MAHTE 12:18 - Jinghpaw Hanson Version Bible

¹⁸ Nye Wenyi shi a ntsa e ngai bang da ya nna, Shi masha amyu ni hpe dawdan ai lam tsun dan na mu ai.

Jinghpaw Common Language Bible 2009

¹⁸ “Ngai lata la ai, nye a shangun ma, ngai tsaw ra ai hte sharawng awng ai wa hpe yu mu. Nye a Wenyi shi a ntsa e ngai bang da ya nna, shi gaw nye a daw dan ai lam hpe masha amyu ni hpang de tsun dan na wu ai.

MAHTE 12:18 ပူးပေါင်းရင်းမြစ်များ

SHAKAWN KUNGDAWN 89:19

Kalang mi hta shingran hte nang tsun nna, Kamsham ai ni hpe tsun ndai gaw: “Share wa langai mi hpe ngai shadaw se ai, Dai amyu hta na shabrang wa hpe shagrau da se ai:

ESAIA 11:2

Yehowa a wenyi ngu ai, hpaji byeng-ya hte nyan jaw ai wenyi, hpaji daw ai hte daru magam rawng ai wenyi, chye chyang ai hte Yehowa hpe hkrit hkungga ai wenyi, shi a ntsa e shanu nga na ra ai:

ESAIA 42:1

Ngai shadaw ai nye a shangun ma, ngai lata la ai nye tsawra ai wa hpe, yu mu: nye a Wenyi shi a ntsa e ngai bang da ya nngai; shi gaw amyu baw ni hpe tara dara na ra ai.

ESAIA 52:13

Yu mu, nye a shangun ma gaw awng wa na ra ai: shi gaw shagrau shatsaw hkrum ai hte, hpung shingkang rawng nna, nachying galu kaba na ra ai.

ESAIA 53:11

Shi myit masin a shakut sharang ai a akyu shi mu lu nna, myit dik na ra ai: nye a dinghpring ai shangun ma gaw, shi chye chyang ai nyan hte, masha law law hpe dinghpring shangun na ra ai rai nna, shanhte a yubak mara hpe shi nan gun hpai na ra ai.

ESAIA 62:2

Maigan amyu ni, na a dinghpring ai hpe, hkawhkam ni mahkra gaw, na a arawng sadang hpe, mu mada nna, Yehowa n-gup na pru ai mying nnan hte nang hpe shaga na mara ai.

YEREMIA 16:19

Nye a n-gun atsam, nye a hpyen dap, ru tsang ai shani e nye a shingbyi shara Yehowa e, lamu ga htum ai de na masha amyu ni nang hpang de du nna, Anhte a ji wa ni gaw, masu ai hte kaman lila, lam n la ai sali wunli hkrai hkam la masai, nga nna tsun na mara ai.

ZEHKARIA 3:8

Hkinjawng agyi Yoshua e, nang hte na a man e dung nga ai manang ni, madat mara mu; shanhte gaw kumla tai ai masha rai nga ma ai: kaning rai nme law, yu mu, nye a shangun ma ngu ai, Makrung hpe, ngai paw pru shangun na nngai.

MAHTE 12:17

Dai byin wa ai lam gaw, “Ngai lata la ai, nye a shangun ma hpe, Ngai myit sharawng awng ai nja nhpra wa hpe, yu mu.

MAHTE 17:5

Dai ga shi naw tsun nga yang, yu mu, htoi tu ai sumwi gaw shanhte hpe ka-up mu ai hte dai sumwi hta na nsen pru nna, “Ndai wa gaw ngai sharawng awng ai, ngai tsawra ai ngai Sha rai nga ai: shi a ga madat mara mu,” nga ai.

MARKU 1:11

Nang gaw nye tsawra ai Kasha rai nga ndai; nang hta ngai sharawng awng nngai law,” nga ai nsen gaw lamu de na ngoi pru ai.

MARKU 9:7

Dai shaloi sumwi du hkrat nna, shanhte hpe ka-up nhtawm, dai sumwi hta na nsen pru nna, “Ndai wa gaw, ngai tsawra ai, ngai Sha rai nga ai: shi a ga madat mara mu,” nga ai.

LUKA 23:35

Mung masha ni gaw mada yu let tsap nga ma ai. Du aya lu ai ni mung shi hpe asawng asang nga nna, “Masha kaga hpe shi hkye la ga ai; ndai wa gaw Karai Kasang a Hkristu ngu ai, Karai Kasang lata la ai wa rai yang gaw, shi hkum dai shi hkye la u ga,” nga ma ai.

LUKA 3:22

dai Chyoi pra ai Wenyi gaw hkrang dan dan shi a ntsa e hkrudu zawn yu hkrat wa nna, “Nang gaw nye tsawra ai Kasha rai nga ndai; nang hta ngai sharawng awng nngai law,” nga nna lamu de na nsen du pru wa ai.

LUKA 4:18

“Madu a Wenyi nye a ntsa e nga nga ai: Matsan mayan ni hpe kabu gara shiga hkaw tsun na matu, shi ngai hpe namman chya ni ai: Bawng dung ai ni hpe shalawt lu na lam, Myi kyaw ai ni hpe myi bai mu na lam, hkaw tsun na matu mung, Zingri zingrat hkrum ai ni hpe dat dat shangun na hte,

LUKA 9:35

Dai sumwi hta nna mung nsen ngoi pru wa ai gaw, Ndai wa gaw, ngai Sha, ngai lata la ai wa rai nga ai: shi a ga madat mara mu, nga ai.

YAWHAN 3:34

Karai Kasang e shangun dat ai wa gaw, Karai Kasang a mungga tsun nga ai: kaning rai nme law, Karai Kasang gaw shadawn sharam nna sha, Wenyi jaw wu ai n rai.

KASA 10:38

dai gaw Nazaret wa Yesu a lam rai nga ai; Karai Kasang gaw Chyoi pra ai Wenyi hte mung, n-gun atsam hte mung, shi hpe chya ya wu ai; Karai Kasang shi hte rau rai nga ai majaw, mai kaja ai amu shi galaw nna, nat gumlau e zingri zingrat hkrum ai ni yawng mayawng hpe shamai ya let, kawan katsan hkawm nga ai.

KASA 11:18

Dai lam na ma yang, shanhte myit pyaw nga nna, “Aw, rai sa, Karai Kasang gaw maigan amyu ni hpe mung, asak hkrung ai hte seng ai myit malai lam jaw manu hka,” nga nna Karai Kasang hpe shagrau sha-a ma ai.

KASA 14:27

Shan du wa jang, Hpung masha ni hpe jahpawng tawn nna, Karai Kasang shan hta galaw ai lam yawng mayawng mung, maigan amyu ni hpe dai makam masham lam chyinghka hpaw ya wu ai mung, hkai dan mu ai.

EHPESU 1:6

shi a shawang myit sharawng awng nga ai hte maren, Yesu Hkristu a jaw e, kasha yin la na chyeju hkam la lu u ga, shi anhte hpe shawng nnan e san da ma ni ai.

KOLOSE 1:1

Karai Kasang myit ra ai a majaw Hkristu Yesu a kasa rai nga ai, ngai Pawlu hte hpunau Timohti gaw, Kolose mare na chyoi pra ai ni hte Hkristu hta kangka re ai hpunau ni kaw, ga shana dat ga ai.

KOLOSE 1:13

Dai Kawa gaw, nsin a ahkang aya kaw na anhte hpe mawai la nna, shi a tsawra ai Kasha a mungdan hta jashawn mi ai:

1 PETRU 2:4

Dai Madu hpang de nanhte sit sa wa nna, shi gaw ahkrung nga ai nlung rai nga ai: masha ni dai hpe sai kau mu timung, Karai Kasang a man e lata la ai hte hpu la ai nlung shi rai nga ai.

2 PETRU 1:17

Shi gaw Kawa Karai Kasang kaw na, arawng sadang hte hpung shingkang hpe lu la wu ai shaloi, daru magam hpung shingkang kaw na ning nga ai nsen shi kaw dan pru nna, “Ndai wa gaw ngai sharawng awng nga ai, ngai tsawra ai ngai sha rai nga li ai,” ngu wu ai: