MAHTE 13:41 - Jinghpaw Hanson Version Bible

⁴¹ Dai masha kasha gaw shi a lamu kasa ni hpe shangun dat na rai nna, shanhte gaw shi a mungdan hta na, myit kataw shangun ai baw hte tara hte n bung ai amu galaw ai ni nlang hte hpe, lata shaw la nhtawm, wan htung hta kabai bang da na maru ai:

Jinghpaw Common Language Bible 2009

⁴¹ Dai Masha Kasha gaw, shi a lamu kasa ni hpe shangun dat na rai nna shanhte gaw shi a mungdan kata na, masha ni hpe myit kataw shangun ai ni yawng hte, n hkru n shawp ai amu galaw ai ni yawng hte hpe lata shaw la nhtawm,

MAHTE 13:41 ပူးပေါင်းရင်းမြစ်များ

2 SAMUELA 23:6

N shawp ai nlang hte chyawm gaw, Lata hte n hkra mai ai, yeng seng kau ai ju hpun zawn tai na mara ai:

ZEHPANI 1:3

“Shinggyim masha hte yamnga hpe ngai shamyit kau na n ngai; ntsa malen u ni, nammukdara nga ni hte, tara n lang ai ni hpawn, ahtu kataw shara ni hpe, shamyit kau na nngai; ga ntsa de na, shinggyim masha hpe, ngai jahtum kau na nngai,” nga nna Yehowa tsun ai.

MAHTE 13:49

Dai hte maren lamu ga htum na aten hta e byin na ra ai: Lamu kasa ni pru sa nna, dinghpring ai ni a kata na, n hkru ai ni hpe lata karan da na mu ai rai nna,

MAHTE 18:7

Myit kataw shara nga nga ai majaw, mungkan ga na ni dingnye lu ma ai: myit kataw shara n nga hkra gaw, n rai lu ai; rai timung, myit kataw shara shabyin dat ai wa gaw, dingnye lu ai.

MAHTE 24:31

Shi a lamu kasa ni hpe, pahtau kaba hte shi shangun dat nna, shanhte gaw nbung mali maga na, lamu htum ai de nna lamu htum ai du hkra, shi a lata la sai ni hpe jahpawng la na maru ai.

MAHTE 3:12

shi a lata hta dai hkuwawn shi lang nga ai rai nna, shi a mam chyarang hpe shi yit jasan nhtawm, shi a mam hpe gaw dum hta shinggyin bang da nna, mam nsan hpe gaw, n sat lu ai wan hte nat kau na ru ai,” ngu mu ai.

MAHTE 8:20

Yesu gaw, “Chyahkyawn ni nhkun lu ma ai, ntsa malen pyen ai u ni mung u yup lu ma ai; dai Masha Kasha chyawm gaw baw tawn na shara pyi n lu nga ai,” shi hpe ngu wu ai.

MARKU 13:27

Dai shaloi e, lamu kasa ni hpe shi shangun dat nna, nbung mali maga na, aga htum ai de nna lamu htum ai kaw du hkra, shi a lata la ai ni hpe jahpawng la na maru ai.

ROMA 2:16

shing rai, nye a kabu gara shiga hte maren, Karai Kasang gaw Yesu Hkristu a lata hte, masha ni a n dan n leng ai lam hte hpe tara dara na nhtoi hta e rai na ra ai.

HEBRE 1:14

Shanhte yawng mayawng gaw, hkye hkrang la ai Sali wunli hkam la na ni a matu mara, amu gun hpai shangun ai wenyi ni rai nga ma ai, n rai ni?

SHINGRAN 21:27

Awu asin re ai hpa mung, matsat shabat hte masu magaw lam hkan ai wa gaw, dai mare de galoi mung shang lu na n rai: Sagu Kasha a asak laika hta amying lawm ai ni chyu sha shang lu na ma ai.