MAHTE 12:36 - Jinghpaw Hanson Version Bible

³⁶ Nanhte hpe ngai tsun made ga, masha ni tsun nga ai, tinang a kaman lila ga yawng hte a majaw, tara dara ai nhtoi hta e, jahpan dan na hkrum na mara ai.

Jinghpaw Common Language Bible 2009

³⁶ Nanhte hpe ngai tsun made ga, Tara Dara ai Nhtoi hta e, masha ni gaw tinang a akyu n nga ai hku tsun kau yu ga sai ga ni a matu jahpan dan nna jeyang daw dan ai hkrum na mara ai, ngu mu ai.

MAHTE 12:36 ပူးပေါင်းရင်းမြစ်များ

HPAJI NINGLI 12:14

Kaning rai nme law, Karai Kasang gaw makoi magap da ai amu yawng mayawng hpe, kaja ai rai timung, n kaja ai rai timung, tara tingnyang hta dawdan na ra ai.

MAHTE 10:15

Nanhte hpe ngai teng teng tsun made ai gaw, tara dara ai nhtoi hta e, Sodom hte Gomora mung gaw, dai mare hta yubak nhkyi na ra ai.

MAHTE 11:22

Dai majaw, nan hpe ngai tsun nngai gaw, dai tara dara ai nhtoi hta e, Turu hte Sidun mare yan gaw, nan hta naw chyamai na mara ai.

MAHTE 12:37

Kaning rai nme law, na a ga majaw nang awlaw ai hkrum na ndai: shing n rai, na a ga majaw, dawdan ai hkrum na rin dai,” ngu mu ai.

ROMA 14:12

Dai rai nna, anhte langai hte langai, tinang dai tinang lam a jahpan, Karai Kasang kaw dan na ra ga ai.

ROMA 2:16

shing rai, nye a kabu gara shiga hte maren, Karai Kasang gaw Yesu Hkristu a lata hte, masha ni a n dan n leng ai lam hte hpe tara dara na nhtoi hta e rai na ra ai.

YAKU 3:6

Dai shinglet mung wan rai nga ai; anhte a daw shan ni hta e, dai shinglet gaw, yubak a mungkan tai wa nga ai rai nna, anhte a hkum ting hpe awu asin di kau wu ai hte, dai gawng shing-yan a hkrang hpe nat kau wu ai rai nna, ngarai mung gaw dai hpe nan shachyi wu ai.

SHINGRAN 20:12

Si mat wa ai ni mung kaji kaba dai tingnyang a man e tsap nga ma ai hpe, ngai mu nngai; shaloi laika ni hpe hpaw tawn nga ai: asak laika ngu ai laika kaga hpe mung hpaw tawn nga ai: si mat wa sai ni gaw, tinang a arawn alai hte maren, laika ni hta ka da ai hku hkan nna, tara dawdan ai hkrum ma ai.