MAHTE 11:29 - Jinghpaw Hanson Version Bible

²⁹ Ngai gaw myit sumnung ai hte myit gyip nga nngai rai nna nye a kandang hpe hpai mu, nye a lam sharin la mu: dai rai yang nanhte a myit masin ban sa ai hkrum na malit dai:

Jinghpaw Common Language Bible 2009

²⁹ Ngai gaw myit sumnung ai hte myit gyip nga nngai rai nna, nye a kandang hpe hpai mu, nye a lam sharin la mu: dai rai yang, nanhte a myit masin ban sa ai hkrum na malit dai.

MAHTE 11:29 ပူးပေါင်းရင်းမြစ်များ

2 HKAWHKAM LABAU 10:11

nye wa gaw nanhte hpe li la ai kandang shagun da timung, ngai nanhte a kandang hta naw jat na we ai; nye wa gaw, nanhte hpe ri lasik hte kayat ai; ngai mahtang nanhte hpe hpri n-gawgawk hte kayat na made ai,” ngu nna tsun u, ngu mu ai.

SHAKAWN KUNGDAWN 116:7

Nye a myit masin e, Yehowa nang hpe chyeju madun nit dai majaw, Nang ban lu ai shara de bai wa su.

SHAKAWN KUNGDAWN 131:1

Yehowa e, nye a myit kaba nga ai n rai, nye a myi man mung dap nga ai n rai. Ngai hte n ging ai amu hpe ngai n bawng nna, Ngai hta grau ai mauhpa bungli ngai n tam nngai.

GA SHAGAWP 3:17

Shi a lam ni gaw, sharawng awng ai lam ni rai nga nna, Shi hkan ai hku yawng, ngwipyaw nga ai.

ESAIA 28:12

shi gaw, tsasam ga tsun ai nten hte, ga amyu kaga hku ndai amyu hpe tsun da na ra ai.

ESAIA 29:19

Myit kyip ai ni gaw, Yehowa hta hpa let kabu gara shalaw na mara ai; ga ntsa na matsan mayan ni gaw, Israela a Chyoi pra ai Wa hta awng sharawng na mara ai.

YEREMIA 6:16

Yehowa ning nga ai: “Lam mashe makau e tsap nna mada yu mu; myi na lam dingsa ni hpe tam let, Kaja ai lam gara mahtang rai ta? nga nna san let, dai hku hkan mu; shing rai yang, nanhte a myit masin ban sa na ra ai; rai timung, Anhte n hkan na ga ai, nga nna shanhte htan ma ai.

ZEHKARIA 9:9

Ziun shayi sha e, nachying kabu gara nga u; Yerusalem shayi sha e, garu jahtau u: yu u, na a hkawhkam wa nang hpang de du ra ai; shi gaw dinghpring nga nna, hkye hkrang la ai lam shapraw nu ai: shi gaw sumnung ai myit rawng nna, lawze a ntsa e, rai sa, lawze kanu a kasha ntsa e, jawn nga ai.

BU HKAWM 12:3

Dai Mawshe ngu ai wa chyawm gaw, ga ntsa ting na masha nlang hta myit grau sumnung ai wa rai nga ai.

MAHTE 17:5

Dai ga shi naw tsun nga yang, yu mu, htoi tu ai sumwi gaw shanhte hpe ka-up mu ai hte dai sumwi hta na nsen pru nna, “Ndai wa gaw ngai sharawng awng ai, ngai tsawra ai ngai Sha rai nga ai: shi a ga madat mara mu,” nga ai.

MAHTE 21:5

Shi gaw, “Ziun shayi sha hpe ning ngu mu: ‘Yu u, na a Hkawhkam wa gaw, Sumnung ai myit rawng nna, lawze a ntsa e, Rai sa, lawze kanu a kasha ntsa e jawn let, nang kaw du ra ai,” nga ai.

MAHTE 28:20

ngai nanhte hpe hkang da mada yawng hte hpe hkan shadik lu mu ga, shanhte hpe sharin shaga ya mu: dai hta kaga, yu mu, lamu ga aprat htum hkra, ngai nanhte hte rau dinggrin anga nga na nngai law, ngu nna shanhte hpe matsun dat mu ai.

MAHTE 7:24

“Ndai nye a ga na nna, hkan galaw ai wa kadai mung, tinang a nta hpe lunghkrung ntsa e gap da ai hpaji rawng ai wa hte bung nga ai.

LUKA 8:35

Shanhte mung dai byin ai lam yu yu na pru sa wa ma ai: shanhte Yesu kaw du ma yang, nat ni pru mat wa ai wa gaw hpun palawng bu hpun nna, shawoi na myit hte Yesu a lagaw nhpang e dung nga ai hpe, mu ma ai rai nna hkrit kahpra mat ma ai.

YAWHAN 13:15

Nanhte hpe ngai galaw ai zawn, nanhte mung hkan galaw myit ga, ngu nna ngai nanhte a matu kasi kamang tawn da ni ai.

YAWHAN 13:17

Ndai lam ni hpe nanhte chye nna, dai hpe hkan shatup myit yang gaw, nanhte a lu myit dai.

KASA 7:37

Dai Mawshe nan, ‘Nan hpu nan nau ni hta na, nanhte a matu ngai zawn re ai myihtoi langai mi Karai Kasang paw pru shangun ya na ra ai,’ nga nna Israela kashu kasha ni hpe tsun da ai wa mung, rai nga ai.

1 KORINHTU 9:21

Ngai hkum Karai Kasang kaw tara kata ai wa n rai, Hkristu a tara npu e nga ai wa ngai rai nga nngai rai timung, tara kata ai ni hpe lum la lu hkra, tara kata ai ni hta e, tara kata ai wa zawn, ngai tai nga nngai.

2 KORINHTU 10:1

Nanhte a man e myit grit ai hte, tsan gang nga yang nanhte a lam nden ja ai myit madun ai, ngai Pawlu nan, Hkristu a sumnung ai hte myit gyip ai hpe tau yu nna, nanhte hpe shadut jahkat dat made ai:

2 KORINHTU 10:5

masha a myit mang ai hku hte, Karai Kasang a chye chyang ai lam hpe hkum da mayu ai tsaw matsaw hte hpe, anhte sharun shabya lu ai hte, Hkristu a ga madat mara na lam a npu e myit mang shagu hpe sharen da mu ai;

HPILIPI 2:5

Hkristu Yesu hta e rawng ai myit nan, nanhte hta e mung rawng nga myit ga:

1 HTESALONI 4:2

Madu Yesu a ahkaw ahkang hte e kaning re ai hkang da ai ga nanhte hpe ap ya saga ai gaw, nanhte nan chye nga myit dai.

2 HTESALONI 1:8

nanhte hta nni nkri jahkrum ai ni hpe, nni nkri bai nhtang jaw na hte, nni nkri hkrum nga ai ni nanhte gaw, anhte hte rau ban sa ai nhtang jaw na ra ai. Karai Kasang a dingman ai hku rai nga lu ai.

HEBRE 5:9

dai hte hkum tsup wa lu ngut jang, shi gaw, shi a ga madat mara ai ni yawng mayawng a matu, htani htana hkye hkrang la ai a npawt tai wa ai hte,

1 YAWHAN 2:6

Shi hta de nga nngai, nga nna tsun ai wa gaw, shi rai nga ai hte maren, dai wa mung rai nga u ga.