MAHTE 11:18 - Jinghpaw Hanson Version Bible

¹⁸ Kaning rai nme law, Yawhan sa du nna n lu n sha ai sha nga yang, shanhte gaw, Shi nat kap ai wa rai nga ai, nga ma ai:

Jinghpaw Common Language Bible 2009

¹⁸ Yawhan du sa nna lu sha gam let sabyi n lu ai sha nga ai shaloi, ‘Shi nat kap ai wa rai nga ai,’ nga nna masha shagu tsun ma ai.

MAHTE 11:18 ပူးပေါင်းရင်းမြစ်များ

2 HKAWHKAM 9:11

Ya Yehu gaw shi madu a ali ama ni hpang de sa du yang, langai wa mi gaw, “Yawng ngwipyaw nga a ni? Dai mana bu ai wa gaw hpa majaw nang kaw sa du a ta?” ngu nna san wu yang, Yehu gaw, “Nanhte nan dai wa hpe mung, shi tsun ai ga mung, chye nga myit dai,” ngu mu ai.

YEREMIA 15:17

Ngai gaw poi galaw ai ni a hpung hta n dung lawm nngai: kabu mung n kabu nngai; na a lata n-yun bu ai hte ngai hpe jahpring ai majaw, ngai hkrai sha dung nga nngai.

HOSEA 9:7

Ari jaw na aten du sai; matai htang na shani du sai; Israela amyu chye lu na ra ai: na a law la ai shut hpyit ai hte, ladu lai ai n dawng n yawt myit majaw, myihtoi wa gaw angawk ai wa, wenyi shung ai wa mana bu ai wa, tai nga ai.

MAHTE 10:25

Sape gaw shi a sara zawn, mayam gaw shi a madu zawn rai nga yang gaw, ram nga ai: shanhte gaw nta madu wa hpe Bezebula ngu mu yang gaw, shi a nta na ni hpe, shing grau ngu na mu ai, n rai hka!

MAHTE 11:17

Nanhte a matu anhte sumpyi dum ga timung, nanhte n ka myit dai: Anhte sharung shayawt timung, nanhte n yawn myit dai, nga nna, gat hkan e dung let, shada da gintan hkat ai ma ni hte bung nga ma ai.

MAHTE 3:4

Dai Yawhan chyawm gaw, gawla-uk mun hte da ai nba bu hpun nna, shi nshang e shanhpyi shingkyit kyit nga ai: shi a shahpa mung, dinggam-yaw hte nam na lagat jahku rai nga lu ai.

MAHTE 9:34

[Hparishe ni mahtang gaw, “Nat ni a agyi hte sha, shi nat ni hpe shaden kau lu nu ai,” nga ma ai.]

MARKU 3:22

Dai hta n-ga, Yerusalem na yu wa ai laika ka ai sara ni mung, “Shi gaw Bezebula rawng ai wa rai nga ai; nat ni a agyi wa hte shi nat ni hpe shaden kau mu ai,” nga nna tsun ma ai.

LUKA 1:15

Kaning rai nme law, shi gaw dai Madu a man e galu kaba wa na ra ai; tsabyi hte chyaru shi lu na n rai; kanu a hkritung nna pyi, Chyoi pra ai Wenyi hte hpring na ra ai.

YAWHAN 10:20

Shanhte hta na law law gaw, “Shi nat shung nna mana nga ai: shi a ga hpe hpa rai madat nga myit ta?” nga ma ai.

YAWHAN 7:20

Shaloi hpawng nga ai masha ni gaw, “Nang hta nat rawng nga ai: nang hpe sat kau na kadai tam a ta?” ngu nna htan mu ai.

YAWHAN 8:48

Shaloi Yuda masha ni gaw, “Nang Samari masha rai ndai, nat shang ai wa mung rai ndai, ngu nna anhte tsun ai ga gaw, jaw la nga ai n rai ni?” ngu nna shi hpe bai htan mu ai.

YAWHAN 8:52

Bai Yuda masha ni gaw, “Nang nat shang ai wa rai nga ai gaw, ya anhte chye saga ai: Abraham hte myihtoi ni pyi si mat wa masai; nang wa chyawm gaw, Nye ga hku hkan ai wa gaw, galoi mung n si na ra ai, nga nna tsun lu ndai.

KASA 26:24

Shing nga mara raw ga tsun ai hpe, Hpestu gaw, “Pawlu e, nang mana nit dai; hpaji hparat nau htang shalai nna mana mat nit dai,” ngu nna aja awa jet wu ai.

1 KORINHTU 9:27

masha kaga hpe tara hkaw ngut ai hpang, ngai hkum nan sum kau ai n hkrum u ga, nye a hkum hpe ngai htwi kau nna, dai hpe shagrit da we ai.