MAHTE 11:22 - Jinghpaw Hanson Version Bible

²² Dai majaw, nan hpe ngai tsun nngai gaw, dai tara dara ai nhtoi hta e, Turu hte Sidun mare yan gaw, nan hta naw chyamai na mara ai.

Jinghpaw Common Language Bible 2009

²² Dai majaw, nan hpe ngai tsun nngai gaw, dai tara dara ai nhtoi hta e, Turu hte Sidon yan gaw, nan hta naw chyamai na mara ai.

MAHTE 11:22 ပူးပေါင်းရင်းမြစ်များ

YEREMIA 27:3

bai, dai sumri hte kandang ni hpe, Yuda hkawhkam Zedekia hpang de, Yerusalem mare de sa du ai kasa ni a lata hta, Edom hkawhkam, Moba hkawhkam, Ammon kashu kasha ni a hkawhkam, Turu hkawhkam, Sidon hkawhkam hpang de shangun dat u:

EZEKELA 29:18

“Masha kasha e, Babelon hkawhkam Nebuhkadneza gaw, Turu mare hpe hkap gasat let, shi a hpyen luksuk ni hpe amu kaba galaw shangun mu ai; baw yawng krin wa sai, lahpa shagu hpye wa sai: rai timung Turu mare hpe hkap gasat shakut ai amu matu, hkawhkam wa hte hpyen masha ni gaw, dai mare kaw na hpa shabrai n lu la ma ai.

YOELA 3:4

Gaja wa, Turu, Sidon hte Hpilisti ginwang mungdaw ni e, nanhte ngai hte hpa seng a ta? nanhte ngai hpe matai dawp na rai myit ni? Ngai hpe matai dawp yang, nanhte a matai dawp ai lam, ngai nanhte a baw ntsa e alawan akajawng sha nhtang dat na nngai.

MAHTE 10:15

Nanhte hpe ngai teng teng tsun made ai gaw, tara dara ai nhtoi hta e, Sodom hte Gomora mung gaw, dai mare hta yubak nhkyi na ra ai.

MAHTE 11:21

“O, Kurazin e, nang dingnye lu ndai! O, Betsaida e, nang dingnye lu ndai! Kaning rai nme law, nan hta dan ai magam bungli ni hpe, Turu hte Sidun mare yan hta dan yu taw gaw, dai yan gaw moi moi e nan lachyit nba hte dap hta e, myit malai lu boi na masai.

MAHTE 11:24

Dai majaw nanhte hpe ngai tsun made ai gaw, tara dara ai nhtoi hta e, Sodom mung gaw, nang hta naw chyamai na ra ai,” nga ai.

MAHTE 12:36

Nanhte hpe ngai tsun made ga, masha ni tsun nga ai, tinang a kaman lila ga yawng hte a majaw, tara dara ai nhtoi hta e, jahpan dan na hkrum na mara ai.

LUKA 10:14

Dai rai nna, tara dawdan ai nhtoi hta Turu hte Sidun mare yan gaw nan hta naw chyamai na mara ai.

HEBRE 2:3

ndai hte wa galu kaba ai hkye hkrang la ai chyeju hpe n gawn n sawn di ga yang, anhte kaning rai lawt lu na ga ta? dai chyeju gaw shawng npawt e madu a n-gup hte nan tsun dan nna, na la ai ni gaw anhte hpe bai htawn tsun shangang da ai hte,

2 PETRU 2:9

Dai madu gaw, tara hkungga ai ni hpe agung alau kata na mawai la na hte, n ding n hpring ai ni hpe ari jahkrum na matu, tara dara na nhtoi du hkra hkang tawn da na nga, chye nga ai: dai hkum shan a matsat shabat marin ai lam hta hkawm wa ma ai rai nna, ahkang aya lu ai ni hpe n gawn n sawn di mu ai ni nan, grau nna dai zawn di na, shi chye nga ai.

2 PETRU 3:7

Ya e nga ai sumsing lamu ni hte ginding aga hpe chyawm gaw, tara n lang ai ni a dawdan ai hte jahten shabya hkrum na nhtoi du hkra, wan jahkru na matu mara, moi na mungga hte nan a rem da nga nu ai.

1 YAWHAN 4:17

Dai dawdan ai nhtoi hta e, anhte nden ja ai myit rawng lu hkra, dai tsawra ai lam gaw, anhte hta e dik wa sai: kaning rai nme law, shi rai nga ai hte maren, anhte mung ndai mungkan ga e a rai nga ga ai.

SHINGRAN 20:11

Bai, galu kaba ai tingnyang ahpraw mung, dai hta e dung nga ai wa hpe mung, ngai mu nngai; shi a myi man kaw na aga hte lamu gaw hkoi mat wa nna, dai yan a matu nga shara n nga mat ai.

SHINGRAN 20:12

Si mat wa ai ni mung kaji kaba dai tingnyang a man e tsap nga ma ai hpe, ngai mu nngai; shaloi laika ni hpe hpaw tawn nga ai: asak laika ngu ai laika kaga hpe mung hpaw tawn nga ai: si mat wa sai ni gaw, tinang a arawn alai hte maren, laika ni hta ka da ai hku hkan nna, tara dawdan ai hkrum ma ai.