MAHTE 13:15 - Jinghpaw Hanson Version Bible

¹⁵ Kaning rai nme law, ndai amyu gaw, Tinang myi hte n mu lu na hte Na hte n na lu nna, Myit hte n chye na lu mu ga she, Shanhte myit n kayin lu nna, Ngai shanhte hpe n shamai mai lu hkra Shanhte a myit mak nga nna, Shanhte a na lahpang nga ai hte, Shanhte a myi pat nga malu ai, nga ai.

Jinghpaw Common Language Bible 2009

¹⁵ Hpa majaw nga yang, shanhte a myit masin ni ayup akup rai nga nna, shanhte a na ni hpe pat kau nhtawm, myi ni hpe myi di tawn ma ai. Dai n rai taw gaw, shanhte a myi ni mu lu nna, shanhte a na ni na lu na hte, shanhte a myit masin ni mung chye na wa ai rai yang gaw, shanhte ngai hta kam hpa nna, shingbyi wa na mara ai. Ngai mung shanhte hpe shamai ya na mawe ai,’ nga nna Karai Kasang tsun ai hpe Esaia htawn tsun ai ga dik wa sai,” ngu mu ai.

MAHTE 13:15 ပူးပေါင်းရင်းမြစ်များ

SHAKAWN KUNGDAWN 119:70

Sau zawn shanhte a myit ge mat malu ai; Ngai chyawm gaw na a tara hta e, awng nga nngai.

GA SHAGAWP 16:30

Myi di ai wa gaw kajam galam maw nga ai; N-gup shatup ai wa gaw, n shawp ai amu shabyin nga ai.

ESAIA 44:20

Shi gaw wan dap amawp sha nga ai; n shawp ai myit hte lam dam wa sai; dai rai nna shi gaw shi a myit masin hpe n hkye la lu ai hte, Nye a hkra lata hta masu ai hkrai rawng nga ai, n rai ni? nga nna n chye tsun a hka.

ESAIA 57:18

shi a arawn alai ngai mu se ai; ngai shi hpe shamai shatsai na nngai; ngai shi hpe woi wa nna, shi a matu mung, shi hte rau sharung shayawt ai ni matu mung, ngwipyaw lam bai shatai na nngai.

ESAIA 6:10

Shanhte gaw, tinang myi hte n mu lu na hte, na hte n na lu nna, myit hte n chye na lu mu ga she, myit n kayin nna, shamai shatsai ai n hkrum lu hkra, shanhte a myit masin hpe shamak kau ya nna, shanhte a na hpe lahpang kau ya ai hte, shanhte a myi hpe pat kau ya mu, nga ai.

YEREMIA 17:14

Yehowa e, ngai hpe shamai ya e, shaloi ngai mai wa na nngai; ngai hpe hkye hkrang la e, shaloi ngai hkye hkrang la ai hkrum na nngai: nang gaw nye a shakawn kungdawn shara rai nga ndai.

YEREMIA 17:9

Myit masin gaw, rai yawng mayawng hta magaw htum nna, grai n hkru nga ai: dai hpe kadai chye lu a ta?

YEREMIA 3:22

Htak mat ai ma ni e, bai wa marit; nanhte a htak mat ai hpe ngai shamai shatsai na nngai. Yu u, anhte nang hpang de wa ga ai; nang gaw anhte a Karai Kasang Yehowa rai nga ndai.

HOSEA 14:4

“Nye a pawt bu ai myit kawp mat sai majaw, shanhte a htak mat ai hpe ngai shamai shatsai ya nna, hpa n hpyi ai sha, shanhte hpe tsawra na nngai.

ZEHKARIA 7:11

shanhte madat mara ma ai n rai; n na la hkra, shanhte gaw tinang a lahpa hpe ari kaye nna, ana hpe pat kau shajang ma ai.

MALAHKI 4:2

Nye a amying hpe hkrit hkungga ai ni a nta e chyawm gaw, dinghpring shangun ai ajan gaw, shamai shatsai ai singkaw hte, du pru na ra ai: nanhte mung pru wa nna, ulawng na dumsu kasha zawn, gumtawng na marin dai.

MARKU 4:12

shinggan de nga ai ni chyawm gaw, Myit n kayin lu nna, raw dat kau ai n hkrum mu ga, Shanhte mu lamu n yu lu na hte, Na lana n chye na lu mu ga, hpa lam mung ga shadawn hku hte sha, shanhte hpe shapraw dan na nme ai,” ngu nna shanhte hpe tsun mu ai.

LUKA 19:42

“Mare nang e, ngwipyaw ai lam hpe dai ni na nhtoi e nang chye lu wu taw gaw law! ya chyawm gaw dai lam ni hpe na a man e makoi da nga ai.

KASA 28:27

Kaning rai nme law, tinang myi hte mu lu nna, Tinang a na hte na la lu let, Tinang a myit masin hta chye na lu ai hte Ngai hpang de kayin wa na hpe; Ngai shanhte hpe n shamai lu hkra, Dai amyu gaw myit mak nga nna, Shanhte a na lahpang nga ai hte, Shanhte a myi pat nga malu ai,' nga ai, rai nga ai.

KASA 3:19

Dai re ai majaw, dai Madu kaw na ngwipyaw ai aten ladaw du ru ga hte,

KASA 7:57

Shaloi shanhte gaw aja awa jahtau let, tinang a na pat kau nhtawm, lang lata rau shi hpang de htim nna,

2 TIMOHTI 4:4

dai tengman ai ga hpe na layawng kau let, maumwi ga hpang de yit mat wa na mara ai.

HEBRE 5:11

Dai Melhkizedek a lam anhte tsun shara law law wa nga ai rai timung, nanhte a na dabang tsan nga malit dai majaw, ga lachyum tsun dan na yak la nga ai.

SHINGRAN 22:2

Dai hka nu a hkin-gau maga mi hte maga mi de, asi amyu shi lahkawng si ai asak jahkrung ai hpun tu nga ai rai nna, de a asi mung shata shagu si nga ai: dai hpun a lap ni mung, masha amyu ni a ana shamai shatsai na matu rai nga ai.