MAHTE 13:38 - Jinghpaw Hanson Version Bible

³⁸ Kaja ai nli gaw, dai mungdan a kashu kasha ni rai nga ma ai; tsing gaw, dai n hkru ai wa a kashu kasha ni rai nga ma ai;

Jinghpaw Common Language Bible 2009

³⁸ Hkauna gaw mungkan ga rai nga ai. Kaja ai nli gaw Karai Kasang a Mungdan a kashu kasha ni rai nga ma ai; Tsing gaw dai n hkru ai wa a kashu kasha ni rai nga ma ai.

MAHTE 13:38 ပူးပေါင်းရင်းမြစ်များ

NINGPAWT NINGHPANG 3:15

nang hte numsha hpe mung, na a amyu matu hte shi amyu matu hpe mung ngai majan shangun da na made ai: shi gaw na a baw abrep na ra ai, nang mung, shi a lahtin achye na ra ai, ngu wu ai.

SHAKAWN KUNGDAWN 22:30

Shanhte a kashu kasha ni shi hpe daw jau na mara ai: Htawm prat du hkra, dai Madu a lam shanhte shana ya na maru ai.

ESAIA 53:10

Yehowa chyawm gaw shi hpe ahpye a lam di na ra nna, machyi shangun wu ai; nang gaw, shi a myit masin hpe gawng malai hkungga shatai ngut jang she, shi gaw shi a aru arat hpe mu lu na ra ai; shi a nhtoi ni galu wa nna, Yehowa ra ai hku shi a lata hta awng wa na ra ai:

HOSEA 2:23

Dai aten e ngai madat na nngai: sumsing lamu a ga hpe ngai madat nna, dai hte gaw lamu ga hpe madat na mara ai;

MAHTE 13:19

Kadai mung, dai mungdan lam hpe na ninglen n chye la yang gaw, dai n hkru ai wa sa du nna, shi a myit hta gat ai nli hpe shaw la kau wu ai: dai gaw lam makau e gat ai nli hpe rai nga ai.

MAHTE 24:14

Dai mungdan a kabu gara shiga gaw, masha amyu baw shagu a matu mara sakse tai lu u ga, mungkan ting hta e hkaw dan lu na rai nga ai; dai hpang e dai jahtum ai gaw du na ra ai.

MAHTE 5:37

Na a ga gaw, Rai sa nga yang, rai u ga, N rai, nga yang, n rai u ga; dai hta lai ai ga nlang hte gaw n kaja ai wa hte seng nga ai.

MAHTE 8:12

Dai mungdan a kashu kasha ni chyawm gaw, shinggan de na nsin hta shaden bang kau ai hkrum na mara ai: dai yang e, hkrap ngu hkrap ngoi ai hte wa urin udik rai nga na mara ai,” ngu mu ai.

LUKA 24:47

Yerusalem mare kaw nna, masha amyu baw shagu hpe yubak raw dat kau ya lu ai myit malai lu na lam hpe, shi a amying nsang hte hkaw tsun lu na mung, ning nga nna ka da nga ai.

YAWHAN 12:24

Nanhte hpe ngai gaja wa teng teng tsun made ai gaw, Mam nhkyep gaw ga hta hkrat nna, n hten mat yang gaw, langai sha a rai nga ai: hten mat yang she, asi law law si wa ai.

YAWHAN 8:44

Nanhte gaw, nanhte a kawa ngu ai, gumlau Nat hta na prat wa ai ni rai nga myit dai rai nna, nanhte a kawa a kayut ai hku mung, hkan mayu myit dai: shi gaw shawng npawt kaw nna, masha sat ai wa rai nga ai rai nna, shi hta tengman ai lam n rawng lu ai majaw, tengman ai lam hta n nga lu ai: shi masu magaw ga tsun yang, shi a myit hta na hte maren tsun nga ai: shi gaw masu ai wa rai nga ai hte, masu magaw ai a kawa mung, rai nga ai.

KASA 13:10

“Myit magaw lam yawng hte gumle gumlau yawng hpring nga ai, nat a kasha, dingman ai lam shagu a hpyen wa e, Madu a dingman ai lam hpe hkap shadang na n sim nga n ni?

ROMA 10:18

Rai timung, ngai tsun nngai gaw, Shanhte n na yu ma hka kun? Gaja wa teng teng, “Mung shagu hkan e shanhte a nsen gaw, Mungkan ting hta shanhte a mungga pri rai wa sai,” nga ai.

ROMA 16:26

ya e shadan dat ai sung ai shingran ga hku hkan let, nye a kabu gara shiga hte, Yesu Hkristu a lam hkaw dan ai ga hte maren, nanhte hpe shadaw shangang ya lu ai,

ROMA 8:17

Kashu kasha rai nga ga yang gaw, sali wunli hkam la ai ni mung anhte rai nga ga ai; Hkristu hte rau hpung shingkang hkam la lu hkra, shi hte rau nni nkri hkrum nga ga yang gaw, Karai Kasang a sali wunli hkam la ai ni hte, Hkristu hte rum ai sali wunli hkam la ai ni, anhte rai nga ga ai.

KOLOSE 1:6

Dai kabu gara shiga gaw, mungkan ting chyam hkra du dep wa ai hte, nanhte na yu nna Karai Kasang a chyeju hpe teng teng chye chyang lu ai nhtoi kaw nna, nanhte hta asi si nna kaba wa lu ai hte maren, mungkan ting e mung, asi si nna kaba wa lu ai.

YAKU 1:18

Shi hpan tawn da ai amyu baw ni hta e, anhte alat amyu zawn tai wa u ga, shi myit ra ai hku hkan let dai dingman ai mungga hte shi anhte hpe shaprat dat mi ai.

YAKU 2:5

Ngai tsawra ai hpunau ni e, madat mara la mu: kamsham ai sutgan hta lu su nna, Karai Kasang hpe tsawra ai ni a matu mara, ndat da ai mungdan a sali wunli hpe hkam la lu mu ga, Karai Kasang gaw mungkan ga na matsan mayan ni hpe lata la manu ai, n rai ni?

1 PETRU 1:23

nanhte gaw hten mat chye ai nli hta na n rai, hten mat n chye ai, Karai Kasang ahkrung nga ai hte anga nga ai mungga nli hta, bai shangai wa lu manit dai.

1 YAWHAN 3:2

Tsawra ai ni e, Karai Kasang a kashu kasha ni, anhte ya e rai nga ga ai rai nna, anhte hpa mi tai na, garai n dan pru nga ai: rai timung, shi dan pru nga yang, anhte shi hte bung na ga ai, anhte chye ga ai: kaning rai nme law, shi hkum hpe nan anhte mu lu na gaw ai.

SHINGRAN 14:6

Bai, dinghta ga ntsa e nga ai ni hte, amyu baw shagu, baw lakung shagu, ga amyu shagu hte masha mungdan shagu hpe, htani htana a kabu gara shiga hkaw dan lu ai lamu kasa kaga gaw, sumsing lamu hpatwat e pyen nga ai hpe, ngai mu nngai: