MAHTE 11:28 - Jinghpaw Hanson Version Bible

²⁸ Hki ba la nna lit li gun ai ni yawng hte e, ngai kaw wa marit; ngai nanhte hpe ban sa shangun na made ai.

Jinghpaw Common Language Bible 2009

²⁸ Lit li gun nna hki ba la ai ni yawng hte e, ngai kaw wa marit; ngai nanhte hpe ban sa shangun na made ai.

MAHTE 11:28 ပူးပေါင်းရင်းမြစ်များ

YOBA 14:1

“Numsha hta shangai ai shinggyim masha gaw, aprat gadun nna, ruyak ai hte hpring nga ai.

YOBA 5:7

Wan numya ni ntsa de poi lung wa ai zawn, shinggyim masha gaw, tsin-yam hkrum na matu, shangai wa sai.

SHAKAWN KUNGDAWN 116:7

Nye a myit masin e, Yehowa nang hpe chyeju madun nit dai majaw, Nang ban lu ai shara de bai wa su.

SHAKAWN KUNGDAWN 32:4

Na a lata gaw shani shana nye a ntsa e a li nga nna, Nye a salat, nlum ta hta na hkraw hkun ai hte galai mat sai. [Selah.]

SHAKAWN KUNGDAWN 38:4

Ngai shut hpyit ai gaw nye a baw lim nga nna, li ai lit zawn nye a matu nau wa li la nga ai.

SHAKAWN KUNGDAWN 94:13

Tara n lang ai ni a matu, nsung hku htu ngut hkra, Ru tsang ai nhtoi hta na shi lawt lu u ga, Nang shi hpe ban sa ai lam, madun ya nu ai.

HPAJI NINGLI 1:14

Jan a npu e shachyen ai amu amyu shagu hpe ngai mada mu ni ai; yu u, yawng hte gaw kaman lila hte nbung hpe shachyut ai hkrai rai nga ai.

HPAJI NINGLI 1:8

Yawng mayawng gaw, masha n tsun lu hkra, hki ba shangun ai amu hkrai rai nga ai; myi gaw mu mada timung, mu jin ai, n rai; na gaw na lu timung, na tsu ai n rai.

HPAJI NINGLI 4:8

Marai langai mi gaw kanawn manang, kashu kasha, kahpu kanau n lu timung, shi a amu n htum hkraw ai hte shi a myi sutgan hpe n yu krem nga ai. Dai rai nna shi gaw Ngai gade a matu shakut sharang ai hte, nji nmu hkrum nga nngai i? nga nna san nga ai: dai mung kaman lila hte hki ba ai amu kaba hkrai rai nga ai.

ESAIA 1:4

N shawp ai amyu e, nang gaw yubak lit gun ai amyu, n hkru n hkra ai aru arat, myit magaw ai kashu kasha rai nga n hka! Shanhte Yehowa hpe kau da masai; Israela a Chyoi pra ai wa hpe n gawn n sawn di kau manu ai; shanhte kayin nna kanut mat wa masai.

ESAIA 11:10

Dai aten e Yese a aru gaw, amyu baw ni a matu dan hkung ai dawnghkawn rai nga na hte, maigan amyu ni shi hpang de ju wa nna, shi shanu nga ai shara gaw, hpung shingkang rawng na ra ai.

ESAIA 28:12

shi gaw, tsasam ga tsun ai nten hte, ga amyu kaga hku ndai amyu hpe tsun da na ra ai.

ESAIA 61:3

Ziun mare hta sharung shayawt ai ni hpe, wan dap a malai nampan shanghkawng, sharung shayawt ai a malai kabu gara ai namman, myit kaji ai a malai kabu gara ai hpun palawng jaw na matu mung, shi ngai hpe shangun dat nngai; shing rai, Yehowa gaw arawng sadang lu la na matu, shanhte gaw, shi hkai da ai dinghpring ai hpun ni ngu ai mying, mying na mara ai.

ESAIA 66:2

Nye a lata dai lam yawng mayawng hpe galaw da nna, dai ni mahkra byin wa sai: rai timung ngai gaw, myit kyip ai hte gawng run nna, nye a ga majaw hkrit gari chye ai wa hpe, mada yu nngai.

YEREMIA 31:25

Hki ba hkrum ai myit masin hpe ngai jahkru shakat nngai; yawn hkyen hkrum ai ni yawng hpe, ngai shalan shabran nngai.

YEREMIA 35:16

Rehkab a kasha, Yonadab a kashu kasha ni gaw, tinang kawa a htet da ai ga hkan shatup ma ai rai nna, ndai amyu masha ni gaw nye a ga n madat ma ai majaw, Israela Karai Kasang Yehowa ning nga ai: Yu mu, ngai tsun ai tsin-yam tsindam mahkra hpe, Yuda mung hte Yerusalem mare ntsa e ngai shapraw na nngai: kaning rai nme law, ngai tsun timung shanhte n madat ma ai; ngai shaga timung, shanhte n htan hkraw ma ai, nga ai.

YEREMIA 6:16

Yehowa ning nga ai: “Lam mashe makau e tsap nna mada yu mu; myi na lam dingsa ni hpe tam let, Kaja ai lam gara mahtang rai ta? nga nna san let, dai hku hkan mu; shing rai yang, nanhte a myit masin ban sa na ra ai; rai timung, Anhte n hkan na ga ai, nga nna shanhte htan ma ai.

MAHTE 11:29

Ngai gaw myit sumnung ai hte myit gyip nga nngai rai nna nye a kandang hpe hpai mu, nye a lam sharin la mu: dai rai yang nanhte a myit masin ban sa ai hkrum na malit dai:

MAHTE 23:4

Li la ai lit hpe shanhte baw la nna, masha ni a lahpa hta e mara da ya nhtawm e shanhte gaw tinang a layung hte sha pyi, dai hpe n shamawt mayu ma ai.

YAWHAN 6:37

Wa e ngai hpe ap ya ai yawng mayawng hte gaw, ngai hpang de du na mara ai; ngai hpang de du sa ai wa hpe mung, gaja wa ngai n kanawng kau na nngai.

YAWHAN 7:37

Shaloi dai poi a jahtum nhtoi ngu ai nhtoi kaba hta Yesu gaw tsap da nna, “Hpang kara ai wa nga yang gaw, ngai hpang de sa lu rit.

KASA 15:10

Dai rai yang, ji wa ni e mung n dang, anhte mung n hpai dang ai lit hpe, sape ni a lahpa hta shagun ga nga, hpa rai Karai Kasang hpe chyam yu nga myit ta?

KASA 20:35

Shing rai galaw shaja nna, gawng kya ai ni hpe shadaw mai ai lam mung, Hkam sha ai hta jaw ya ai mahtang grau a nga ai, nga nna Madu Yesu nan tsun ai ga dum ga, ngu nna mung, ngai lam shagu hta nanhte a ningli tai ni ai law,” ngu nna tsun mu ai.

GALATI 5:1

Anhte shanglawt tai na matu, Hkristu gaw anhte hpe shalawt dat mi ai: dai re ai majaw agrin nga nna, dai mayam a kandang npu e bai hkum ahkang nga myit.

2 HTESALONI 1:7

Karai Kasang hpe n chye n chyang ai ni hte, anhte a Madu Yesu Hkristu a kabu gara shiga n madat mara ni hpe matai dawp na shaloi e,

HEBRE 4:1

Dai re ai majaw, shi a ban sa ai de shang lu na, ga sadi naw nga nga dingsa, nanhte hta na langai ngai dai de hkoi n dep lu na hpe, anhte myit tsang nga ga.

SHINGRAN 22:17

Dai Wenyi hte Num ningnan gaw, “Sa rit,” nga ma ai; na la ai wa mung, “Sa rit,” ngu u ga. Hpang kara ai wa gaw sa ru ga; lu mayu ai wa kadai mung, manu jahpu n hkrat ai sha, asak ntsin lu la u ga.