MAHTE 11:23 - Jinghpaw Hanson Version Bible

²³ Nang mung, Kaperna-um e, lamu du hkra sharawt ai, nang hkrum na n ni? katsan ga du hkra jahkrat kau ai nang hkrum na rin dai. Kaning rai nme law, nang hta dan ai magam bungli ni hpe, Sodom hta e shabyin taw gaw, dai mare gaw dai ni du hkra agrin nga na re ai.

Jinghpaw Common Language Bible 2009

²³ Nang mung Kurazin e, lamu du hkra shagrau sharawt ai hkam la lu na ra ai ngu nna nawn da wu ni? Katsan ga du hkra jahkrat kau ai nang hkrum na rin dai. Hpa majaw nga yang, nang hta dan ai mauhpa magam bungli ni hpe, Sodom hta e shabyin taw gaw, dai mare gaw dai ni du hkra naw agrin nga na rai nga ai.

MAHTE 11:23 ပူးပေါင်းရင်းမြစ်များ

NINGPAWT NINGHPANG 13:13

Ya, Sodom mare na masha ni gaw n shawp nga ma ai rai nna, Yehowa a man e nachying yubak kaba ai ni rai nga ma ai.

SHARUNG SHAYAWT 2:1

Madu gaw pawt sindawng ai sumwi hte, Ziun shayi sha hpe, kaning rai ka-up nga a hka! Shi gaw Israela hpung shingkang hpe lamu kaw nna ga du hkra jahkrat kau nu ai: Shi pawt bu ai shani hta, shi a lagaw mara ai lahkum hpe shi dum nga ai, n rai.

EZEKELA 26:20

moi na ni a shara ngu ai, nsung hku de yu wa ai ni hte rau, ngai nang hpe shagrit kau na nngai; nang hta masha n shanu nga lu hkra, nsung hku de yu wa ai ni hte rau, moi chyaloi kaw nna shingran katsi ai ga kata de, ngai nang hpe nga shangun na nngai: shaloi hkrung nga ai ni a mungdan hta nye a arawng hpe ngai jahpaw na nngai:

EZEKELA 31:14

shing rai, hka e tu ai hpa hpun mung, tinang tsaw kaba ai majaw, n gumrawng na ra ai; tinang a ndung ni hpe sumwi de n shadep nna, hka majaw kaba wa ai daru magam wa kadai mung, tinang myit kaba ai hta tsap nga na n rai: kaning rai nme law, nlang hte gaw nsung hku de shang wa ai shinggyim kasha ni hte hpawn, lamu ga lawu tsang e, si hkrung si htan du hpang de yu wa na matu, ap kau ai hkrum masai.”

EZEKELA 32:18

“Masha kasha e, Egutu wunawng wuwa ni a matu sharung shayawt nna, shanhte hpe shayu dat u: nsung hku de yu wa ai ni hte hpawn, shi hpe mung, daru magam rawng ai maigan amyu ni a shayi sha ni hpe mung, lamu ga a lawu tsang de shayu dat u.

EZEKELA 32:24

Dai yang e, Elam hte shi a lup grup yin e, shi a wunawng wuwa ni yawng, nga nga ma ai: nlang hte gaw nhtu hte kadawng si nna, matu gadoi n hkam ai ni zawn, lamu ga a lawu tsang de yu hkrat wa ai ni rai nga ma ai: shanhte gaw dinghta ga e hkrithpa tai ma timung, nsung hku de yu wa ai ni hte rau, kaya kahpa hkrum masai.

OBEDIA 1:4

Langda hte maren nang tsaw nga nna, shagan ni a lapran e na a tsip tsip lu timung, dai kaw nna ngai nang hpe jahkrat kau na de ai, nga nna Yehowa tsun ai.

MAHTE 10:15

Nanhte hpe ngai teng teng tsun made ai gaw, tara dara ai nhtoi hta e, Sodom hte Gomora mung gaw, dai mare hta yubak nhkyi na ra ai.

MAHTE 16:18

Bai, nang hpe ngai tsun de ga, Nang Petru rai nga ndai hte, ndai lunghkrung ntsa e nye a Hpung hpe ngai de da na we ai rai nna. Katsan ga na chyinghka ni, dai hpe dang kau lu na n rai.

MAHTE 17:24

Bai, shanhte Kaperna-um de wa du ma yang, nawku Htingnu na alu lahkawn ai ni gaw Petru kaw sa du nna, “Nanhte a sara gaw dai shekela chyen mi n bang ga a ni?” ngu mu ai.

MAHTE 4:13

bai. Nazaret mare na htawt mat wa a yang, Zebulon hte Naphtali a mung ginwang hkan na nawng makau e nga ai Kaperna-um mare de shi du nna anga nga ai.

MAHTE 8:5

Ya, Kaperna-um mare de shang bang wa yang hpyen latsa up ai bu langai mi shi kaw sa du nna,

LUKA 10:15

Nang mung, Kaperna-um e, lamu du hkra sharawt ai, nang hkrum na n ni? katsan ga du hkra jahkrat kau ai nang hkrum na rin dai.

LUKA 14:11

Kaning rai nme law, tinang hkum shagrau ai wa kadai mung, grit mat ai hkrum na ra ai: tinang hkum shagrit ai wa chyawm gaw, shagrau ai hkrum na ra ai,” ngu wu ai.

LUKA 16:23

Katsan ga e nachying nni nkri hkrum let shi mada yu nna, Abraham hpe mung, shi a lahpyen hta rawng ai Lazaru hpe mung, mu wu ai.

LUKA 4:23

Dai rai nna shi gaw, “Nanhte gaja wa teng teng, Tsi sara e, tinang hkum dai shamai la u; anhte na ai hte maren, Kaperna-um mare e shabyin ai amu zawn, nang na a buga e mung galaw dan u,” nga nna ga shadawn ndai hte ngai hpe tsun na marin dai.

KASA 2:27

Kaning rai nme law, nang nye a myit masin hpe katsan ga e kau da ya na n rai; Na a chyoi pra ai wa hten byak hkrum na, nang hkraw na n rai.

KASA 2:31

Hkristu a bai hkrung rawt wa na lam shi chye tau tawn ai rai nna, shi hpe katsan ga e n kau da na hte, shi a hkum shan hten byak n hkrum na lam, tsun da wu ai.

YUDA 1:7

Dai hte maren, Sodom yan Gomora hte, dai mare yan zawn, grup yin na mare ni mung, shut hpyit lai ai amu galaw nna, lasha shada da tam shut nga ai a jaw e, dai ni hpe ningli shatai na matu, prat dingsa na wan nhpra hta e ari hkrum sha mu ai.

SHINGRAN 1:18

ahkrung nga ai wa mung, ngai rai nga nngai; ngai si ni ai rai timung, yu u, htani htana prat dingsa e ngai ahkrung nga nngai: si hkrung si htan mungdan a sumsaw hte, katsan ga na sumsaw ngai lang nngai.

SHINGRAN 11:8

Ga malai hku Sodom hte Egutu ngu shamying ai, wudang hta shan a Madu jen da hkrum ai mare kaba a nmaw lam hta, shan a moi mang taw nga ai.

SHINGRAN 20:13

Shaloi nammukdara gaw tinang hta rawng ai, masha chyasi ni hpe bai ya wu ai; si hkrung si htan hte katsan ga mung, tinang ni hta rawng ai chyasi ni hpe bai ya mu ai; masha langai hte langai gaw tinang a arawn alai hte maren, tara dawdan ai hkrum ma ai.

SHINGRAN 6:8

Shaloi ngai yu yang, yu u, atsit nsan ai gumra nga nga ai rai nna, dai hta jawn ai wa a amying gaw, Si du rai nga ai; katsan ga mung dai wa kaw hkan nang nga ai. Ri nhtu hte, hku hku ai hte, ana ahkya hte ga ntsa na matse labye zingri ai hte sat kau na matu, lamu ga daw mali hta na daw mi a ntsa e up ai ahkang, shanhte lu la ma ai.