MAHTE 11:3 - Jinghpaw Hanson Version Bible

³ “Nang gaw dai du sa na ra ai wa rai nga n ni? shing n rai, kaga hpe anhte naw myit mada lu na rai nga a ni?” ngu nna shi hpe san dat wu ai.

Jinghpaw Common Language Bible 2009

³ “Nang gaw dai du sa na ra ai wa rai nga nni? shing n rai kaga langai ngai hpe anhte naw myit mada lu na rai nga a ni?,” ngu nna shi hpe san dat wu ai.

MAHTE 11:3 ပူးပေါင်းရင်းမြစ်များ

NINGPAWT NINGHPANG 12:3

Nang hpe shaman ai wa hpe, ngai shaman ya na we ai; nang hpe dagam ai wa hpe ngai dagam kau na we ai: na a marang e ga ntsa na masha amyu shagu gumring gumrat lu la shajang na mara ai,” ngu nna shaga wu ai.

NINGPAWT NINGHPANG 3:15

nang hte numsha hpe mung, na a amyu matu hte shi amyu matu hpe mung ngai majan shangun da na made ai: shi gaw na a baw abrep na ra ai, nang mung, shi a lahtin achye na ra ai, ngu wu ai.

NINGPAWT NINGHPANG 49:10

Ngwipyaw Madu du nna, Masha amyu ni shi a ga madat mara nga ai du hkra, Yuda kaw na hkawhkam sumdoi, Shi a lahpyen n daru magam dawhkrawng, kangai mat lu na n rai.

SHAKAWN KUNGDAWN 118:26

Yehowa a amying hte du sa ai wa gaw, a nga u ga; Yehowa a nta hta e, anhte nang hpe, sha-a nga ga ai.

ESAIA 7:14

Dai re ai majaw Madu shi nan nanhte hpe lamik kumla madun dan na ra ai: yu mu, shayi hkawnsek gaw gawng li nga nna, shadang sha shangai na ra ai; shi a amying hpe, Emanuela shamying ya na ru ai.

HOSEA 3:5

Dai hpang Israela kashu kasha ni gaw bai wa nna, tinang a Karai Kasang Yehowa hte, shanhte a hkawhkam Dawi hpe, hkan tam let, hpang jahtum na nhtoi ni hta Yehowa hte shi a mai kaja ai hpang de, hkrit hkungga ai myit hte du na mara ai.

OBEDIA 1:21

Esaw a bum hpe tara dawdan na matu, hkye hkrang la ai madu ni, Ziun bum de lung wa nna, dai mungdan gaw Yehowa a mungdan rai na ra ai.

MIHKA 5:2

Rai timung, nang Betlehem-Ehprat e, Yuda mare mun sen hta nang kaji nga timung, Israela amyu hpe up na madu gaw, nye a matu, nang kaw na pru na ra ai: dai wa gaw, moi chyaloi nhkoi kaw nna paw pru ai wa rai nga ai.

HAGI 2:7

maigan amyu ni mahkra hpe mung, ngai ashun na nngai; maigan amyu ni mahkra a hpu htum ai baw sa du nna, ngai gaw ndai Nta hpe hpung shingkang hte jahpring na nngai, nga nna Zaw nawng zaw wa up ai Yehowa tsun ai.

ZEHKARIA 9:9

Ziun shayi sha e, nachying kabu gara nga u; Yerusalem shayi sha e, garu jahtau u: yu u, na a hkawhkam wa nang hpang de du ra ai; shi gaw dinghpring nga nna, hkye hkrang la ai lam shapraw nu ai: shi gaw sumnung ai myit rawng nna, lawze a ntsa e, rai sa, lawze kanu a kasha ntsa e, jawn nga ai.

MALAHKI 3:1

Yu u, nye a Kasa hpe ngai shangun dat nngai; shi gaw nye a man e, lam lajang na ra ai: nanhte hkan tam ai Madu gaw, shi a nawku Htingnu de akajawng sha du na ra ai; nanhte marit nga ai ga shaka a Kasa gaw, yu u, shi du ra ai, nga nna Zaw nawng zaw wa up ai Yehowa tsun ai.

MALAHKI 4:2

Nye a amying hpe hkrit hkungga ai ni a nta e chyawm gaw, dinghpring shangun ai ajan gaw, shamai shatsai ai singkaw hte, du pru na ra ai: nanhte mung pru wa nna, ulawng na dumsu kasha zawn, gumtawng na marin dai.

BU HKAWM 24:17

Ngai shi e mu se ai, rai timung, ya jang n rai, Ngai shi e yu se ai, rai timung, ani sha n rai: Yaku kaw na shagan langai mi pru nna, Israela hta na hkawhkam sumdoi paw pru na ra ai: Shi gaw Moba njut nnaw hkan du hkra gasat dang nna,

MAHTE 11:10

‘Yu u, na a man e, na a lam lajang magang na, Nye a kasa hpe na a shawng de ngai shangun dat we ai,' nga nna ka da ai ga gaw shi a lam rai nga lu ai.

MAHTE 11:4

Yesu htan let shanhte hpe tsun mu ai gaw, “Na mana mu mamu hte maren, Yawhan hpe wa tsun dan mu:

MAHTE 21:5

Shi gaw, “Ziun shayi sha hpe ning ngu mu: ‘Yu u, na a Hkawhkam wa gaw, Sumnung ai myit rawng nna, lawze a ntsa e, Rai sa, lawze kanu a kasha ntsa e jawn let, nang kaw du ra ai,” nga ai.

MAHTE 21:9

Shi a shawng e sa wa ai hte, hpang de hkan nang ai masha wunawng ni gaw jahtau ma ai rai nna, “Dawi a Kasha kaw, Hawsanna, rai wa u ga; Madu a amying ningsang hte du sa ai wa gaw, a nga ai law! Tsaw Htum ai shara e, Hawsanna, rai wa u ga,” nga ma ai.

MARKU 11:9

Shawng e sa wa ai ni hte hpang e hkan nang ai ni gaw, “Hawsanna:” “Madu a mying ningsang hte du sa ai wa gaw, a nga ai law;”

LUKA 19:38

“Madu a amying ningsang hte Du sa ai Hkawhkam wa gaw, a nga ai law; Sumsing lamu e ngwipyaw ai hte, Tsaw htum ai shara e hpung shingkang rawng u ga law,” nga ma ai.

YAWHAN 11:27

Shaloi Marhta gaw, “Rai sa, Madu e, nang gaw ndai mungkan ga de du sa sai, Hkristu ngu ai Karai Kasang a Kasha rai nga ndai hpe, ngai kam nga nngai,” ngu nna shi hpe htan wu ai.

YAWHAN 12:13

shanhte gaw namhtan hpun lakung ni daw lang nna shi hpe sa tau la let, “Hawsanna: Dai Madu a amying hte du sa ai wa ngu ai, Israela a hkawhkam gaw, a nga u ga law,” nga nna garu ma ai.

YAWHAN 16:14

Dai wa gaw, ngai lu ai hta na shaw la nna, nanhte hpe tsun shana ya na rai nga ai majaw, nye a hpung shingkang shapraw ya na ra ai.

YAWHAN 4:21

Yesu gaw, “Numsha e, nye ga hpe kam u: ndai bum e mung n rai, Yerusalem mare e mung n re ai, Wa hpe nawku na aten gaw du na ra ai.

YAWHAN 6:14

Dai re ai majaw, shi madun ai lamik kumla hpe, shawa masha ni mu ma yang, shanhte gaw, “Gaja wa teng teng ndai wa gaw mungkan ga de du sa ra ai myihtoi rai nga ai,” nga ma ai.

YAWHAN 7:31

Hpawng nga ai masha ni hta chyawm gaw, shi hpe kamsham ai ni law law wa rai nga ma ai rai nna, Hkristu du sa yang ri, ndai wa galaw ai hta, grau ai lamik kumla dan lu na a ni? nga nna tsun shajang ma ai.

HEBRE 10:37

“Loi hkring sha mi rai jang, du sa na ra ai wa gaw N hkring n sa du sa na ra ai.