e, na a na kayin nna, madat mara ya e; na a myi hpaw nna, anhte katsi katsang rai nga ai hpe mung, na a mying gang ai mare hpe mung, mada yu u; anhte gaw tinang dinghpring ai hpe hpa nna tawngban ga ai, n rai; na a chyeju myit kaba hpa nna she, tawngban nga ga ai.

MAHTE 15:26

Shi gaw, “kasha ni a shahpa hpe la nhtawm, gwi ni hpe jaw kau na gaw, n sut nga ai,” ngu nna htan wu ai;

MAHTE 15:28

Dai rai nna Yesu gaw, “Numsha e; na a kamsham ai gaw kaba nga lit dai; nang tsaw nga ai hku byin wa lit ga,” ngu nna, shi hpe htan wu ai. Dai ahkying kaw nna, shi a shayi sha mai mat lu ai.

MAHTE 5:45

shing rai yang gaw, sumsing lamu hta nga ai nanhte a Kawa a kashu kasha ni gaw, nanhte tai na marin dai; kaning rai nme law, n kaja ai ni hte kaja ai ni a ntsa e, shi a jan hpe shi pru shangun nga ai rai nna, dinghpring ai ni hte n ding n hpring ai ni a ntsa e, marang jahtu ya mu ai.

MAHTE 8:8

Shaloi dai hpyen du wa gaw, “Madu e, nye a nta magaw npu e nang sa shang na gaw, ngai n ging n dan nngai: na ga hkaw mi sha tsun dat rit, shaloi nye ma mai na ra ai.

MARKU 7:28

Dai numsha mahtang, “Rai sa, Madu e, sha ku npu na gwi ni mung, ma ni a shat ahkyep ahkap hpe sha ga ma ai,” ngu nna shi hpe htan wu ai.

LUKA 16:21

dai sahti wa sha ku hta na hkrat ai adaw ahkyep hta sha mayu nna, shi a chyinghka makau e sa tawn da mu ai: gwi ni mung shi a nma sa mata ya ma ai.

LUKA 18:13

Kang hta ai wa chyawm gaw, tsawmra naw tsan kaw tsap nna, lamu de pyi n wam mada ai; shi a sinda adup let, ‘Karai Kasang e, ndai yubak kap ai wa ngai hpe matsan dum la e law,’ ngu nna hpyi wu ai.

ROMA 10:12

Kaning rai nme law, Yuda ni hte Heleni masha ni hpe lachyen lahka n nga ai sha, dai Madu gaw yawng mayawng a ntsa na Madu langai sha rai nga ai rai nna, shi hpe shaga ai ni yawng mayawng hte hta chyeju hpring nga ai.

ROMA 3:19

N-gup yawng mayawng hpe sha-ip kau lu nna, mungkan ting hte gaw Karai Kasang a man e mara rawng ai tai nga mu ga, jep ai tara hta tsun matsun hte, jep ai tara npu e nga ai ni hpe a tsun nga ai gaw, anhte chye nga ga ai:

ROMA 3:29

Dai n rai yang gaw, Karai Kasang gaw Yuda ni a Karai Kasang sha rai nga a ni? maigan ni a Karai Kasang mung shi rai nga ai, n rai ni?

ROMA 3:4

Shing n rai law: “Na a ga hta nang dinghpring nga n ga hte, Tara dara na du yang, nang awng wa n ga,” nga nna laika hta rawng nga ai hte maren, masha yawng masu matsa ai ni tai wa timung, Karai Kasang gaw tengman nga u ga.

EHPESU 3:19

Karai Kasang a hkum tsup ai lam ting hte hkum tsup lu myit ga, chye chyang ai myit hte n dang chye ai Hkristu a tsawra ai lam hpe, nanhte chye na lu na, ngai hpyi nga nngai.

EHPESU 3:8

Rai sa, anhte a Madu Hkristu Yesu hta e shatawng da ai prat dingsa na bawng hkut ai hku hte maren, lamu lahta tang e nga ai du magam ni hte ahkang aya lu ai ni kaw, Karai Kasang a chyahtum chyalai re ai hpaji byeng-ya hpe, dai Hpung a lata hte, ya e shana dan u ga,