MAHTE 12:7 - Jinghpaw Hanson Version Bible

⁷ Hkungga jaw ai lam n rai, matsan dum ai lam hpe sha ngai tsaw nngai, nga ai ga hpe nanhte chye mu taw gaw, mara n kap ai ni hpe, nanhte mara shagun na myit dai n rai:

Jinghpaw Common Language Bible 2009

⁷ ‘Dusat hkungga jaw ai lam n rai, matsan dum ai lam hpe sha ngai ra nngai,’ nga nna Chyum laika hta ka da ai ga a lachyum hpe nanhte kaja wa chye mu taw gaw, mara n kap ai ni hpe nanhte mara shagun na myit dai n rai.

MAHTE 12:7 ပူးပေါင်းရင်းမြစ်များ

YOBA 32:3

Yoba a jinghku masum hte gaw, shi hta mara n mu tam timung, shi hpe dawdan ai majaw, shanhte hpe mung masin kahtet nga ai.

SHAKAWN KUNGDAWN 109:31

Kaning rai nme law, shi gaw matsan ai wa a asak hpe, dawdan ai ni a lata na hkye la na, Shi a hkra maga e, a tsap nga na ra ai.

SHAKAWN KUNGDAWN 94:21

Shanhte dingman ai wa a asak hpe rau htim nna, Mara n lu ai asai hpe, ga dan kau mu ai.

GA SHAGAWP 17:15

Tara n lang ai wa hpe mara shalawt dat ai wa hte, Dinghpring ai wa hpe mara shagun ai yan hpe, Yehowa maren matsat nga ai.

HOSEA 6:6

Kaning rai nme law, hkungga jaw ai lam n rai, chyeju dum ai lam, wan nat hkungga hta Karai Kasang hpe chye chyang ai lam, ngai tsaw nga nngai.

MAHTE 22:29

Yesu htan let shanhte hpe tsun mu ai gaw, “Dai Chyum laika hte Karai Kasang a nsam hpe nanhte n chye da mu ai majaw, nanhte lam dam mat manit dai:

MAHTE 9:13

Dai rai nna, Hkungga jaw ai lam n rai, matsan dum ai lam she ngai tsaw nga nngai, nga ai ga hpe chye lu mu ga, sa sharin la mu: Kaning rai nme law, dinghpring ai ni hpe shaga na n rai, yubak kap ai ni hpe shaga na she ngai sa du nngai,” ngu mu ai.

MARKU 12:33

dai hta kaga, myit kraw lawang mahkra hte, myit hpaji mahkra hte, n-gun lagaw mahkra hte shi hpe tsawra lu na rai nna, tinang a htingbu wa hpe tinang a hkum hte maren tsawra lu na gaw, wan nat hkungga hte hkungga amyu mahkra hta grau kaba ai rai nga ai,” ngu nna shi hpe tsun wu ai.

KASA 13:27

Kaning rai nme law, Yerusalem na ni hte, shanhte a du gyi ni gaw, shi madu hpe mung, laban nhtoi shagu hti ai myihtoi ni a ga hpe mung, n chye na ai wa, shi hpe dawdan ai hte dai ga ni hpe shatup manu ai.

YAKU 5:6

Dai dinghpring ai wa hpe nanhte dawdan nna, sat kau manu ai; shi gaw nanhte hpe ban hkum nga ai n rai.

YAWSHU 5:5

Dai kaw na pru wa ai ni yawng gaw matu gadoi hkam masai; rai timung Egutu mung na pru nna nam e hkawm wa let, dai daw ai ni nlang hte chyawm gaw matu gadoi garai n hkam ma ai.

1 SAMUELA 15:22

Bai Samuela gaw, “Yehowa gaw, shi a ga madat ai hta awng sharawng ai zawn, wan nat hkungga hte hkungga amyu hta awng sharawng na a ni? Yu u, madat mara ai gaw hkungga shan hta grau nga ai; tsun ai hku hkan ai gaw, sagu la sau dung hta grau kaja nga ai.