Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




MAHTE 13:39 - Jinghpaw Hanson Version Bible

39 dai hpe gat ai gumlau wa gaw, Nat rai nga ai; nmut ta gaw, lamu ga htum na aten rai nga ai; mam dan ai ni gaw, lamu kasa ni rai nga ma ai.

အခန်းကိုကြည့်ပါ။ ကော်ပီ

Jinghpaw Common Language Bible 2009

39 Dai hpe gat ai gumlau wa gaw, nat rai nga ai; nmut ta gaw lamu ga htum na aten rai nga ai, mam dan ai ni gaw, lamu kasa ni rai nga ma ai.

အခန်းကိုကြည့်ပါ။ ကော်ပီ




MAHTE 13:39
29 ပူးပေါင်းရင်းမြစ်များ  

Shi a man e wan grung ai hka hpaw lwi nga ai; marai hkying mi lang hkying mi shi hpe daw jau nna, mun mi lang mun mi, shi a man e tsap nga ma ai: tara dara na matu hkyen nga nna, laika ni hpe hpaw tawn nga ai.


Nmut ta du sai majaw, nhkyau hpe dat dat mu; tsabyi htumbyen hpring nna, yam ni kabrat nga ai majaw, sa marit, tsabyi si hpe kabye mu: kaning rai nme law, shanhte a n hkru n hkra ai lam law la nga ai.


Dai Masha Kasha hpe ga hte shut hpyit ai wa kadai hpe mung, mara raw dat kau ya na lam hku nga ai; Chyoi pra ai Wenyi hpe ga hte shut hpyit ai wa chyawm gaw, ndai aprat hta rai timung, hpang na aprat hta rai timung, raw dat kau ya ai hkrum lu na n rai.


Ju hpun hta gat ai nli a lam gaw, dai ga hpe na la timung, ndai prat na myit tsang ai hte hkalem kau ai sutgan gaw, dai mungga hpe lim kau nna, asi n si lu ai wa hpe rai nga ai.


Masha ni yup pyaw nga yang, gumlau ai wa gaw sa nna, dai mam hta e tsing tum gat bang, nhtawm pru mat wa ai.


Shi gaw, ‘Gumlau wa dai hpe galaw nu ai,’ ngu nna shanhte hpe tsun mu ai. Dai rai nna shanhte gaw, ‘Anhte dai hpe magang kau na, nang hkraw nga n ni?’ shi hpe ngu mu ai.


Dai tsing hpe gumdin la nna wan nat kau ai zawn, lamu ga htum na aten hta e mung, byin na ra ai.


Dai hte maren lamu ga htum na aten hta e byin na ra ai: Lamu kasa ni pru sa nna, dinghpring ai ni a kata na, n hkru ai ni hpe lata karan da na mu ai rai nna,


Shaloi, Tsanlun bum ntsa e dung nga yang, shi a sape ni hkrai shi kaw sit sa nna, “Dai hte gaw galoi e me byin wa na ra ta? nang bai du na hte mungkan ga a htum wa na kumla gaw, hpa kumla rai na ra ta? anhte hpe tsun dan mi,” ngu mu ai.


Dai Masha Kasha gaw shi a hpung shingkang dan hkung let, lamu kasa ni nlang hte rau sa du ai shaloi, shi a hpung shingkang a tingnyang ntsa e shi dung nna,


ngai nanhte hpe hkang da mada yawng hte hpe hkan shadik lu mu ga, shanhte hpe sharin shaga ya mu: dai hta kaga, yu mu, lamu ga aprat htum hkra, ngai nanhte hte rau dinggrin anga nga na nngai law, ngu nna shanhte hpe matsun dat mu ai.


Dai lam hte gaw shari tai u ga, shanhte hta shabyin nga ai rai nna, hpang jahtum ai aprat dep lu ai ni anhte hpe shadum jahprang na matu, ka da nga ai.


Rai timung, lapu gaw shi a hkalem ai hte Ewa hpe lau kau wu ai zawn, Hkristu a san seng ai hte chyoi pra ai lam hpe kau da hkra, nanhte a myit mang hten na hpe, ngai tsang nga nngai.


Ndai bungli shachyen na kadai wa ging ram nga a ta? Kaning rai nme law, Karai Kasang a mungga hpe pau chye ai masha law law ni zawn anhte n rai nga ai sha, san seng ai myit hte mung, Karai Kasang kaw nna mung, Karai Kasang a man e anhte Hkristu hta tsun nga ga ai.


ndai mungkan a n-gawn shawa hte, nbung hta hkang ai du wa ngu ai, n madat mara ai kasha ni hta, ya e shachyen nga ai wenyi a lam hte maren, nanhte shawng e hkawm nga manit dai.


ndai nhtoi ladaw na hpang jahtum ai hta, Kasha a n-gup hte anhte hpe ga matsun jaw da mani ai; dai Kasha hpe yawng mayawng a sali wunli hkam la ai wa tai na shi san da nu ai rai nna, shi hte mung nga yawng nga pra galaw da nu ai;


shing rai nawng ya ai rai yang gaw, ginding aga lat kaw nna law law lang si hkam hkam rai na nu ai; ya chyawm gaw, shi hkum dai nawng ya kau ai a marang e, yubak hpe yeng seng kau na matu, ndai prat a jahtum e, shi lang mi sha dan pru wu ai.


Nanhte htauli htaula rai nga mu; a maja nga mu; nanhte a gumlau wa ngu ai, Nat gaw, kadai wa hpe mahtang mayu kau lu na, nga nna shabam ai hkanghkyi zawn, ningwan kahkrang hkawm nga ai.


Adam kaw na prat sanit hta du ai Enuk mung, shanhte hpe myihtoi ga tsun mu ai rai nna, Yu mu, yawng mayawng hte hpe tara dara na mara ai rai nna,


Shaloi, mungkan ga ting hpe hkalem kau ai, Nat hte Satan ngu ai, moi na lapu rai nga ai baren numraw kaba gaw, jahkrat kau ai hkrum wu ai: shi gaw, le ga de jahkrat kau hkrum ai rai nna, shi a ali ama ni mung shi hte rau jahkrat kau ai hkrum ma ai.


Shawng na matse labye a man e galaw lu ai lamik kumla ni hte ga ntsa de nga ai ni hpe shi hkalem kau wu ai rai nna, nhtu hkang nma hkrum timung, naw hkrung nga ai matse labye a hkrang sumla galaw na, ga ntsa nga ai ni hpe tsun dat wu ai.


Shaloi dai matse labye rim la ai hkrum wu ai; dai matse labye a masat dingsat hkam la nna, de a hkrang sumla nawku ai ni hpe hkalem kau na matu, matse labye a man e lamik kumla galaw dan ai masu ai myihtoi mung, shi hte rau rim la ai hkrum wu ai: shan lahkawng gaw, kan hte hkru nga ai wan nawng kata de, chyahkrung jahkrat bang kau ai hkrum ma ai:


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ