MAHTE 12:43 - Jinghpaw Hanson Version Bible

⁴³ Dai n seng ai nat chyawm gaw, masha hta na pru nhtawm, hkraw hkun ai shara hkan e hkawm sa wa nna, simsa na shara tam wu timung, n mu nu ai.

Jinghpaw Common Language Bible 2009

⁴³ “Dai n seng ai nat chyawm gaw, masha langai mi hta na pru nhtawm, hkun hkraw ai shara hkan e hkawm sa wa nna hkring sa na shara tam wu ti mung, n mu nu ai.

MAHTE 12:43 ပူးပေါင်းရင်းမြစ်များ

YOBA 1:7

Shaloi Yehowa gaw Satan hpe, “nang gade nna du pru n ta?” Ngu nna san wu ai. Satan gaw, “ga ntsa e htinglet hkawm nna, le nang wonang jawt du ai kaw na pru nngai,” ngu nna Yehowa hpe htan wu ai.

YOBA 2:2

Shaloi Yehowa gaw Satan hpe, “nang galaw ga de na du pru n ta?” Ngu nna san wu ai. Satan gaw, “ga ntsa e htinglet hkawm nna, le nang wonang jawt du ai kaw na pru nngai,” ngu nna Yehowa hpe htan wu ai.

SHAKAWN KUNGDAWN 63:1

Karai Kasang e, nye a Karai Wa nang rai nga ndai, Jahpawt jau jau e, ngai nang hpe tam na nngai. Hka n rawng ai hkraw ai hte krin ai prang hta e, Nye a myit masin nang hpe shagroi gara nga nna, Nye a hkum shan nang hpe marit nga ai.

ESAIA 41:18

Ngai gaw krin ai kawng ni a ntsa e hka nu, kadit ni a ka-ang e hka hpawk, jahpaw na nngai; nam mali e hka lawng, hkraw hkun ai shara e hka deng, ngai shatai na we ai.

MAHTE 12:44

Shaloi shi gaw, Ngai pru kau da se ai nta de, ngai bai nhtang wa na nngai, nga ai: bai du wa yu yang, dai nta gaw asan awan di nna, ye kau ai hte shatsawm da ai hpe, mu nu ai.

MAHTE 8:29

Shan gaw, “Karai Kasang a Kasha e, an nang hte hpa seng nga ga ta? aten garai n du yang, an hpe zingri na nang sa du rin ni?” ngu nna jahtau mu ai.

KASA 8:13

Simun shi mung kamsham nna, baptisma hkam la ngut jang, Hpilip kaw hkan nang nga ai: lamik kumla hte mauhpa amu kaba ni shi mu jang, mau mahka mat nga ai.

1 PETRU 5:8

Nanhte htauli htaula rai nga mu; a maja nga mu; nanhte a gumlau wa ngu ai, Nat gaw, kadai wa hpe mahtang mayu kau lu na, nga nna shabam ai hkanghkyi zawn, ningwan kahkrang hkawm nga ai.