MAHTE 11:16 - Jinghpaw Hanson Version Bible

¹⁶ Dai majaw, ndai amyu hpe, ngai hpa hte shadawn dan na mawe ta? Shanhte gaw,

Jinghpaw Common Language Bible 2009

¹⁶ Ya, ndai prat na amyu hpe ngai hpa hte shadawn lu na mawe ta? shanhte gaw,

MAHTE 11:16 ပူးပေါင်းရင်းမြစ်များ

SHARUNG SHAYAWT 2:13

Yerusalem shayi sha e, na a amu hta ngai hpa sakse madun na rai ta? nang hte hpa shadawn na rai ta? Ziun a shayi hkawnsek e, nang hpe shalan shabran na matu, nang hte hpa shabung na rai ta? Na a hten run ai gaw nammukdara zawn dam nga ai majaw, nang hpe shamai lu na, kadai wa rai ta?

MAHTE 11:15

Na tu ai wa gaw, na la u ga.

MAHTE 11:17

Nanhte a matu anhte sumpyi dum ga timung, nanhte n ka myit dai: Anhte sharung shayawt timung, nanhte n yawn myit dai, nga nna, gat hkan e dung let, shada da gintan hkat ai ma ni hte bung nga ma ai.

MAHTE 12:34

Pu htum amyu ni e, nanhte n hkru nga myit dai mi, kaja ai ga kaning rai tsun lu na myit ta? kaning rai nme law, kraw hta hpring chyat nga ai kaw na, n-gup de tsun nga ai.

MAHTE 23:36

Ngai nanhte hpe teng teng tsun made ai gaw, ndai lam nlang hte gaw, ndai amyu a ntsa e du na ra ai.

MAHTE 23:7

masha ni, ‘Rabai e,’ ngu nna shamying na hpe, shanhte sharawng la ma ai.

MAHTE 24:34

Nanhte hpe ngai teng teng tsun made ai gaw, Ya pra nga ai ndai amyu masha ni garai n lai mat ma yang, dai lam yawng mayawng hte byin mat na ra ai.

MARKU 12:38

Bai sharin shaga nga let, shi tsun mu ai gaw, “Laika ka ai sara ni hpe sadi nga mu: shanhte palawng galu bu hpun let hkawm sa mayu nna gat hkan shachyen ai mung,

MARKU 4:30

Bai shi gaw, “Karai Kasang a mungdan hpe, hpa hte shabung lu na gaw ta? hpa ga shadawn hku hte shadawn na gaw ta?

LUKA 11:43

Hparishe ni e, nanhte dingnye lu myit dai! tara jawng ni hta grau reng ai dung shara ni hpe mung, gat hkan e hkungga shachyen ai ga hpe mung, nanhte sharawng la myit dai.

LUKA 13:18

Dai re ai majaw shi gaw, “Karai Kasang a mungdan gaw hpa hte bung a ta? ngai hpa hte shadawn na rai ta?