MAHTE 11:5 - Jinghpaw Hanson Version Bible

⁵ myi kyaw ai ni myi mu lu ma ai, lagaw hten ai ni hkawm sa lu ma ai, manggang kap ai ni san pra wa lu ma ai, na lahpang ai ni na lu ma ai, si mat ai ni sharawt la ai hkrum ma ai hte, matsan mayan ni a matu kabu gara shiga hkaw dan nga ai:

Jinghpaw Common Language Bible 2009

⁵ Myi kyaw ai ni myi mu lu ma ai, lagaw hten ai ni hkawm sa lu ma ai, manggang kap ai ni san pra wa lu ma ai, na lahpang ai ni na lu ma ai, si mat ai ni sharawt la ai hkrum ma ai, matsan mayan ni a matu Kabu Gara Shiga hkaw dan nga ai.

MAHTE 11:5 ပူးပေါင်းရင်းမြစ်များ

2 HKAWHKAM 5:14

Shing rai shi gaw, Karai Kasang a masha wa tsun ai hte maren, Yawdan hka de yu wa nna, shi hkum hpe sanit lang kapruk jang, shi a hkum shan gaw ma kaji a hkum shan zawn rai mat nna, shi gaw san pra wa ai.

2 HKAWHKAM 5:7

Ya Israela hkawhkam wa dai laika hpe hti ngut jang, shi a hpun palawng gang je kau nna,” Ataw, ngai gaw sat kau lu ai hte jahkrung ya lu ai Karai daw rai nga ai majaw, ndai wa a manggang shamai ya u ga nga, shi ngai hpang de shangun dat a hka? Gaja wa shi gaw ngai hpe jahte tam nga ai gaw, matsing da mu,” nga ai.

SHAKAWN KUNGDAWN 146:8

Yehowa gaw myi kyaw ai ni hpe shamu ya mu ai; Yehowa gaw kataw ai ni hpe sharawt ya mu ai; Yehowa gaw dingman ai ni hpe tsawra nga mu ai.

SHAKAWN KUNGDAWN 22:26

Matsan mayan ni hkru kat hkra lu sha lu na mara ai, Yehowa hpe hkan tam ai ni, shi hpe shakawn na mara ai; Nanhte a myit masin tutnawng e ahkrung nga malit ga.

PRU MAT 4:11

Dai majaw Yehowa hpe gaw, “Masha a n-gup kadai shatut ya ai rai ta? ma-a ai hte na lahpang ai, myi mu ai hte myi kyaw ai wa hpe kadai hpan da a ta? ngai Yehowa hpan da ai n rai ni?

ESAIA 29:18

Dai aten e na lahpang ai ni gaw chyum laika ga na lu na mara ai; myi kyaw ai ni gaw nsin e pyi mu lu na mara ai.

ESAIA 29:19

Myit kyip ai ni gaw, Yehowa hta hpa let kabu gara shalaw na mara ai; ga ntsa na matsan mayan ni gaw, Israela a Chyoi pra ai Wa hta awng sharawng na mara ai.

ESAIA 43:8

Myi tu ninglen myi n mu ai amyu hte, na tu ninglen na lahpang ai ni hpe, woi shapraw marit.

ESAIA 66:2

Nye a lata dai lam yawng mayawng hpe galaw da nna, dai ni mahkra byin wa sai: rai timung ngai gaw, myit kyip ai hte gawng run nna, nye a ga majaw hkrit gari chye ai wa hpe, mada yu nngai.

ZEHKARIA 11:7

Shing rai ngai gaw sat na matu san da ai, matsan mayan sagu hpung hpe, rem nga nngai. Sagu rem dawhkrawng lahkawng ngai la nna, langai mi hpe, Chyeju, langai mi hpe, Matut manoi, ngu shamying nngai; shaloi ngai gaw dai sagu hpung hpe rem nga nngai.

MAHTE 10:8

Machyi makaw hkrum ai ni hpe shamai ya mu; si mat ai ni hpe sharawt dat mu; manggang kap ai ni hpe jaseng ya mu, nat ni hpe shaden kau mu; jahpu n ya ai sha nanhte lu la mu ai rai nna, jahpu n hpyi ai she jaw ya mu.

MAHTE 11:4

Yesu htan let shanhte hpe tsun mu ai gaw, “Na mana mu mamu hte maren, Yawhan hpe wa tsun dan mu:

MAHTE 12:13

Shaloi shi gaw dai wa hpe, “Na a lata ladawn u,” ngu wu ai. Dai majaw shi ladawn nna, dai gaw maga mi na zawn majing rai mat lu ai.

MAHTE 21:14

Myi kyaw ai ni hte lagaw hten ai ni gaw, dai Htingnu kata de shi kaw du ma ai rai nna, shi shanhte hpe shamai shatsai wu ai.

MAHTE 5:3

Wenyi hta matsan mayan rai nga ai ni gaw, a lu ma ai; kaning rai nme law, sumsing lamu a mungdan, shanhte a mungdan rai nga malu ai.

MAHTE 9:30

Shaloi shan a myi hpaw wa malu ai. Yesu chyawm gaw, “Kadai mung, ndai hpe n chye lu mu ga, sadi nga mu,” ngu nna shan hpe aja awa ginhtim da mu ai.

MARKU 7:37

Shanhte mung nachying wa mau mahka mat ma ai rai nna, “Shi yawng mayawng hte hpe mai kaja ai hku galaw lu ai: na lahpang ai ni hpe na lu shangun nna, n chye shaga ai ni hpe ga tsun shangun lu ai,” nga ma ai.

MARKU 9:25

Dai shawa masha ni gat let zuphpawng wa ma ai hpe Yesu mu wu yang, dai n seng ai nat hpe, “N chye shaga nna na lahpang ai nat e, ngai nang hpe htet da de ga, shi hta na pru mat wa u; htawm hpang e galoi mung bai hkum shang nit,” ngu nna daru kau wu ai.

LUKA 4:18

“Madu a Wenyi nye a ntsa e nga nga ai: Matsan mayan ni hpe kabu gara shiga hkaw tsun na matu, shi ngai hpe namman chya ni ai: Bawng dung ai ni hpe shalawt lu na lam, Myi kyaw ai ni hpe myi bai mu na lam, hkaw tsun na matu mung, Zingri zingrat hkrum ai ni hpe dat dat shangun na hte,

YAWHAN 10:25

Yesu gaw, Ngai tsun ni ai, nanhte mahtang n kam myit dai; nye Wa a mying hte ngai galaw ai amu ni gaw, nye a lam sakse hkam ya nga ai.

YAWHAN 10:38

Dai ngai galaw nngai rai yang gaw, ngai e n kam timung, ngai hta nye Wa nga nga ai mung, nye Wa hta ngai nga nga ai mung, nanhte mu chye nna chye na lu myit ga, dai amu ni hpe kamsham mu,” ngu nna shanhte hpe htan mu ai.

YAWHAN 2:23

Dai Shalai wa ai poi nhtoi ni a laman e Yerusalem mare hta shi naw nga nga yang, masha law law wa, shi dan ai lamik kumla mu lu ma ai majaw, shi a mying ningsang hpe kamsham ma ai.

YAWHAN 3:2

dai wa gaw shana e Yesu kaw sa nna, “Rabai e, nang gaw Karai Kasang kaw nna du sa ai sara rai nga ndai hpe, anhte chye ga ai: nang dan ai lamik kumla ni gaw, Karai Kasang n lawm yang gaw, kadai mung n galaw lu ai,” ngu nna shi hpe tsun wu ai.

YAWHAN 5:36

Rai timung, ngai lu ai sakse gaw Yawhan hkam ya ai sakse hta grau kaba li ai: kaning rai nme nga yang, Wa gaw, ngai gun hpai shangut na matu ngai hpe ap ya nna, ya ngai gun hpai nga ai amu ni e pyi, ngai hpe Wa e shangun dat ai lam sakse hkam ya nga ai.

YAWHAN 9:7

“Silum hka lawng de sa kashin su,” ngu nna shi hpe tsun dat wu ai: dai hte maren shi sa kashin nna, myi mu ai hte bai wa ai: (Silum ngu ai gaw, shangun dat ngu ai, rai nga ai.)

KASA 2:22

Israela masha ni e, ga ndai madat la mu: Nanhte chye nga myit dai hte maren, Karai Kasang gaw Nazaret wa ngu ai Yesu a lata hte magam ningsam, mauhpa amu, lamik kumla re ai ni nanhte a man e madun dan let, Karai Kasang e nanhte kaw awlaw shadan ya ai hkrum wu ai:

YAKU 2:5

Ngai tsawra ai hpunau ni e, madat mara la mu: kamsham ai sutgan hta lu su nna, Karai Kasang hpe tsawra ai ni a matu mara, ndat da ai mungdan a sali wunli hpe hkam la lu mu ga, Karai Kasang gaw mungkan ga na matsan mayan ni hpe lata la manu ai, n rai ni?