MAHTE 12:32 - Jinghpaw Hanson Version Bible

³² Dai Masha Kasha hpe ga hte shut hpyit ai wa kadai hpe mung, mara raw dat kau ya na lam hku nga ai; Chyoi pra ai Wenyi hpe ga hte shut hpyit ai wa chyawm gaw, ndai aprat hta rai timung, hpang na aprat hta rai timung, raw dat kau ya ai hkrum lu na n rai.

Jinghpaw Common Language Bible 2009

³² Dai Masha Kasha hpe ga hte shut hpyit ai wa kadai hpe mung, mara raw dat kau ya na lam hku nga ai; Chyoi pra ai Wenyi hpe ga hte shut hpyit ai wa chyawm gaw, ndai prat hta rai ti mung, hpang na prat hta rai ti mung, raw dat kau ya hkrum na n rai.

MAHTE 12:32 ပူးပေါင်းရင်းမြစ်များ

YOBA 36:13

N shawp ai myit rawng ai ni gaw, pawt sindawng ai mahkawng da ma ai; gyit hkang ai hkrum timung, hpyi jahtau ma ai n rai.

MAHTE 11:19

Dai Masha Kasha du sa nna, lu nga sha nga ai rai timung, Ndai sha marim ai wa, tsabyi lu shalai ai hte, kang hta ai ni, yubak kap ai ni a jinghku hpe yu mu, nga nna bai tsun ma ai. Hpaji byeng-ya chyawm gaw, shi a amu bungli hta awlaw ai hkrum nga ai,” ngu mu ai.

MAHTE 12:31

Dai majaw ngai nanhte hpe tsun made ga, yubak hte shatan nhkan ga amyu myu hpe, masha kaw na raw dat kau lu na lam hku nga ai; rai timung, Wenyi hpe shatan nhkan ga, raw dat kau lu na lam n nga ai.

MAHTE 12:8

kaning rai nme law, dai Masha Kasha gaw, laban nhtoi a Madu rai nga ai,” ngu mu ai.

MAHTE 13:22

Ju hpun hta gat ai nli a lam gaw, dai ga hpe na la timung, ndai prat na myit tsang ai hte hkalem kau ai sutgan gaw, dai mungga hpe lim kau nna, asi n si lu ai wa hpe rai nga ai.

MAHTE 13:39

dai hpe gat ai gumlau wa gaw, Nat rai nga ai; nmut ta gaw, lamu ga htum na aten rai nga ai; mam dan ai ni gaw, lamu kasa ni rai nga ma ai.

MAHTE 13:40

Dai tsing hpe gumdin la nna wan nat kau ai zawn, lamu ga htum na aten hta e mung, byin na ra ai.

MAHTE 13:55

shi gaw lasama wa a kasha re ai, n rai ni? shi a kanu Mari mying ai hte, shi a kanau ni Yaku, Yawsep, Simun hte Yuda rai nga ma ai, n rai ni?

MAHTE 8:20

Yesu gaw, “Chyahkyawn ni nhkun lu ma ai, ntsa malen pyen ai u ni mung u yup lu ma ai; dai Masha Kasha chyawm gaw baw tawn na shara pyi n lu nga ai,” shi hpe ngu wu ai.

MARKU 10:30

zingri zingrat hkrum ai hte hpawn, ndai aprat hta e nta, kahpu kanau, kajan, kanu, kashu kasha hte yi hkauna hte hpe htam latsa dang, n lu la na wa, n nga ai: htawm hpang prat e gaw n htum n wai asak lu la na ra ai.

MARKU 3:28

Ngai nanhte hpe teng teng tsun made ga, Shinggyim masha ni a yubak yawng hte hte, shanhte a shatan nhkan ai ga amyu myu hpe, raw dat kau na ahkang lu ma ai:

MARKU 3:29

rai timung, dai Chyoi pra ai Wenyi hpe shatan nhkan ai masha kadai rai timung, htani htana e raw dat kau ai n hkrum lu na ma ai: dai masha gaw htani htana yubak akap nga ai wa rai nga ai,” ngu mu ai.

LUKA 12:10

Dai Masha Kasha hpe ga hte shut kau ai wa kadai hpe mung, mara raw dat kau ya na lam hku nga ai: dai Chyoi pra ai Wenyi hpe shatan ai wa a matu chyawm gaw, mara raw ya na lam n nga lu ai.

LUKA 16:8

Dai n tara ai kunhting wa hpaji hte chye galaw ai majaw, madu gaw shi hpe shakawn wu ai: kaning rai nme law, ndai mungkan ga a kashu kasha ni gaw, tinang a amyu hta e, ahtoi a kashu kasha ni hta grau nna hpaji rawng ma ai.

LUKA 18:30

ndai prat hta htam law law wa n lu la ai, n nga na hta kaga, htawm hpang prat e mung, n htum n wai asak n lu la ai gaw, n nga na re ai,” ngu nna shanhte hpe tsun mu ai.

LUKA 23:34

Shaloi Yesu gaw, “Wa e, shanhte a mara dat kau ya mu: shanhte galaw ai lam hpe shanhte n chye nga ma ai,” nga ai. Shanhte gaw shi a hpun palawng ni hpe mung, hpaida da nna karan la ma ai.

LUKA 7:34

Dai Masha Kasha sa du nna, lu nga sha nga rai nga yang mung, Ndai sha marim ai wa hte tsabyi lu shalai ai wa, kang hta ai ni hte yubak kap ai ni a jinghku wa hpe, yu mu, bai nga myit dai.

YAWHAN 7:12

Shawa masha ni hta mung shi a lam wu wu di di law nga ai hte, nkau mi gaw, “Shi gaw masha kaja rai nga ai,” nga ma ai; bai nkau mi gaw, “N rai, mung masha ni hpe woi shadam ai wa rai nga ai,” nga shajang ma ai.

YAWHAN 7:39

Shing nga ai gaw, shi hpe kamsham ai ni lu la na Wenyi hpe, sha-ang nna tsun ai rai nga ai: kaning rai nme law, Yesu gaw shi a hpung shingkang garai n dan hkung ai majaw, Wenyi garai n jaw wu ai.

YAWHAN 7:52

Shanhte gaw, “Nang mung Galile masha rai nga nni? Galile mung de na kadai myihtoi mung n paw pru yu ai, nang she gawn yu u,” ngu nna shi hpe htan mu ai.

KASA 3:19

Dai re ai majaw, dai Madu kaw na ngwipyaw ai aten ladaw du ru ga hte,

EHPESU 1:21

du magam, hkang ai ahkang, hpung shingkang hte up ai aya lu ai ni nlang hte a ntsa e mung, ndai aprat hte htawm hpang na aprat e mying lu ai shingteng amying nlang hte a ntsa e mung, shi hpe shatsaw nna, sumsing lamu lahta tang hta, shi a hkra maga e dung nga shagun da wu ai.

1 TIMOHTI 1:13

Ngai chyawm gaw, shawng e shatan nhkan ai, zingri zingrat ai hte sheng mareng re ai wa rai nga nngai rai timung, n chye n chyang ai hte kamsham ai myit n rawng ai sha dai hpe galaw nngai majaw, matsan dum la ai ngai hkrum nngai:

1 TIMOHTI 1:15

Yubak kap ai ni hpe hkye hkrang la na matu mara, Hkristu Yesu gaw mungkan ga de du ra ai, nga ai ga gaw, kangka re ai hte gaja wa hkam la ging ai ga rai nga ai.

1 TIMOHTI 4:8

kaning rai nme law, hkumhkrang hpe jahpan ai lam gaw akyu loi sha mi nga ai rai timung, tara hkungga ai myit gaw lam shagu hta akyu nga ai rai nna, ndai aprat hte rai timung, htawm hpang na prat hte rai timung, seng ai ga ndat rawng nga ai.

1 TIMOHTI 6:17

Ndai prat e sutgan lu ai ni gaw, gumrawng gumtawng n re ai hte, n grin ai sutgan hpe n shamyet nga ai sha, ngamu ngamai nga na matu, arai yawng mayawng anhte hpe n daw n hta jaw ai Karai Kasang hpe shamyet shanat nga na hte,

2 TIMOHTI 4:10

kaning rai nme law, Dema gaw ndai mungkan ga hpe tsawra ai a majaw, ngai hpe kau da nna, Htesaloni mare de sa mat wa sai; Kareka gaw Galati mung de, Titu gaw Dalamati mung de, sa mat wa masai.

TITU 2:12

tara n hkungga ai myit hte mungkan ga hpe marin marit ai lam koi kau nhtawm, ndai prat e si si re ai hte dinghpring nna tara hkungga ai lam hkan nang lu hkra,

YAKU 1:27

nawku htung chyawm gaw, Ru tsang kyin dut hkrum ai jahkrai nmai ni hte, gaida gaina ni hpe kawan katsan yu yu nna, mungkan ga a awu asin re ai hpe koi kau na gaw, Kawa Karai Kasang a man e san seng ai hte ra n rawng ai nawku htung rai nga ai.