MAHTE 14:13 - Jinghpaw Hanson Version Bible

¹³ Yesu gaw, dai ga na jang, li jawn let dai yang kaw nna pru mat wa nhtawm, shingran katsi ai shara de lagyim sa mat wa ai: shawa masha ni dai na mu yang, shanhte gaw mare shagu hkan na shi hpang de hkarang hku e hkan nang ma ai.

Jinghpaw Common Language Bible 2009

¹³ Yesu gaw Yawhan a lam shiga na jang, li jawn let dai yang kaw na pru mat wa nhtawm, shingran katsi ai shara de lagyim sa mat wa ai. Shawa masha ni dai na mu yang, shanhte gaw tinang a mare ni kaw na pru nna shi a hpang de hkarang hku hkan nang ma ai.

MAHTE 14:13 ပူးပေါင်းရင်းမြစ်များ

MAHTE 10:23

Mare langai mi hta nanhte hpe zingri zingrat myit yang gaw, kaga de hprawng sa mu: nanhte hpe ngai teng teng tsun made ai gaw, Israela a mare ni hpe garai n htum lu yang, dai Masha Kasha gaw du na ra ai.

MAHTE 12:15

Yesu dai hpe chye jang, kaga de htawt mat wa ai. Masha law law mung, shi kaw hkan nang ma ai rai nna, shanhte nlang hte hpe shamai shatsai di nhtawm,

MAHTE 14:12

Shi a sape ni mahtang dai moi mang hpe sa hta nna, lup kau nhtawm, Yesu hpe sa tsun dan mu ai.

MARKU 1:35

Jahpawt manap jau jau e, nhtoi garai n htoi yang, shi rawt pru nna, nam na machyi shim ai shara de sa wa nhtawm, dai yang e akyu hpyi nga ai.

LUKA 4:42

Nhtoi htoi jang shi pru wa nna, nam na machyi shim ai shara de sa du ai. Shawa masha ni chyawm gaw shi hpe hkan tam nna, shi kaw du jang, shanhte kaw na n wa mat u ga, nga nna hkan hkum mayu ma ai.