MAHTE 12:40 - Jinghpaw Hanson Version Bible

⁴⁰ Yona gaw shani masum ya hte shana masum na du hkra, dai nga kaba a kan kata e rawng nga ai hte maren, dai Masha Kasha mung, shani masum ya hte shana masum na du hkra, ga sung ai kata e rawng nga na ra ai.

Jinghpaw Common Language Bible 2009

⁴⁰ Yona gaw shani masum ya hte shana masum na du hkra, dai nga kaba a kan kata e rawng nga ai hte maren, dai Masha Kasha mung, shani masum ya hte shana masum na du hkra ga a sung ai kata e rawng nga na ra ai.

MAHTE 12:40 ပူးပေါင်းရင်းမြစ်များ

2 HKAWHKAM 14:25

Rai timung, Israela Karai Kasang Yehowa gaw, shi a shangun ma, Gat-hehpera masha Amiti a kasha, myihtoi Yona a n-gup hta htawm tsun ai hte maren, shi gaw Israela lamu ga jarit, Hamat de shang wa ai lam kaw nna, Araba nawng du hkra, gumlau ni a lata na bai dawm la mu ai.

SHAKAWN KUNGDAWN 63:9

Nye a asak hpe jahten na tam ai ni chyawm gaw, Ga sung htum ai shara de shang na ma ai.

MAHTE 12:8

kaning rai nme law, dai Masha Kasha gaw, laban nhtoi a Madu rai nga ai,” ngu mu ai.

MAHTE 16:21

Dai aten kaw nna Yesu Hkristu gaw, Yerusalem mare sa lu na hte agyi salang ni, hkinjawng agyi ni hte laika ka ai sara ni a lata hta e nni nkri law law wa hkrum nna, sat kau na hpe hkam la nhtawm, masum ya nhtoi hta e, bai sharawt la lu na lam, shi a sape ni hpe madun dan hpang wu ai.

MAHTE 17:23

shanhte shi hpe sat kau na maru ai rai nna, masum ya nhtoi hta e sharawt la ai shi hkrum na ra ai,” ngu nna shanhte hpe tsun wu ai; dai rai nna, shanhte nachying myit yawn nga ma ai.

MAHTE 27:40

nawku Htingnu hpe run kau nna, masum ya na laman e bai de lu na nga ai wa e, na a hkum hpe nan hkye la u: nang Karai Kasang a Kasha rai n yang gaw, wudang hta na yu hkrat wa u, ngu mu ai.

MAHTE 28:6

shi nang e nga ai n rai; shi tsun dan sai hte maren bai hkrung rawt wa sai: sa marit; shi taw nga sai shara hpe sa yu maru.

MAHTE 8:20

Yesu gaw, “Chyahkyawn ni nhkun lu ma ai, ntsa malen pyen ai u ni mung u yup lu ma ai; dai Masha Kasha chyawm gaw baw tawn na shara pyi n lu nga ai,” shi hpe ngu wu ai.

YAWHAN 2:19

Yesu gaw, “Ndai htingnu hpya kau mu; masum ya laman e ngai dai hpe sharawt na we ai,” ngu nna shanhte hpe htan mu ai.