MAHTE 11:25 - Jinghpaw Hanson Version Bible

²⁵ Dai aten hte hta Yesu gaw ga hpaw nna, “Sumsing lamu hte ginding aga a Madu, Wa e; hpaji byeng-ya rawng ai ni hte myit kunghpan ai ni kaw na ndai lam nang makoi magap da nhtawm, ma kaji ni hpe madun dan ndai majaw, ngai nang hpe shakawn kungdawn nngai:

Jinghpaw Common Language Bible 2009

²⁵ Dai aten hta Yesu gaw, Sumsing Lamu Mungdan hte ginding aga a Madu Wa e, hpaji byeng-ya rawng ai ni hte myit kung hpan ai ni hpe n chye shangun hkra makoi magap da nhtawm, hpaji kata ai ni hpe madun dan ndai majaw, ngai nang hpe shakawn kungdawn nngai.

MAHTE 11:25 ပူးပေါင်းရင်းမြစ်များ

NINGPAWT NINGHPANG 14:19

Shi gaw Abram hpe, “Lamu hte aga Madu, Tsaw Htum ai Wa Karai Kasang gaw Abram hpe shaman ya u ga:

NINGPAWT NINGHPANG 14:22

Shaloi Abram gaw Sodom hkawhkam wa hpe, “Abram hpe ngai sut jasu se ai, nga nna nang tsun shara n nga u ga,

2 HKAWHKAM 19:15

Shing rai Hezekia gaw Yehowa man e, “Hkerubim ntsa e dung nga ai Israela Karai Kasang Yehowa e; ga ntsa mungdan mahkra a Karai Kasang nang chyu rai nga ndai: nang gaw sumsing lamu hte ginding aga hpe hpan da nu ai.

1 HKAWHKAM LABAU 29:13

Dai re ai majaw, anhte a Karai Kasang e, na a chyeju hpe anhte dum nna, na a hpung shingkang rawng ai mying ningsang shakawn kungdawn nga ga ai.

YOBA 37:24

Dai re ai majaw shinggyim masha ni shi hpe hkrit hkungga ma ai; tinang nan hpaji rawng dum ai wa hpe shi n yu ra nga ai law,” nga ai.

SHAKAWN KUNGDAWN 8:2

Nang hpe je hpre ai ni a majaw, Gumlau ni hte manawn ai ni hpe jasim kau mu ga, Ma chyangai hte chyu chyu ai ni a n-gup hta, nang hpung shingkang tawn da ndai.

ESAIA 5:21

Ngai hpaji rawng nngai, nga nna myit ai ni hte, tinang hkum rai dum la ai ni gaw, dingnye lu ma ai.

ESAIA 66:1

Yehowa gaw ning nga ai: Sumsing lamu gaw nye a tingnyang, ginding aga gaw nye lagaw a kabye lahkum rai nga ai: nye a matu kaning re ai nta galaw na myit ta? ngai ban sa ai shara, kaning re ai shara rai na a ta?

Daniela 2:23

Nye a ji wa ni a Karai Kasang e, nang ngai hpe hpaji byeng-ya hte n-gun atsam jaw nna, anhte hpyi ai hte maren, ngai hpe ya shapraw dan ndai majaw, ngai chyeju dum nna, nang hpe shakawn nngai law; gaja wa, hkawhkam wa hte seng ai lam, nang anhte hpe shapraw shadan dan mi ai,” nga nna tsun ai.

Daniela 4:35

mungkan masha ni yawng mayawng shi a man e hpa mi n rai nga ai: sumsing lamu na luksuk laba ni hta mung, mungkan ga e shanu ai ni hta mung, shi galaw mayu ai hte maren galaw nna, shi a lata hpe hkum da ai wa n nga ai: “Nang hpa galaw nga n ta?” nga nna shi hpe tsun lu ai wa kadai mung n nga ai.

MAHTE 16:17

Dai rai nna Yesu gaw, “Bara-Yona Simun e, nang a lu ndai: ashan hte asai gaw, nang hpe dai madun dan ai n rai; sumsing lamu e nga ai nye a Wa gaw dai hpe madun dan da ndai.

MAHTE 21:16

Yesu gaw, “Ngai na nga nngai, ma chyangai hte chyu chyu ai ni a n-gup hta mahkawn mangoi ai ga hpe nang shangut da nu ai, nga nna rawng ai ga hpe, nanhte galoi n hti yu myit ni?” ngu nna shanhte hpe tsun mu ai.

LUKA 22:42

“Wa e, nang ra n yang gaw, ndai gawm hpe ngai kaw na shalai kau ya e; rai timung ngai ra ai hku n rai, nang ra ai hku she rai u ga,” ngu nna hpyi wu ai.

LUKA 23:34

Shaloi Yesu gaw, “Wa e, shanhte a mara dat kau ya mu: shanhte galaw ai lam hpe shanhte n chye nga ma ai,” nga ai. Shanhte gaw shi a hpun palawng ni hpe mung, hpaida da nna karan la ma ai.

YAWHAN 11:41

Dai rai nna nlung dai hpe shanhte galau kau mu ai. Shaloi Yesu gaw lamu de mada yu nna, “Wa e, nang nye a ga madat ya ndai majaw, ngai nang hpe shakawn nngai law.

YAWHAN 12:27

“Ya ngai myit ru nga nngai: ngai kaning ngu tsun na i? ‘Wa e, ndai ahkying hta na ngai hpe hkye hkrang la e:’ ning ngu yang mung ndai lam a majaw she, ndai ahkying de ngai du wa ni ai:

YAWHAN 12:28

Wa e, na a mying ningsang hpe sha shagrau u law,” nga nna shan hpe tsun wu ai. Shaloi sumsing lamu de na ga nsen gaw, “Ngai shagrau se ai, bai naw shagrau na we ai,” nga nna, ngoi pru wa ai.

KASA 17:24

Mungkan ga hte dai hta nga ai yawng mayawng hpe, hpan tawn da ai Karai Kasang gaw, sumsing lamu hte ginding aga a Madu rai nga ai rai nna, masha lata hte shachyaw ai nawku nta hta rawng nga ai n rai:

1 KORINHTU 2:10

Karai Kasang chyawm gaw, Wenyi a lata hte ndai lam hte hpe anhte kaw shapraw shadan dan mi ai: kaning rai nme law, dai Wenyi gaw Karai Kasang a sung htum ai kaw du hkra, yawng mayawng hte hpe manaw yu nga ai.

2 KORINHTU 3:14

Shanhte a myit mang ai hku chyawm gaw shaja kau ai hkrum ma ai; kaning rai nme law, dai ni nan du hkra, dai ga shaka dingsa hti yang, myi na man magap gaw a htinggrum nga ai rai nna, dai gaw Hkristu e kun di kau nu ai hpe, shanhte kaw shapraw shadan manu ai n rai:

1 SAMUELA 2:18

Dai ma Samuela chyawm gaw, hpa hkai palawng hpun nna, Yehowa man e amu gun hpai nga ai.