MAHTE 12:30 - Jinghpaw Hanson Version Bible

³⁰ Ngai hpang maga de n nga ai wa gaw, nye a gumlau maga de rai nga ai: ngai hte kahkyin gumdin n re ai wa gaw, ayai aya rai nga ai.

Jinghpaw Common Language Bible 2009

³⁰ “Ngai hpang maga de n nga ai wa gaw, nye a gumlau maga de rai nga ai: ngai hte kahkyin gumdin n re ai wa gaw ayai aya rai nga ai.

MAHTE 12:30 ပူးပေါင်းရင်းမြစ်များ

NINGPAWT NINGHPANG 49:10

Ngwipyaw Madu du nna, Masha amyu ni shi a ga madat mara nga ai du hkra, Yuda kaw na hkawhkam sumdoi, Shi a lahpyen n daru magam dawhkrawng, kangai mat lu na n rai.

SHAKAWN KUNGDAWN 94:16

N hkru ai ni hpe jet kau na, ngai hte rau kadai wa rawt na rai nga a ta? Shut hpyit ai ni hpe daru kau na, ngai hte rau kadai wa tsap na rai nga a ta?

GA SHAGAWP 11:24

Jaw kau timung, sut su wa ai wa mung, nga ai; N taw n tsang mahkawng da timung, matsan hkrum ai wa mung nga ai.

MAHTE 12:29

N-gun ja ai wa hpe shawng n gyit kau yang gaw, shi a arai kashun la na, n-gun ja ai wa a nta nhku de kadai shang lu na rai ta? gyit da yang she shi a nta hpe hpya lu na rai nga ai.

MAHTE 6:24

Kadai rai ting mung, madu lahkawng kaw chyang lu na n rai; shi langai mi hpe n dawng nna kaga hpe tsawra na wu ai; shing n rai langai mi hpe kasawt nna, kaga hpe n kaw n law di na wu ai; nanhte Karai Kasang hpe mung, mungkan a sutgan hpe mung, rau chyang lu na myit dai n rai.

MARKU 9:40

anhte a gumlau maga e n nga ai wa gaw, anhte a hpang maga nga ai wa rai nga ai.

LUKA 11:23

Ngai hpang maga de n nga ai wa gaw, gumlau maga de rai nga ai: ngai hte kahkyin gumdin n re ai wa gaw, ayai aya rai nga ai.

LUKA 9:50

Yesu gaw, “Hkum hkum myit; nanhte a gumlau maga n nga ai wa gaw, nanhte hpang maga nga ai wa rai nga ai,” ngu nna shi hpe tsun wu ai.

YAWHAN 11:52

dai amyu a matu sha n rai, shara shagu hkan e bra nga ai, Karai Kasang a kashu kasha ni hpe langai sha di nna, shinggyin jahpawng da na matu si hkam lu na re ai, nga nna mung, myihtoi ga hte tsun ai rai nga ai.

YAWSHU 24:15

Shing n rai, Yehowa hpe jaw jau na nanhte n ra myit yang gaw, Hka wora hkran na nanhte a nji nwa ni jaw jau ai Hpara ni hte ya nanhte nga ai mung na Amori masha ni a Hpara ni hta, gara hpe mahtang jaw jau na gaw, dai ni jang lata la mu: ngai hte nye a nta masha ni chyawm gaw Yehowa hpe jaw jau na ga ai law,” ngu nna tsun wu ai.

YAWSHU 5:13

Ya Yawshu gaw Yerihko makau e nga nga ai shaloi sharawt mada yu yang, “yu u, nhtu shaw shada lang nna shi hte man ap rai tsap nga ai wa langai mi nga nga ai: Yawshu gaw shi hpang de sa wa nna, Nang gaw anhte hpang maga na rai n ni? gumlau hpyen hpang maga na rai n ni?” ngu nna san yu wu ai.

1 YAWHAN 2:19

Anhte kaw na shanhte pru ma timung, anhte hte nseng ga ai. Kaning rai nme law, anhte hte seng taw gaw shanhte anhte hte anga nga na mara ai: rai timung, shanhte nlang anhte hte n seng ga ai gaw dan wa u ga, shanhte pru wa ma ai.