MAHTE 12:31 - Jinghpaw Hanson Version Bible

³¹ Dai majaw ngai nanhte hpe tsun made ga, yubak hte shatan nhkan ga amyu myu hpe, masha kaw na raw dat kau lu na lam hku nga ai; rai timung, Wenyi hpe shatan nhkan ga, raw dat kau lu na lam n nga ai.

Jinghpaw Common Language Bible 2009

³¹ Dai majaw ngai nanhte hpe teng teng tsun made ga, yubak hte shatan nhkan ga amyu myu hpe masha kaw na raw dat kau lu na lam hku nga ai; rai ti mung, Wenyi hpe shatan nhkan ai ga a matu gaw mara raw dat kau lu na lam n nga ai.

MAHTE 12:31 ပူးပေါင်းရင်းမြစ်များ

ESAIA 1:18

Yehowa tsun ai gaw, “Sa marit, anhte dangrang hkat ga; nanhte a yubak gaw, sai zawn hkyeng timung, hkyen zawn hpraw na ra ai; hkyi hkang zawn hkyeng mang timung, sagu mun zawn rai na ra ai.

ESAIA 55:7

tara n lang ai wa gaw shi a lam hpe, n hkru ai wa gaw shi a myit mang ai hku kau da nna, Yehowa hpang de kayin wa u ga; shing rai yang shi gaw dai wa hpe matsan dum na ra ai; anhte a Karai Kasang hpang de mung kayin wa u ga; shi gaw yubak hpe htum hkra raw dat kau ya na ra ai.

EZEKELA 33:11

Shanhte hpe htawn tsun mu, Madu Yehowa ning nga ai: ‘Ngai hkrung nga ai hte maren, tara n lang ai wa a si na lam hta ngai sharawng awng nga ai, n rai; tara n lang ai wa gaw, shi a arawn alai hpe kau da nna, hkrung nga na hpe, ngai sharawng awng nga nngai: kayin wa marit, nanhte a n hkru ai arawn alai hta na kayin wa marit; Israela dap e, hpa majaw si mayu myit ta?”

JAW JAU 24:16

Yehowa a mying ningsang jahpoi ai wa gaw si ai teng teng hkrum lu na wu ai: shawa hpung yawng gaw dai wa hpe nlung hte teng teng kabai sat na rai mu ai: Israela amyu hta na rai timung, amyu kaga wa rai timung, Yehowa a mying ningsang hpe jahpoi ai rai yang sat kau ai hkrum lu na wu ai.

LUKA 12:10

Dai Masha Kasha hpe ga hte shut kau ai wa kadai hpe mung, mara raw dat kau ya na lam hku nga ai: dai Chyoi pra ai Wenyi hpe shatan ai wa a matu chyawm gaw, mara raw ya na lam n nga lu ai.

KASA 7:51

Du ja nna, masin hte ana hpe matu n gadoi ai ni e, nanhte galoi mung Chyoi pra ai Wenyi hpe hkap daw myit dai; nanhte a nji nwa ni galaw ai zawn, nanhte mung a galaw nga myit dai.

HEBRE 10:26

Kaning rai nme law, tengman ai a chye chyang ai lam hpe hkam la ngut sayang, yubak hpe dingsa sa galaw ga yang gaw, yubak a matu mara hkungga nawng ya na lam, naw nga sa na n rai:

HEBRE 10:29

dai rai yang gaw, Karai Kasang a Kasha hpe kabye shingkawt kau nna, tinang hkum hpe shachyoi shapra ya ai ga shaka a asai hpe awu asin di kau ai hte, chyeju madun ya ai Wenyi hpe n kaw n law di kau ai wa gaw, dai hta grau ai ari gade hkrum ging ai, ngu nna nanhte nawn da myit ta?

HEBRE 6:4

Kaning rai nme law, jahtoi ya ai lang mi hkrum yu nna, sumsing lamu na chyeju kumhpa hpe chyim yu ai hte, dai Chyoi pra ai Wenyi hpe jawm hkam la nna,

1 YAWHAN 1:9

Anhte a yubak hpe anhte madun nem ga yang gaw, anhte a yubak hpe raw dat kau na hte n ding n man ai nlang hte hta na, anhte hpe jasan jaseng mi ga, shi kangka nga ai hte dinghpring ai wa rai nga ai.

1 YAWHAN 5:16

Kahpu kanau langai ngai nsi ging ai yubak galaw nga ai hpe, marai langai ngai mu hkrup a yang gaw, shi akyu hpyi mai ai rai nna, n si ging ai yubak galaw ai ni hta lawm ai rai yang, Karai Kasang gaw dai wa hpe asak jaw na ra ai. Si ging ai yubak mung rai nga ai: de a matu mara hpyi nem na ngai n tsun nngai.