MAHTE 11:21 - Jinghpaw Hanson Version Bible

²¹ “O, Kurazin e, nang dingnye lu ndai! O, Betsaida e, nang dingnye lu ndai! Kaning rai nme law, nan hta dan ai magam bungli ni hpe, Turu hte Sidun mare yan hta dan yu taw gaw, dai yan gaw moi moi e nan lachyit nba hte dap hta e, myit malai lu boi na masai.

Jinghpaw Common Language Bible 2009

²¹ “O, Kurazin e, nang dingnye lu ndai! O, Betsaida e, nang dingnye lu ndai! Hpa majaw nga yang, nan hta dan ai mauhpa magam bungli ni hpe Turu hte Sidon mare yan hta dan yu taw gaw moi moi me lachyit nba hpun, dap hta galwi rai nna myit malai lu boi na masai.

MAHTE 11:21 ပူးပေါင်းရင်းမြစ်များ

YOBA 42:6

Dai re ai majaw, nye hkum dai hpe ngai matsat kau nna, ga nhpu hte wan dap hta myit nem nga nngai law,” nga ai.

YEREMIA 13:27

Pa ga na kawng ni a ntsa e nang galaw ai matsat shabat ngu ai, num shaw la shaw ai, nying sharung ai hte n san n seng hpye ai amu hpe, ngai mu ni ai: Yerusalem e, nang dingnye lu ndai; nang n san n seng ai gaten du hkra naw rai nga na a ta? nga nna Yehowa tsun ai.

YOELA 3:4

Gaja wa, Turu, Sidon hte Hpilisti ginwang mungdaw ni e, nanhte ngai hte hpa seng a ta? nanhte ngai hpe matai dawp na rai myit ni? Ngai hpe matai dawp yang, nanhte a matai dawp ai lam, ngai nanhte a baw ntsa e alawan akajawng sha nhtang dat na nngai.

AMO LAIKA (AMOS) 1:9

Yehowa ning nga ai: Turu mare a yubak masum hta n-ga, yubak mali majaw, ngai ari n jaw ai, nga na n rai: kaning rai nme law, shanhte gaw kahpu kanau shada tawn da ai ga shaka n hkan ai, amyu ting hpe, Edom masha ni a lata de ap kau ma ai:

MAHTE 11:22

Dai majaw, nan hpe ngai tsun nngai gaw, dai tara dara ai nhtoi hta e, Turu hte Sidun mare yan gaw, nan hta naw chyamai na mara ai.

MAHTE 15:21

Ya Yesu gaw dai yang na pru wa nna, Turu hte Sidun a mung ginwang hkan e sa du ai.

MAHTE 18:7

Myit kataw shara nga nga ai majaw, mungkan ga na ni dingnye lu ma ai: myit kataw shara n nga hkra gaw, n rai lu ai; rai timung, myit kataw shara shabyin dat ai wa gaw, dingnye lu ai.

MAHTE 26:24

ka da nga ai hte maren, dai Masha Kasha gaw sa wa na ra ai; rai timung, dai Masha Kasha hpe ap kau ai wa gaw dingnye lu na ra ai! dai masha n shangai taw gaw, shi a matu grau kaja nga ai, ngu wu ai.

MARKU 3:8

dai hta n-ga Yuda mung hte Yerusalem mare na, Idumia mung hte, Yawdan hka wora hkran na ni hte, Turu hte Sidun ginwang hkan na masha wunawng wuwa, shi galaw dat ai amu a lam hte hpe, na ma ai rai nna, shi hpang de sa du ma ai.

MARKU 6:45

Shaloi jang, shawa masha ni hpe naw shabawn nga yang, sape ni li hta shang nna, shi a shawng e nawng wora hkran Betsaida mare de rap sa wa mu ga, shi shanhte hpe reng dat mu ai.

MARKU 7:24

Shaloi dai yang na shi rawt wa nna, Turu hte Sidun lamu ga jarit hkan e du hkra pru sa wa ai. Nta hta e shi shang nna, dai hpe kadai mung n chye lu u ga, shi ra nga timung, koi lu ai n rai.

MARKU 7:31

Bai, Turu a ga jarit kaw nna pru wa yang, Sidun hpe lai ga wa nna, Dekapoli ginwang ka-ang hku ga sa wa nhtawm, Galile nawng de sa du ai.

MARKU 8:22

Shaloi shanhte gaw Betsaida de du ma ai. Ya, myi kyaw ai masha langai mi hpe shanhte shi hpang de woi wa mu ai rai nna, shi hpe ahtawk na hpyi da mu ai.

LUKA 4:26

rai timung, shanhte hta na langai mi kaw muk Elia hpe n shangun dat wu ai; Sidun mung Zarephta mare na gaida jan langai mi kaw she shangun dat wu ai.

LUKA 6:17

Shanhte hte rau yu wa nna layang e tsap nga yang, shi a sape hpung kaba mung, Yuda mung ting hte Yerusalem mare na mung, nammukdara makau na Turu hte Sidun kaw na mung, masha wunawng wuwa kaba gaw shi a ga madat la na hte tinang a machyi makaw shamai la na matu, rau hpawng nga ma ai:

LUKA 9:10

Shaloi kasa ni bai wa ma yang, shanhte galaw ai amu a lam shi hpe hkai dan ma ai. Shi chyawm gaw shanhte hpe woi la nna, Betsaida ngu ai mare de lagyim sa mat wa ai.

YAWHAN 1:44

Hpilip gaw Andre yan Petru nga ai Betsaida mare na rai nga ai.

YAWHAN 12:21

Dai ni gaw Galile mung na Betsaida mare masha Hpilip kaw sa nna, “Hkau e, anhte gaw Yesu hpe hkrum mayu ga ai, ngu nna tsun mu ai.

KASA 12:20

Dai hte yang hkawhkam wa gaw Turu hte Sidun masha ni hpe grai pawt bu da wu ai; dai rai nna, shanhte gaw myit langai sha hte shi hpang de sa nna, Blastu ngu ai, shi a kun hkringmang wa kaw sa hpa let, majan htinglu na lam sa hpyi ma ai: kaning rai nme law, shanhte a mung mahtang hkawhkam a mung na, lusha shahpa lu la ma ai.

KASA 27:3

Hpang shani e anhte Sidon mare hta sek ga ai; Yuli gaw Pawlu hpe matsan dum nna, shi a jinghku ni kaw sa jahkrum na hte galaw daw hkam sha na matu, ahkang jaw wu ai.

YUDA 1:11

Shanhte gaw dingnye lu mu ga! kaning rai nme law, Ka-in a lam hta e shanhte hkan hkawm ma ai rai nna, shabrai lu la na matu Balam a lam dam mat ai hta gumbawm ma ai hte, Kora a gumlau gumle ai amu hta e hten bya mat ma ai.

SHINGRAN 11:3

Bai, nye a sakse yan lahkawng hpe ngai ahkang jaw na mawe ai rai nna, shan gaw lachyit nba bu hpun let, nhtoi hkying mi ni tsa e kru shi ya tup, myihtoi htoi na mara ai.”

SHINGRAN 6:12

Bai, kru ngu na dazik hpe hpaw dat wu yang, ngai mu nngai gaw, nnang nawn kaba a nawn wa ai; ajan gaw amun chyang hte da ai sumpan zawn asin amang nsan mat nna, shata hkum ting mung asai zawn san mat wa ai;